مدونة صيدلية الملاك

بسم الله الرحمن الرحيم
انا عندي 38 سنه انا مش عايش في مصر و
منذ 5 سنتن نمعدل حبتين في اليوم
و بحاول ابطل التراما من يومين الحمد لله فعلا الالم شديد بس نصحتي لاخواني هي الصبر انا مش عارف انام لليوم التاني
الصبر يا رجاله هو دا احسن حاجه

عاوز حل ولا اموت نفسى احسن ؟؟؟؟؟

اليوم السابع والألام خفت كتير كتير والحمد لله
بصراحة تعذبت لوصلت لهاي المرحلة بس اللي عندو عزيمة وأصرار بيقدر وأهم شي انك تكره الشغلة اللي بدك تبعد عنها
صدقوني انا دخنت 8 سنوات ولما كرهت الدخان بطلتو واليوم كرهت الترامال والحمد لله بطلتو بس وين العزيمة لازم تحصل عليها من داخلك
الحمد لله

انافي اليوم الرابع صحيت من النوم دايخ دوخة فظيعة عمرها ما صارت معي ومش عارف كيف اضيعها بس الحمد لله الالم في الرجلين زال وخف كتير في جسمي وان شاء الله من هون لبكرة بيزول تماما

السلام عليكم د.ممدوح
انا هلأ في اليوم التالت وأنا على هالحال … مش لاقي تحسن بس ان شاء الله خير
تقريبا صارلي 69 ساعة وانا على اصراري اني انهي من شي اسمو تريمادول
سبحان الله من 3 سنوات وكنت مش عارف قيمة صحتي ولا قيمة حياتي
صحيح اني مريض بس الحمدلله .. عندي عزيمة قوية جدا اني اعيش حياتي الطبيعية
والله ياجماعة كانت حياتي واقفة من هاد يلي اسمو ترامادول
فعلا الوقت كان متوقف عندي
مرت 3 سنوات بس ماحسيت بقيمتها
ماحسيت اني انجزت شي في حياتي طوال الفترة يلي كنت باخد تريمادول
يلا ان شاء الله بصير احسن … علشان الاحق الفصل الجامعي على خير وكون على طبيعتي
بس عنجد المدونة هاي كان الها السبب الرئيسي اني احاول اقلع عنو
وان شاء الله ربنا يزيل عني كل هاي الاعراض وكون منيح
وشكرا الك تاني دكتور ممدوح

بس في سؤال يادكتور الى متى سيظل هذا الالم معي يعني اسبوع او اكثر ارجو الاجابة

انا قريت كل التعليقات بتاعتكم وعايز اقولكم اني بقالي كتير عايز ابطله ومش قادر بس خلاص انا زهقت من كل حاجه ومن جوايا عايز ابطل
روحت لدكتور قالي قلل الجرعه واحده واحده علشان ااعراض الانسحاب تبقي بسيطه

بس انا فعلا نويت من بكره هبتدي في العلاج انشاء الله وجبت شويه مسكنات ومهدئات
ادعولي بالشفاء
وهتابع معاكم انشاء الله وهفكركم لما اقلع عن تناوله انشاء الله

انا اللى حصلى امبارح خلانى اتعهد قدام نفسى وقدام ربنا انى هبطل الزفت دة حتى لو هموت اهون عندى من اللى حصلى

وهحكيلو اللى حصل علشان انا متأكد ان كلكم بيحصل معاكم كدة
انا فى الاول زى اى حد شاب عندى 18 سنه وابتديت وانا عندى 16 سنة بتجربة البرشام دة من واحد هنا كنت بجيب منة حشيش كل فين وفين بس وفى يوم كنت ماشى وقابلتو قالى مش عايز حاجة قولتلو لا مش معايا فلوس قالى معايا برشام جامد وهيعملك دماغ اجمد بكتير قولتلو ماشى وادانى برشامة واديتلو ساعتها 8 جنية وكمان ربع من البرشامة ومشيت وخدتها كنت فاكر ان التأثير بيبقى سريع زى مثلا الحشيش لكن فضلت قاعد نص ساعة الف فى الشارع من غير ما احس بأى حاجة قولت يبقى مضروبة وروحت مروح وبعد ما طلعت بشوية حسيت فعلا بأنها بدأت تشتغل وكل حاجة وبتعمل دماااغ جامد جدا وبعد كدة عادى لما مخدتهاش تانى يوم محصلش اى حاجة وفضلت كام يوم وكلمت الواد تانى وقولتلو عايز واحدة قالى انا رايح مشوار استنى لما اجى قولتلو لا مش هينفع قالى خلاص هبعتك للواد اللى بجيب منو قولتلو ماشى وباعتنى فعلا وروحت قابلتو وخدت منو حباية ب 5 جنية قولت يبقى الواد كان بيطلع منى مصلحة 3 جنية ما علينا وفضلت كدة كل يومين تقريبا اخد واحدة وبعد كدة بقيت تقريبا كل يوم بأخد واحدة بس بمزاجى مش علشان انا حاسس بأى الم ومعتقدتش فى يوم انى ممكن ادمنها او انى لماماخدهاش هبقى كدة المهم فضلت اخدها كل يوم لمدة حوالى 4شهور وبعد جت السنة الجديدة 2010 وطبعا كلنا عارفين اللى سمعناة من اول السنة ان الحكومة قبضت على كمية مخدرات كبية وكان سببها اختفاء الحشيش تماما وكان الموضوع بالنسبالى مش فارق ولما روحت اجيب ملقتش الراجل اللى بجيب منو مع العلم ان احنا كنا بنجيب عن طريق انى اروح اقف قدام البيت وهو اصلا ساكن فى الدور الارضى واندة بصوت مش عالى اوى علية وهو هيطلع اديلو الفلوس ويدينى الحاجة المهم يومها لما روحت ملقتوش قولت وبعدين انا لازم اعمل دماغ اليوم دة مش هيعدى كدة ومشيت ورجعت بعديها بكام ساعة لقيت الباب مقفول ف روحت مكلم واحد صاحبى قولتلو عايز حباية وكدة طب عدى عليا فى البيت وننزل نشوف قولتلو ماشى عديت علية ونزلنا مع العلم انة ساكن فى منطقة شعبية واحنا ماشين قابل واحد كان جاى فى سكتنا وقفنا سلمنا علية وخدو على جنب وبعد كدة جة قالى هتعوز اية انا اقولك فى دماغى اجيب اتنين او تلاتة اشيلهم معايا علشان معرفش الظروف وجبت تلاتة فعلا وخدت نمرتو وفضلت الحكاية كدة وكل يوم اجيب منو لحد لما فى مرة لقيتو بيجيب من واحد بيقعد على قهوة من نفس المنطقة وبعدين فى يوم كنت الصبح ماشى بدور على الواد علشان كان قافل موبيلة قابلت الراجل دة على القهوة ونادهنى ودخلت وطلب شاى قالى هتعوز اية بصوت واطى وقولتلو وخلصت معاة وشربت الشاى وادانى نمرتو ومشيت بردة ب 5 جنية للحباية ال200 الترامادول وساعات كان التامول الابيض المهم بعد مدة قدرت انى اوصل بردة انى اعرف الراجل دة بيجيب من مين ولقيتو واحد من نفس المنطقة بس انا كنت قاعد معهم وهم بيتكلمو وادالو الشريط على 30 جنية عرفت ساعتها انو بيجيب الشريط ب 30 ويبيع الحباية ب 5 يبقى الشريط عامل 50 المهم عادى بعد كام يوم لقيت الراجل دة بيطنط عليا ويقولى هات فلوس زيادةومش عارف اية روحت قطعت معاة ورفعت اخر حباية وقولت انزل وروحت قعدت على القهوة المهم الراجل بتاع القهوة كان بيشوفنى علطول بقعد مع الراجل التانى واللى هو معروف انو بيبع برشام فا بالطريقة روحت كلمتة وقالى انا هديك حاجة من معايا ومن كيفى انا وادانى اربع حبايات ب 15 المهم روحتلو بعديها بيومين بالطريقة بردة قالى استنى لما يجى كان قصدة على الواد اللى اد الراجل الشريط ب 30 وهو كان ساكن فى بيت جنب القهوة علطول وفعلا لما نزل بتاع القهوة راح كلمة عليا فا ندهنى روحت كلمتة واتكلمت معاة قالى معاك كام قولتلو 10 قام ادانى تلاتة وخدت نمرتة فضلت اتعامل مع الراجل دة لمدة حوالى سنة بسعر 30 جنية للشريط ال 200 و35 للشريط ال 225 لحد لما حصل ان فى يوم قولت اروح اقعد على القهوة فا فى واحدة انا اعرفة وهو كمان كان ساعات بيجيلى يدينى هو الحاجة بدل التانى وهما اصحاب قوى فا شافنى قاعد راح جى قاعد معايا وانا بصراحة الواد دة جدع جدا بميت مرة عن اى حد عرفتة قالى انت بتجيب الشريط بكام من صاحبة قولتلو ب 30 قالى اية رأيك لو حد ادهولك ب 20 قولتلو يبقى مضروب قالى لا نفس الحاجة اللى بتاخدها قولتلو ماشى خلاص وقومنا من على الهوة واديتو 10 جنية وجابلى نص شريط فعلا ومش مضروب وخدت نمرتو وقالى افكس من الواد اللى هو صاحبة اللى كنت بجيب منو وابقى كلمنى انا علشان هو بيعمل عليك مصلحة وبعديها بيوم كلمتو ونزلت وجابلى نص شريط بعشرة بردة بس ساعتها اللى شافنا الواد اللى كنت بجيب منو اللى هو صاحبو بس احنا مشفنهوش المهم بعديها بيوم لقيتو متصل بيا اكتر من 10 مرات بس انا كنت نايم فا لما نزلت كلمتو وقالى تعالى تحت البيت بتاعو روحتلو وسلم عليا قالى هتعوز اية قولتلو نص واديتو 15 قالى ماشى عشر دقايق وهرنلك تجيلى قولتلو ماشى ومشيت روحت شربت بيبسى واتمشيت لقيت عدة ساعة كلمتة قالى شوية قولت ماشى المهم بعديها ب ساعتين قولت لا بقى انا اطلع البيت ولما يجى يكلمنى بعد ما طلعت ب ربع ساعة كلمنى قالى تعالى فى المكان الفلانى روحتلو لقيتو واقف مع 4 وكان بيبصلى بطريقة غريبة المهم قالى انا عملت معاك حاجة وحشة والكلام دة قولتلو لا لية قالى علشان تروح تجيب من حد تانى قولتلو لا مجبتش من حد تانى مين اللى قالك كدة قالى تعال معايا وانا هسبتلك انك كداب ودخلنا جوة وانا من جوايا هموت اصلا بس ماسك نفسى بالعافية ودخلنا جوة ونادى واحد صاحبة كان قاعد بياكل مع اتنين منهم الواد اللى انا قولتلكو علية انو جدع وكان بيجبلى ب 10 فا شافنا قام قايم وجى هو واللى ناداة قالى عرفت بقى انك كداب وراح زاققنى فا هما جم مسكوة وقاللو اهدة ومينفعش المهم الموضوع فضلت راح ماسكنى ودخلنا شارع فاضى والاتنين جايين ورانا وعمالين يقولو يا ابنى اقف احنا م هنفضل نجرى وراك المهم وقف وراح باصصلى وفضل يشتم جم الاتنين التانين مسكوة وهو مش راضى يسبنى وقاعدين يقولولو فى اية ومينفعش كدة وهو يقولهم ملكوش دعوة راح الواد الجدع اللى بقولكو علية دة مسك ايدة وقالو مينفعش تمد ايديك علية قالو يعنى اية مينفعش قالو ايوة مينفعش راح ضربنى بالبوكس فى كتفى راح التانى مسكو وكانو هيضربو فى بعض بسببى ومسكو بعض وابتدو يزقو بعض والناس اتلمت فا صاحبة التانى اللى هو ناداة قالو خلاص بقى انت فرجت الناس علينا انت عايز منو اية دلوقتى قالو مش عايز حاجة بس مش انا اللى يعمل معايا كدة وساعتها جية واحد انا اعرفة بردة جدع زى الواد التانى خدنى تحت ايدة وقالو خلاص الموضوع خلص وخرجنا من الشارع وانا ساعتها مقدرتش امسك نفسى وفضلت اعيط والواد يقولى خلاص مينفعش كدة انت مش ماشى مع عيل وفضل يحاول يخلينى ابطل وانا لما هديت شوية قولتلو انا عمرى ما حد مد ايدة عليا ولا حتى اهلى يجى اليوم واحد زى دة يمد ايدة عليا قالى دى غلطتك من الاول علشان كلمت ناس خريجة سجون وبايعين مخدرات قولتلو صح عندك حق واحنا ماشين لقينا الواد التانى جاى قالى تعال علشان هيديك الحاجة بتاعتك اللى اديتو فلوسها فا الواد اللى كنت ماشى معاة قالى تعال قولتلو لا خلاص انا مش عايز حاجة قالى عيب انت ماشى معايا محدش هيعملك حاجةدخلت وادانى الحاجة وقعدنو على القهوه وشربت شاى راح الواد الجدع اللى دافع عنى ندهنى روحتلو قالى هو اداك الحاجة قولتلو اية قالى هاتها ادتهالو راح مطلعها من الشريط وشالها معاة وقالى انت حقك عندى احنا كلنا عاملين حساب علشان اخوة اللى مسافر غير كدة انا كنت مسكتو علمتو الادب بس انا مش هسكت علشان هو كدة زودها انا هكلم اخوة واقولو انى هعمل الغلط معاة وبعد كدة هراضية انا قولتلو انا مليش دعوة انا خلاص مش عايز حاجة من حد قالى ينعل المخدرات والبرشام اللى تخلى واحد زيك ابن ناس يحصلو كدة من واحد زى دة ساعتها لقيت دموعى نزلت من غير ما اعيط قالى خلاص تعال انا هطلعك برة علشان محدش يكلمك وطلعنى وفضل ماشى معايا لحد قبل البيت ومشى وانا طلعت البيت وجريت على الاوضة بتاعتى وفضلت اعيط مش عارف اوصفلكو ااية اللى انا كنت حاسس بية من اهانة وان انا اللى عملت فى نفسى كدة نمت وانا بعيط وصحيت النهاردة قررت وتعهدت قدام ربنا انى مش هاخد البتاع دة بس المشكلة انى كنت برفع كتير حوالى 5 كدة قررت انى يومين ارفع نص ويوم ربع وبعد كدة خلاص وفعلا انا ببعتلكو الرسالة دى وانا فى اول يوم من غير حاجة وحاسس بشوية الم فقولت ادخل اكتب حكايتى قبل ما اقدرش اكتبها علشان تكون عبرة وتعرفك ان اخر الطريق دة وحش حتى لو فضلت تشرب انت ممكن تتسجن او الناس دى تخونك لأنى سبب وانا طالب فى ثانوى عام وقررت انى اقفل موبايل واقعد فى اوضتى علشان محدش يلاحظ انى بتعذب من الالم وبخرج على الدروس بس وارجع اوضتى وان شاء الله هكلمكو كمان كام اسبوع واقولكو انى قدرت اتغلب على نفسى وعلى البرشام

السلام عليكم ورحمة الله وبركاته
اولا احب ادعى لكل اخوانى واخواتى ان ربنا يعافيهم ويشفيهم من هذا البلاء
انا بكتب لكم دلوقتى وربنا وحده اللى اعلم بحالى ونفسيتى تعبانه لكن انا كتبت لان شايفه فى كل واحد فيكم وكل واحده اخ لى
انا النهارده تانى يوم على وفاة اخى رحمه الله وغفر له وتجاوز عنه هو كان عنده 30 سنه يعنى شاب فى عز شبابه لكن الحمد لله قدر ربنا انه جاله فيرس فى الرئه كان عنده ميه على الرئه واتحجز فى مستشفى وللاسف من كتر العمليات اللى عملها كان بيحس بالم شديد جدا وطبعا اتوصفله العقار اللعين فضل ياخده لحد ماادمنه جسمه خس 25 كيلو واكتر وشكله بقى غريب جدا لكن هو كان نفسه ينام لانه كان بيتالم لكن مافهمش انه ممكن المه ينتهى بالموت من يومين اخد منه وانا الصراحه معرفش الجرعه اللى كان بياخدها ونام وهو كان عنده مشكله فى التنفس وبسببه انتهت حياته انا بقول لكل واحد بياخده بغرض الادمان انت مش خايف تموت وانت بتعصى ربنا سبحانه وتعالى لازم تقعد مع نفسك وتفكر فى حكمته انه مديك وقت انك تراجد نفسك انا اخويا مات بعد سنه واحده بس من التعاطى تخيل انت ياللى قعدت اربع وخمس سنين والرحيم سبحانه امهلك واداك فرصه ليه تضيعها وبقول للى بياخدها بغرض تخفيف الالم افتكر انك لو لاقدر الله مت فى ناس تانيه بتتالم من بعدك انا وامى وابى جوانا نار بنتحرق فى كل لحظه بفتكر انى مش هشوف اخويا تانى وافتكر كمان ان بناءا على خبرات اخواتنا اللى فى المدونه مش هتقف عند العقار دده وبس احفظ نفسك وادى لنفسك فرصه
انا اتحسرت على اخويا لما عرفت من المدونه هنا انه كان ممكن يخف فى اقل من اسبوعينلكن ربنا اراد ذله والحمد لله
وبقول لكل صيدلى بيصرف العلاج ده بدون روشته حســــــــــــــــــــبى الله ونــــــــــــــــــــــعم الوكيل والله هقف قدام ربنا انا وانت وهاخد حقى منك امام الملك
اسفه اخوانى على الاطاله لكن حبيت احكى معاكم يمكن كلمه من اللى قولتها يكون ليها لازمه وبالله عليكم اى د يقرأ تعليقى يدعى لاخى
اللهم ارحم واغفر له واعفو عنه وتجاوز عنه اللهم ابدله دارا خيرا من داره واهلا خير من اهله هاللهم اجعل قبره روضه من رياض الجنه واسكنه الفردوس الاعلى برحمتك وعفوك وجودك ياكريم اللهم امــــــــــــــــــين

من 12 يوم حتى الان لم يدخل معدتىولا مللى من هذا الملعون الرجيم ابن الشيطان لعنه الله عليه اقسم لكم بالله العلى العظيم بدون دكتور بالاستعانه بالله والصلاة والرياضة الرياضة بجد يعنى مجهود وتحدى انا بتحدك وهنشوف انا ولا انت هشوف انا بجد انسان وراجل ولا لا تحملت جميع الالام والاوجاع ووضعت نفسى كشاب فلسطينى تم القبض عليه ويقومو بتعزيبة بدون انقطاع وطبعا الكل يعرف ان اللى بيحصل من الالم الانسحاب ارحم بكثير من الام التعذيب وانا من شباب 25 يناير بس قبل ما ادور على الفساد ادور على نفسى ومن هنا تظاهرت على من يتحكم بى لا من حاكمى او رئيس الجمهوريه انا الاول عاوز اضبط جمهورية نفسى قد ايه لما بطلت واول يوم ظهرت اعراض الانسحاب حسيت انى ولا حاجة كل دى الام واوجاع انا محوشها لنفسى ااااااااااه والف اااااااااااااه منى ومن الام العظام والمفاصل وعدم التركيز والامساك وحرقان البول والعصابيه وعدم النوم ابكى يا عين ابكى فهذا حصاد عمرى وتعليمى هذا ما جنيت على نفسى احبائى واخواتى واخواتى استحلقكم بالله العلى العظم ابدؤ خدو الخطوة الاول ابددئو قبل فوات الاوان انا متأكد ان فى اللى هيقول ده كلام وكتير هيتقال صدقونى انا كنت زيكم وعلى فكرة انا مدمن ترامادول وتامول والترا دول وترامامكس وجميع ما تعرفوة وما لا تعرفوة وطبعا معاهم وعلى رئسهم حبات الفيجرا بكل انواعها … ولكن الى متى الانتظار الى متى التاجيل الموت ات ولا تعرف متى واين ويبعث المرء على ما مات عليه ومن هنا بكيت كطفل رضيع التجير بالله واناديه فى الليل واولادى وزوجتى نيام اللهم اجرنى يا مجير واعنى يا معين انا عبدك وابن عبدك ظلمت نفسى واعترف بانى عاصى اللهم اقبل عاصيك فلا منجى منك الا بك .. اقسم بالواحد الاحد الله كنت ابكى قبلها باسبوع قبل الوقوف على الادمان باسبوع اقول لو انا فعلا عبدك صنعتنى من طين ونفخت فى الروح وجعلتنى انسان ووهبتنى نعمك ولما اشتد ساعدى بادرت بالمعاصى فيا ربى اتوب اليم فان كنت تحبنى فتب على وان كنت كرهتنى ويئست منى فروحى بيد لا تتركها فى جسدى المتهالك ااااااااااااااااه على رحمتك يارب الله عينى تبكى سموم جسدى وقلبى وعقلى يعشقوك يا الله من رحمتك بى …. والله لو تعرفو ما كنت عليه لبكيتم بدل الدموع دم ولكن الحمد والفضل لله لله لله حتى اخر نفس فى صدرى .. اتمنى لكل من يدمن هذا الشيطان الرجيم ان يقول لا اله الا الله من قلبه ويتنفس هواء نقى ويستيقظ مبكرا وقت ما يشاء وينام طبيعى ويصبح انساااااااااااااااااااااان .. جزاكم اتلله خير ووفقنى ووفقكم وادعو لكل متعاطى ان يتوب لله حتى ينعم عليه بنعمه الاقلاع عن التعاطى .. واستحلفكم بالله ان تدعو لى ان يتم الله شفائى ومن يريد منى اى نصيحه فى المساعده ان تحت امرة وهذا ايميلى kmorsy57@yahoo.com

السلام عليكم
انا بكتب وانا مش عارف اقول ايه من التعب
بس اللى اقدر اقوله ان الترامادول اخد منى كل حاجه حلوه فى حياتى انا بقالى 24ساعه ماخزتش حاجه وحاسس بتعب
ادعولى بس
هو ده الطلب اللى عاوزه منكم

السلام عليكم
اخي العزيز ياسر انا الاعراض بتكون عندي زي موصفتها بالظبط وبتكون مؤلمه فعلا عشان انا مش باخد اي حاجه تسكنلي الالم بتاع الانسحاب ولا حقن ولا برشام ولا اي حاجه هو ممكن اخد بنادول بتاع الصداع عشان كده اعراض الانسحاب عندي مؤلمه وفعلا تعبان لما بحاول اوصف الاعراض يمكن تهون علي حد غيري ويكون عندو الموضوع اسهل من عندي وتقوي عزيمه مريض تاني انو خلاص قرب يوصل للي دخل هنا عشانو وبعدين شكلك مبطل قبل مني يا ياسر انا انهرده اليوم 9 ليه بس مش عارف ليه كل يوم يحصلي حاجه غريبه مره عيني توجعني مره تاني عنيه تخف وبطني هي اللى توجعني وكده يعني انا قررات ان ابطل من غير ماخد اي مسكن تاني عشان احس بالالم وبالعزاب عشان مخدوش تاني لو بطلتو بمسكن هخدو تاني وهبطلو بالمسكن تاني بس انتا يا ياسر بتقول انك ديما نايم في البيت ومراتك بتتخانق معاك عشان هي مش حسه ولا فهما انتا فيك ايه
بس انتا حاول تفهمها براحه عشان هي بردو تقف جمبك وتسعدك علي الاقل تأهلك نفسين ربنا معاكي يا صاحبي وسعيد بتعليقك علي كلامي وربنا يخليك لاولادك ويشفي كل اللى بيتعطي الترمادل
تحياتي للدكتور ممدوح عز

أخي العزيز اسلام
مشكلتك هي مشكلتي بالضبط لكن انا الحمد لله بطلته حاليا ولا يوجد عندي سوي بعض الاعراض البسيطة أكثرها ايلاما هو عدم القدرة علي النوم ووجع بالبطن اسف المثانة كأنه اسهال وحركة الامعاء مؤلمة. لكن الحمد لله الاعراض لم اعتقد انها بسيطة لهذه الدرجة . علي العموم أكمل وربنا معاك وكأنك عندك نزلة برد شديدة شوية وهتروق منها ان شاء الله . علي فكرة بيحصل دوخة شوية لما تحرك عنيك في اي اتجاه بس مش مشكلة كل ده بيختفي علي طول .
والحمد لله لحقت نفسي قبل ما ادمر اسرتي وادمر نفسي ومنه لله اللي كان السبب في الي انا فيه . بس انا شاطر شويه لاني قدرت الحق نفسي قبل ما يتحكم في هذا الدواء اللعين . عشان خاطر اولادي الصغار بس اعمل اية في مراتي مش عارفة حاجة وكل شوية كلام علي الفاضي . انت نايم ليه قوم اصحي هو كل الناس شغالة وانت اللي تعبان .. ومن ده كتير بس مش مشكلة المشكلة انك لوقلت لها هتزيد المشاكل .
تحياتي

انا اتعاطى الترامادول منذ 10 سنوات وحاولت الاقلاع عنه عدة مرات ولكن دون جدوى والان انا احاول ذلك فلقد اقلعت عنه لمده اسبوع وتعاطيته مرة ثم اقلعت خمس ايام وتعاطيته مرة والان اتعاطاه كل اسبوع مرة ماذا افعل مع العلم ان اعراض الانسحاب اصبحت هينه جدا بالنسبة لي ولكن المشكلة اني عندما اخذه اخذ تلات حبات 200 هل بامكاني الاقلاع التام عنه وكل مشكلتي هي اني اشعر وانا في اليوم الرلبع او الخامس باكتئاب شديد جدا جدا ارجوكم افيدوني بالله عليكم فلقد جلب لي الترامادول مشاكل عديده جدا

عزيزى د/ ممدوح
أولا أحب أن أعبر عن خالص شكرى وتقديرى لمجهوداتك
فخير الناس أنفعهم للناس
وأختيارك لهذا الموضوع يكن لك نقطة قوة
حيث أن هذا موضوع شائك ويوصم من يقترب منه, مع أن المدمن أو المتعود هو إنسان ضعيف خجول غالبامكتئب أنه لا يستطيع الخروج
أما بالنسبة لأماكن العلاج فهذه هى المصيبة الكبرى
وإنى والله لأشفق على كثير من مرضاى وأهلهم من هذا
فهى فى مصر تجارة , تجارة سوق سوداء
فمن ناحية الطب النفسى يرفضون تدخل طب السموم والإدمان مصر
فكما تعلم أن هذا التخصص حديث ونادر جدا بمصر
مع أنه موجود فى كل بلاد العالم
ففى أمريكا american soceity of addiction medicine & american soceity of clinical toxicology
وفى إنجلترا وكل بلاد العالم
فقط جرب يا سيدى أن تكتب opioid detox (detoxification)
ستجد ان الموضوع منتشر بكل بلاد العالم وحتى أن بعض الحكومات تدعمة لمواطنيها
ولكن هنا فى مصر أطباء النفسية يحاربون هذا حتى يقيم المريض بمراكزهم لمدد 1-8 شهور وبمصاريف 8-120 الف جنية
وللأسف يرجع المريض للإدمان مرة أخرى بعد خروجة بإسبوع
مع ان الجمعية الأمريكية لعلاج الإدمان تقول أن نتائج ال detox أفضل من نتائج العلاج القديمة الذى يستخدموها
ولكن يا سيدى كيف يستغنى عن مصدر رزق كهذا
فتجد أنهم لا يستقبلوا حالات الإدمان بالمراكز العامة مثل
مستشفى المطار (الخط الساخن)
مستشفى العباسية للصحة النفسية
وتجد المراكز الخاصة مليئةمثل
مستشفى د/ أحمد عكاشة
مستشفى د/ جمال أبو العزايم
مستشفى القصر العينى التخصصى
مستشفيات أخرى
وتجد سيدى أن هناك أفراد يستغلون هذا ويفتحون مراكز غير مصرح بها يتبع بها علاجات خاطئة ولكنها أرخص من المراكز النفسية
وهذا يا سيدى لا يقلل من شأن العلاج النفسى ولكن يا سيدى من دحل هذه المراكز يصاب بحالة نفسية إما ان يحس انه فى المدينة الفاضلة أو يدمر نفسيا
فهذا كله أدى إلى تدهور الحال و إزدياد أعداد المدمنين
لا يوجد توعية (لا إهتمام) فكثير من مستخدمى الترامادول يعتقدون أنه منشط
أما مراكز السموم غير مصرح بها أن تعالج الإدمان و إنما تعالج زيادة الجرعات و السموم الأخرى
وذلك بسبب مراكز القوة فى الطب النفسي
أخيرا يا سيدى أقول أنه مصرح لأطباء السموم العمل بالمستشفيات
فلم يصرح بعد بفتح مراكز علاج سموم خاصة