May 05 2010
أماكن علاج الترامادول في مصر
أكتب اليوم ليس لأنني أملك الحل و لكني لكي تساعدوني علي إيجاده.
فبعد أن نشرت مقالي بعنوان” نهاية أسطورة أسمها الترامادول” و أنهالت علي الموقع تعليقات من أشخاص عانوا أو لا يزالوا يعانون من إدمان الترامادول و يكتب الكثيرون لي طالبين المساعدة في التخلص من أدمانه.
و الحق أن ما نشر في هذا الموضوع يوضح لي أن الموضوع أكبر و أخطر بكثير مما كنت أظن. و يمكنك قراءة التعليقات أسفل المقال لتتأكد مما أقول.
و لذلك فكرت في تخصيص مقال يضم المراكز المتخصصة في علاج الإدمان من الترامادول بشكل خاص و أتمني من كل من يعرف عنوان أو تليفون مركز أن يساهم بالتعليق لأضافته حتي نمد يد العون لكل من يبحث عن الخروج من هذه الورطة التي قد تدمر حياته و مستقبله.
في أنتظار المساهمات و التعليقات المفيدة.
د/ ممدوح عز
تحديث في 28-6-2010:
وصلتني اليوم أولي المشاركات عن مستشفيات علاج الأدمان و خاصة الترامادول و سأقوم بإضافتها تباعاً:
1. مستشفى الطب النفسى (د/عادل صادق)
5 شارع أحمد عبد النبى – النزهة الجديدة – خلف ملاهى السندباد
ت 26205757
0101908904
2. مركز د. مجدى حسان للمخ والأعصاب والطب النفسى والجنسى وعلاج وتأهيل الادمان
العنوان : 14 عمارات مقاتلى رمضان – الدور الثانى – متفرع من ش.حسن المأمون – خلف النادى الأهلى – مدينة نصر – القاهرة.
للاتصال والحجز: : (24734686 02) : .tel
( 0149934354 – 0177447404 – 0163366653 – 0109977072 ) : .mob
لمزيد من المعلومات عن أهداف وخدمات المركز والمشاركة :
الموقع الرسمى للدكتور مجدى حسان http://www.magdyh.com
لابداء مشاركتكم وارائكم فى علاج الادمان بالمنزل وموضوعات اخرى متعدده : برجاء زيارة المدونة الالكترونية:www.drmagdi.blogspot.com
3. مركز الحرية لعلاج الإدمان- المعادي:
و يمكن معرفة كافة طرق الأتصال بالمركز من موقعهم علي الأنترنت هنا
4.المجمع الطبى للقوات المسلحة بالمعادى
كورنيش المعادى , المعادى, القاهرة
التليفون: 0225256289, 0225256350, 0225256347, 0225256345
تحديث في 18-10-2010:
ملحوظة هامة:
أقدر كثيراً كل من اختار أن يشاركنا تجربته مع الترامادول و خاصة من استطاعوا التوقف عنه و لكني لاحظت أن البعض يذكر أسماء الأدوية التي استعملها و ينصح غيره بها و هو ما أرفضه تماماً لأنه لا يجب استعمال هذه الأدوية أو غيرها بدون أشراف طبيب متخصص و خاصة أن بعض الأدوية المنومة قد تسبب التعود. لذا لزم التحذير حيث أنني أقوم بنشر المشاركات علي مسئولية أصحابها و لا تعني نشرها موافقتي عليها أو أعتماد ما جاء فيها من نصائح.
loading...
انا قررت ان شاء اللة ان اروح بكرة لمستشفي القوات المسلحة في المعادي . ادعولي يا اخواني ان ربنا يشفيني و يشفي كل واحد فينا بياخد الزفت دة عشان انا تعبت جدا جدا جدا جدا جدا جدا جدا من الترامادول و الزفت وجالي تشنجات تلات مرات بسببة في شهر واحد واخر مرة كنت هموت خالص بس ربنا سترها معايا . بتقدم بكل الشكر الي الدكتور ممدوح ربنا يخليك لينا ويجعل كل دة في ميزان حسناتك يا رب العالمين .اوعدكم يا اخواني لما هرجع من هناك هقول لكم علي كل حاجة حصلت معايا هناك .بحبكم في اللة .وربنا يقوينا ادعوووووووووولي محتاج كل دعوة حتي لو كانت صغيرة . نفسي ابطل بقي عشان زهقت اوي ي ي ي ي من حياتي و من نفسي ومن كل حاجة من حولي .ياااااااااااااااااااااااااااااااااااااااااااااااااااااااااااا رب ..
loading...
loading...
عزيزي كريم:
ربنا يوفقك و تتخلص تماماً من الترامادول. و في إنتظار سماع تجربتك عندما تعود من المستشفي
د/ ممدوح
loading...
loading...
ana nafsy atl3 mn elkamya we elbodra
ana ya doctor ba5od kol youm 3 7abyet we
tazkra bodra el7al eh
loading...
loading...
بسم الله الرحمن الرحيم
فى الحديث اليوم الخامس ليلة البارحة عندما عدت من العمل ومن فترة طويلة كان يوم مجهود من غير التامول او التيدول كانت الرابعة بمجرد التربع على الفراش وحتى الصباح مع النوم الباهت ظلت اتوجع من الالام فى العظم والشعور بالبرد الشديد ,
لا اعلم ماذا افعل اشعر دائما بالبرد ووجع فى العظام .
من فترات طويلة خادعة وانا على هذا المنوال لكنها المرة الاولى التى اشعر بهذا التعب كنت اتناول الابيض 200 و 250 او احمر ثم أتوقف عنة حسب الظروف اسبوع او اكثر او اقل لكن لم اشعر بألم مثل هذة الايام ثم اعود الية فظنت فى مخيلتى أننى أنا من يتحكم فى هذا الملعون اتناولة وقت ما اشاء وابطلة وقت ما احب ….
لكن الايام اثبتت انها خدعة وهى الادمان فتوقفت فجأة عنة وهو اليوم الخامس واكثر الاعراض هى قلة النوم والبرد الشديد والوجع فى العظام .
المهم انا خايف بعد الشعور بالعودة للحياة الطبيعية ان يأتى الي الهاتف بأنى تحكمت بة واستطيع الاقلاع وقتما اشاء فأعود الية
فما الحل رجاء بالله فاللعنة على ههؤلاء الاصحاب السوء حيث كانت البداية
شكرا وارجو الرد يادكتور
احمد ومتزوج ولدى بنت سنتان
loading...
loading...
اخى فى الله احمد
نفس ما تعانيه هو ال حصلى لما فكرت ابطل الترامادول و للعلم كانت الجرعة التى باخدها يوميا حوالى 500 او 600 و لكن الحمد لله انا بطلت الترامادول من حوالى 3 سنوات ,, افتكر ان نفس الاعراض حسيت بيها و هى الالم الشديد فى العظام و خصوصا اسفل الظهر و الشعور بالبرد لدرجة عدم الاحتمال , كمان فاكر انى كنت بحس عند المشى بحالة من الارتجاج لثوانى كدة زى ما يكون فيه زلزال و اعراض تانية كثيرة …. كل دا حسيت بيه فى الكام يوم بعد ما بطلته و لكن صدقنى كل الاعراض اختفت فى حوالى 5 او 6 ايام .. و للعلم انا كنت بتعاطى حشيش كمان .. عارف ان المشكلة الكبيرة مش فى الاقلاع .. لكن المشكلة الحقيقية هى عدم العودة الي تعاطيه , كنت كل ما افكر ابطل تجيلى حالة اكتئاب شديدة و احس انى مش عارف هعمل ايه بعد مابطل احس ان حياتى هتتغير و تجيلى حالة خوف شديد لان كل حاجة بعملها بقت مرتبطة بالمخدر سواء الترامادول او الحشيش بس الى ممكن اقوله ليك كنصيحة منى .. اولا ماتحاولش تقليل الكمية التى بتتعاطاها تدريجيا لان كدة مش هتبطل ابدا و الافضل انك تتحمل الالم و تمنعه فورا .. اشغل وقتك بحاجات غير التى تعودت عليها انا مثلا خصصت وقت أطول اقعد مع اهلى و شغلت نفسى بالتقرب الى الله فى الفترة الصعبة دى و اقسم لك ان دا ساعدنى بشكل لا يمكن تتصوره , كنت بحس بسعادة و انا جالس مع اسرتى رغم الالام التى كنت بحس بيها كمان الصلاة و الالتجاء الى الله قلل من الشعور بالحزن و الكآبة,, اهم حاجة بقى تبعد عن الناس الى كنت بتتعاطى معاهم او الى بيتعاطوا لانهم هيكونوا سبب رجوعك و ما تقولش انا ممكن تكون الحاجة قدامى و ماشربش ,, كل دا كلام فاضى . مابيقعش فى الحاجات دى غير الضعاف و الى عندهم استعداد كبير و لو كنا نقدر مانشربش من الاول مكناش شربنا لكن احنا ضعاف و احسن حاجة نعملها علشان نحمى نفسنا منه اننا نهرب من اى حد بيتعاطاه او اى مكان بيفكرنا بيه حتى , صدقنى دا مهم جدا ,, كمان حاول تعمل قايمة كدة فيها المكاسب و الخسائر , مش قائمة مكتوبة يعنى قصدى تفكر هتكسب ايه لو بطلت و هتخسر ايه لو فضلت تتعاطاه و كمان فكر فى بنوتك الى لازم تحافظ على صحتك علشان تربيها كويس و تقدر تشتغل و تبقى اب كويس ليها (هتكرهه لو عملت كدة) .. اهم حاجة انك تكرهه و تحس انه عدوك و هو دا الى خسرك حياتك و اصحابك الكويسين و ضيع سنين من عمرك على الفاضى و كمان الناس الى مسئولة منك مش هيبقوا كويسين لانك هتخسر صحتك و فلوسك و تفهم انك كل ماهتأخر الامتناع عنه هيبقى اصعب تبطله و لازم تغير طريقة حياتك روح اماكن غير الى كنت بتروحها اقعد مع اصحابك الكويسين حتى لو كانوا زعلانين منك و صارحهم انك محتاج مساعدتهم و صدقنى اكيد هتلاقى حد منهم يساعدك و يقف جنبك دا لو مش قادر تصارح اهلك و ابدأ زور قرايبك الى بقالك كتير مش بتشوفهم المهم تغير نظام حياتك و تبعد عن الحاجات الى كنت متعود تعملها قبل ما تبطله و تشغل وقتك دايما و صدقنى شهرين او 3 شهور و مش هتفكر فيه تانى ابدا و لا حتى هييجى على بالك لانك هتلاقى نفسك سعيد و عايش حياتك من غيره عادى جدا .. و صدقنى ان شاء الله هتقدر تبطله انت حاسس ان الموضوع صعب قوى لكن اول ما تبدأ مش هتحس انه صعب للدرجة دى ,, و ربنا يقدرك و يوفقك و تقدر تبعد عن الهباب دا
loading...
loading...
انا اسمى محمد رجب انا وظيفتى اخصائى رياضى من الاسكندريه انا بطعاطى الملعون ده وتقريبا دمرمنى انا فى الاول اخده عشان سرعه القذف وكان ممتاز ولاكن تعود عليه جدا اول حاجه سبت عملى بسبابه لانى خالانى عصبى جدا وكنت رياضى من الدرجه الاولى دلوقى لا طبعا انا بحاول اخف الجرعه لاغايه ماباطله على فكره وظيفتى كانت مدير نادى
loading...
loading...
عزيزي محمد:
شكراً علي مشاركتك و أتمني لك التوفيق في الأقلاع التام عن الترامادول و ستجد في مشاركات القراء الكثير من الفائدة و الأرشاد لك.
تحياتي:
د/ ممدوح
loading...
loading...
بسم الله الرحمن الرحيم
دعوني اتقدم بجزيل الشكر للدكتور ممدوح والاخوه المشاركين فكل مشاركة عنا تعطي قوة ارادة لكل شخص يريد التخلص من الهلاك
انا اسمي زياد من قطاع غزة ما زلت اعاني بظاهره المايوتونيا المصاحبة لضمور العضلات من ما يقارب 17 سنه
قبل خمس سنوات تعرفت على عقار الترامادول فعلمت انه يعطي حيوية ونشاط وقوة وتحمل ضغط الاعمال فكنت بحاجه ماسة لأنني كنت اشارك بأعمال في الليل تحتاج الى تحمل الضغط الكبير
من هنا وللأسف بدأ المشوار
قبل انتشاره في قطاع غزة بدأت اتناوله بكمية خفيفه جدا لأن من دلني على هذا الطريق اخبرني بأن كثره يسبب الامراض وعندما كشفت عن هذا الدواء ادركت اخطاره فبدأت التخفيف من الجرعه التي كنت ائخذها وهي 3 حبات 225 م
بدأت من 50 ووصلت الى هذا المستوى لانه بعد مرور الوقت الطويل وقبل ادراك مخاطره لم اكن اشعر بمفعول هذا العقار الا بالكمية التي تزيد عن اخر مره تناولت فيها
اليوم قررت الامتناع
فجئت لابحث عن العلاج والطرق المساعده للتخلص من هذا العقار السام
فوجدت هذه الصفحة واصررت اكتر واكتر ان امتنع عن هذا الهلاك بعد قرائتي لبعض التعليقات من الاخوه الاعزاء
هذه ظاهره ليست بسيطة انتشرت في قطاع غزه بشكل كبير جدا لنسبة تفوق من 70 % من الشباب يتناولونه بشكل كبير كل يوم ونسبة ما يقارب 20 % من البنات والجميع تائه لايجد من يسانده ويخفف عنه اوجاعه ويساعده عن الامتناع
كنت اتناول هذا السم كعلاج وتخفيف عن الم المرض الذي اعاني منه ولكن زاد الامر سوء بعد الادمان الذي لم اكن اشعر به ابدا
الحمد لله انني وجدت من يتناقش في هذا الموضوع ويساعد الاخرين في الخروج من هذه المأساه الكبيرة لو اردتم قصص ساكتب لكم عن بعض الشباب وعن التهور الذي حصل منهم اثناء استخدام هذا المخدر
نصيحة لكل اخ يتناول هذا الدواء حافظ على نفسك وحافظ على صحتك قبل فوات الاوان لا تريد سوا الاراده القوية
اخواني لدي طلب ارجو من الجميع نشر هذه الصفحة لانها فعلا تقوي ارادة الشاب وتساعده على الخروج من المأساه
جزاكم الله كل الخير اتشكركم جميعا واعتذر على الاطاله
loading...
loading...
عزيزي زياد:
أشكرك علي مشاركتك و يؤلمني معرفة أن أعداد كبيرة لديكم تستخدمه.
أتمني لك الشفاء و أن تساهم معنا في نشر الصفحة لعلها تفيد من يحتاج إلي مساعدة في التخلص من إدمان الترامادول.
د/ ممدوح
loading...
loading...
السلام عليكم يا دكتور ممدوح
بصراحة وحشتنا
أنا د/ أحمد جودة من المركز القومى للسموم اللى كنت اتكلمت قبل كدة
أنا عارف انى بقالى كتيير قوى ما شاركتش بس بعد ما رجعت قريت أغلب المشاركات, وطبعا أحب أرد عليهم كلهم عشان نعرف أكتر.
وناوى إن شاء الله ازود مشاركتى فى الرد (بعد اذنك) الفترة الجاية, خصوصا انى الحمد لله تعمقت قوى فى الموضوع دة بالذات وشغال دلوقتى فى رسالة تدرس تأثير هذا المخدر على الحمض النووى فى ضمن خطة بحثية لمعرفة مشاكلة وخصوصا سبب التشنجات.
أما عن قراتى لتعليقات المشاركين فوجدت أغلب المواضيع معروفة وللأسف يفسر البعض هذة المواضيع تفسير خاطىء.
فبعد اذنك تانى هحاول اناقش وافسر الكلام دة :
1- السبب: معظم مدمنى الترامادول يدعون أن سبب البدء فيه هو ( للتجربة – مشاكل شخصية- كمسكن للألام- للأستخدام الجنسي- كمنشط للأمتحانات) فتفسير هذا أن:
أ. للتجربة –> فهذا شق نفسي فالممنوع مرغوب, وأما هذة الشخصية هي شخصية عندها قابلية ادمانية وتحتاج الى علاج نفسي قوي. وبالمناسبة الترامادول يدمن فى البلاد النامية فقط مثل مصر وايران والهند والصين ولكنة نادرا ما يدمن فى اوروبا وامريكا.
ب. مشاكل شخصية –> وهذه شخصية ضعيفة و متوترة ودائما يدعى انة سيبطل عندما تحل المشاكل ولكنة بعد ادمانة و تبطيلة لا يستطيع احتمال الضغط اليومي العادى دون علاجات معينة ومتابعة مستمرة وطويلة.
ج. مسكن للألام–> الترامادول فعلا مسكن قوى ولكنة يعمل عن طريق المستقبلات الأفيونية و السريتونين بالمخ و المشكلة الكبرى أنة بعد معدل استخدام معين يكون له طابع ادمانى مثل الأفيون. أما عن استخدامة كمسكن فإلى الأن لا يوجد ابحاث كافية (نظرا لنضرة ادمانة فى الدول المتقدمة) ولكن هناك مشكل كثيرة ظهرت لمستخدمية كمسكن لفترات طويلة مثل التشنجات والقيىء والهذلان والرعشة ونحن ان شاء الله نعمل على اكتشاف ما نستطيع منها.
د. للأستخدام الجنسي –> فالدراسات الأولية تثبت فعاليتة فى علاج سرعة القذف (http://www.ncbi.nlm.nih.gov/pubmed/16415702) ولكن لم يتم دراسة التاثير الضار لة كما ذكرنا وتأثير ادمانة على الحيوانات المنوية. ولكن اذا تم وصفة طبياً يجب المتابعة مع طبيب سموم حتى يتابع حدوث أضرار فى الجسم من عدمة وعدم الدخول فى ادمانة ولكن أيضا هناك علاجات اخرى اكثر فاعلية وأأمن للجسم تستخدم لهذا الغرض.
ه. منشط للأمتحانات–> الترامادول ليس منشط ولكنة بسبب عملة على السريتونين و النور ادرينالين يسبب حالة من عدم الحساس بالأجهاد والتوتر والتى يحسها البعض على انها منشط.
2- المشاكل: سبق ان ذكرت مشاكل وطريقة عمل الترامادول ولكنى اريد أن أوكد على أن الترامادول لم يثبت أنه يسبب صرع ولكنة يسبب تشنجات مرتبطة بإستخدام هذا العقار والتى تتوقف عن الحدوث اذا تم التوقف عن استخدامة، فللأسف يستخدم كثير من الأطباء النفسيون عقار الترايلبتال لمدمنى الترامادول و حتى بعد تبطيلة لمدة عام وتنتج هذة المشكلة عن أن الطب النفسي لا يدرسون هذا المخدر ولكن دراساتهم عن تأثيره الأدمانى النفسي الموازى للأفيونات. أيضا مشكلة سرعة القذف بعد تبطيلة مشكلة متوقعة نتيجة تأثيرة التخديرى وعلى السريتونين والتى نتجنبها بإعطاء بدائل أمنة ومؤثرة إلى أن ترجع المستقبلات لوضعها الأصلى.
3- التوقف عن تعاطية: وهذا هو أهم جزء حيث أنه توجد الكثير من المعتقدات الخاطئة عند الكثيرمثل:
أ. التوقف بالتبطيل التدريجى وهو شبة مستحيل من خلال خبرتى بل والعكس إنة يزيد من مدة المعاناة التى يعانى منها المريض من أعراض الأنسحاب (لإن تقليل الجرعة هو نوع من الأنسحاب من الدواء فتظهر اعراض الأنسحاب).
ب. التوقف فجأة و إحتمال الألم لمدة أربع أيام وهى معلومة جزئيا صحيحة لإن مريض الترامادول يستطيع التوقف دون علاجات أو باستخدام بعض المسكنات والمهدئات ولكن هذا لا يلغى الألم فيكون الألم رهيب لا يحتملة إلا قويي الأرادة ويكون هناك أرق فظيع (والذى يتجنبة الكثيرمن أطباء النفسيون بإعطاء مهدئات قوية جدا) و هذا يستر لمدة سبع أو ثمان أيام وليس أربعة أيام ولكن من خلال خبرتى أغلب هؤلاء ينتكسون بسرعة رهيبة و لجرعات كبيرة لما يعانونة فى هذة الفترة من هذلان و ضعف وأذمة نفسية واحساس بالخوف ناتجة عن الألام والأرق فيكون المريض بعدها ضعيف لفترة طويلة.وهذا كلة يعتمد على الجرعات والمعدل الذى وصل الية المريض.
ج. التوقف بأكل أشياء تساعد على طرد السموم وهذه المعلومة ليس لها أى أساس من الصحة.
4- برامج العلاج:
أ. برامج العلاج النفسي: يستخدم الأطباء النفسيون برامج للعلاج النفسي تتضمن أشياء كثيرة:
1) الحجز لمدة شهر فى مصحة لإنهاء الأدمان العضوى و لبدء خطوات فى العلاج النفسي و علاج المجموعات ثم خروج المريض على أن يستخدم علاج نفسي ويتابع كل فترات على أن ينضم لمجموعات ليسوا مدمنين) ( NA و اتباع خطوات الأصلاح النفسي والفكرى.
2) فتعليقى على هذا أنه كما شرحت من قبل ليس كل متعاطى الترامادول مرضى نفسيون ولا يحتاجون إلى كل هذه الخطوات المكلفة جداً ولكن يحتاجون الى بعض المنشطات ومضادات الأكتئاب وعلاج الأسباب مثل الذين استخدموه للأسباب الجنسية كما أنى مثلما شرحت الفترة الأولية من الأنسحاب العضوى تترك أثر نفسي على المريض كما أنة الحجز فى المصحة ذاتة قد يترك هذا الأثر حيث يرجع المريض الى الأهل ضعيف مكسور لا يحتمل نظراتهم له حيث أن هذا للأسف فى مجتمعنا يشبة بوصمة على المريض و أيضا كثير من المرضى يأتون الينا بعد انتكاستهم نتيجة علاقتهم بمدمنين أخرين فى علاج المجموعات حيث أنة ممكن أن يكون شخص على مستوى اجتماعى معين. أيضا ممكن ان المريض لا يستطيع أن يحجز هذة الفترة حيث أن كثير من المرضى من المجندين و العاملين بالقطاع الخاص و هيئات معينة. ولكن هناك كثير من المرضى يحتاجون هذا العلاج حيث أنة بعد فترة طويلة وبعد الوصول لمعدلات إدمانية عالية دون علاج يكتسب المريض صفات نفسية إدمانية يجب أن تعالج.
ب. علاج استخراج السموم (Detox program) وهذا هو تخصصى و الذى يتضمن علاج عضوى لمدة خمس أيام و يتضمن علاجات تؤثر على إفراز السريتونين والنور أدرينالين بالمخ غير المسكنات والمهدئات والمنومات الهادفة الى عدم إحساس المريض بأى أعراض انسحاب وعدم حدوثها من الأساس وبعض هذه العلاجات يسرع خروج المادة و يساعد على فتح الشهية حتى يساعد على الغذاء الجيد فيكون المريض هادىء خلال فترة العلاج ينام نوماً أكثر من الطبيعى وينهى هذة الفترة بخروج المريض بعد العرض على طبيب نفسي لتقييمة نفسياً و تقييم أحتياجة للعلاج ثم يخرج المريض على علاجات ضد الأكتئاب وللأستقرار النفسي ولعلاج سرعة القذف ومنشطات وعلاجات عصبية ولكن ليس هذا الجزء الهام الجزء الأهم فى علاج الأدمان وتقليل أحتمالية حدوث الأنتكاسات هو المتابعة (المتـــــــــــــــــابــــعـــــة) وهى شىء هام جداً وهى تتكون من متابعة المريض مرة أسبوعياً عن طريق متابعة الحالة النفسية و العلاجات وتحليل للتأكد من عدم أنتكاستة حيث أن الأكتشاف المبكر يسهل الطريق. وأيضا متابعة مرة أو مرتين أسبوعيا مع طبيب زميل نفسي. بعض البرامج تتكون من إعطاء ما يسمى بالكبسولة والتى تفسد أى نوع من الترامادولات إذا انتكس المريض فلا يدمنه ولا يحس بإحساسة ولكن هذة لها مشاكل أيضا سأشرحها بأستفاضة فى مشاركة أخرى. وهذا النوع من العلاج علاج حديث و منتشر جداً خارج مصر الأن بل هو الأسلوب المستخدم دائما و للقراءة اكثر عنة:
http://www.opiates.com/rapid-detox/
http://www.mrods.com/
وغيرهم من المواقع عن طريق البحث.
أرجو أن لا أكون قد أطلت ولكن أدعو الله أن يفيدكم هذا الحديث و لأى استفسار أرجو أن تتصلوا بى فى أى وقت فإن شاء الله سأكون فى العون و سأحاول أن أشارك قدر المستطاع.
تليفونى الشخصى هو : 01222942999
و أخيراً أحب أن أشكر الدكتور ممدوح و أقول له (خيركم للناس أنفعكم للناس).
loading...
loading...
أشكرك جزيل الشكر يا د: أحمد و يسعدني بل و أتمني أن تتابع التعليقات و تساعد من يحتاج إلي المشورة لأن الكثيرين لا يستطيعون الذهاب إلي مستشفيات أو مصحات للعلاج.
د/ ممدوح
loading...
loading...
د,احمد جودة حضرتك فعلا تكلمت فى النقطة الى انا بدور عليها و قلبت عليها الدنيا و مش لاقي حد اتكلم فيها الى هى بعد ما يتم الاقلاع عن الترامادول .
بأختصار انا فعلا قررت انى ابطل ترامادول نهائيا وفعلا انا فى اليوم 8 فى تبطيل الترامادول طبعا اول كام يوم قشعريرة و زبزبه فى المخ تحس ان كهربه فى الوش بس الحمد لله الكهربه دى شبه اختفت و القشعريرة قلت من زى الاول بس المشكله الى بتواجهنى جدا و مش لاقى ليها حل الى هي الارق و زيادة عدد ضربات القلب و كمان سرعه القذف دى مشكلة كبيرة اوى حتى بعد ما تبطل الترامادول اعراض الانسحاب قلت لكن المشكله ان كميا الدماغ اتغيرت المستقبلات و نسب السرتونين و النورابنفرن و الناقلات انا عاوز علاج مضمون يخلى الوضع يرجع للوضع الطبيعى الاصلى مش عارف اعمل ايه ؟؟!!!!
اه 8 ايام بدون ترامادول وحاسس بتحسن بس فيه مشاكل زى الارق مش عارف انام ساعتين على بعض و سرعة القذف و زيادة عدد ضربات القلب حتى وانا قاعد على السرير ما بعملش مجهود و يعالم ايه تانى موجود و مش واخد بالى منه
انا بشرب ميه كتير و مركز على الاكل الصحى و هاخد فيتامينات و مقويات للاعصاب بس مش عارف احل مشكله الارق و سرعة القذف علما بأنى باخد الزفت ده بقالى سنه و نص فترات متقطعه و اخر فترة كانت حوالى شهرين كنت بأخد كمية كبيرة جدا بتوصل لشريط فى اليوم من تركيز 225 و قللت الجرعه تدريجيا وصلت ل 2 و اليوم الى بعده 2 و الى بعده 1 و الى بعده حباية الا ربع و قررت واقف بس الحمد لله ماحصلش تشنجات ولا نوبات صرع و قررت انى ما اخدش جرعه بعد الحباية الا ربع و من يومها لحد دلوقتى بقالى 8 ايام الحمد لله مافيش اى جرعات بس عاوز استفسر عن ماذا بعد الاقلاع ؟؟ الادوية الى الواحد لازم ياخدها علشان يرجع كميا المخ و الناقلات العصبيه لوضعها الاصلى ؟ ولا هيا هترجع مع الوقت طبيعى ؟؟ ارجوووووكم المساعدة علشان ما ارجعش لللادمان تانى
loading...
loading...
انا لسه عامل كشف كامل على الجسم كله وجميع التحاليل من كل حاجه وكله تمااااااااااام ولسه النتيجه باينه امبارح بليل
هو ليه تاثير على التخدير ولا ايه مع العلم انى بقالى اسبوعين مش اخدت ولا ملى واحد
وهو المفروووض انى هعمل عمليه حاجب انفى الايام دى وخايف احسن يكون الهباب ده ليه تاثير على التخدير وطبعاا مش هينفع اقول لدكتور التخدير انى كنت باخد الهباب ده لانى معيد فى الجامعه ولو اى حد عرف هيحصلى مشاااكل
؟؟؟؟؟؟؟؟؟؟؟؟
loading...
loading...
عزيزي moodydoooooooool:
بالطبع وجوده في الجسم يمكن أن يؤثر علي التخدير فإذا كنت تشعر أنك عدت طبيعي تماماً لا مشكلة و لكن إن كان لديك بعض أعراض الإنسحاب أو تشعر بأن جسمك لم يتخلص تماماً من الدواء فأنصحك بتأجيل العملية عدة أيام إن أمكن.
د/ ممدوح
loading...
loading...
ربنا يخليك يا دكتوووور
هو ده من اعراض الانسحاب ولا اعمل ايه
وبلنسبه لاخ اوتو انا بقولك انت كده عزبت نفسك والله لانك لو كنت بطلت مره واحده كان هيقلل عليك عد دالايام اللى فيها الالم بس الحمد لله انك خلصت من الهباب ده وخليك قوى العزيمه كده ومش عايزين نرجعله تانى
ويا دكتور ممدوح انا ساعات بتجيلى حالات عطش رهيبه بشرب ميه كتيييييير اكتر مما اى حد يتخيل
loading...
loading...
عزيزي moodydoooooooool:
العطش الشديد ربما يكون إشارة لمرض السكر لذا أنصحك بعمل تحليل سكر في الدم للأطمئنان.
د/ ممدوح
loading...
loading...
انا بطلت بسبب اللي قريته هنا شكرااا اوي علي الجميل ده ولو عملت حاجه عالفيس بوك زي كده هتفرق كتير مع الناس دي لما كنت باخد كنت بشوف ناس كتير اوي بتاخد وناس محترمه جدا جداا الموضوع مش هياخد اكتر من اسبوعين مع العلم اني كنت باخد 400 واحد تامول وواحده تي دول وبطلت تدريجي لمده 5 ايام واحده واسبوع نص واسبوع ربع طبعا الاسبوعين مفيييييييييييييش نوم بالكتير 4 ساعات نوم فاليوم اول ما تنوي اعمل حسابك عالاسبوعين وادخل وانت مقتنع انك عايز تبقي بني ادم طبيعي بحس ان فنجان القهوه بيفرق كتير اول اليوم مع العلم ان النوم هيرجع تدريجي مع باقي الام شكرا اوي دكتور ممدوح انا بقالي 3 اسابيع ومش هاخد تاني
loading...
loading...
عزيزي oottoo:
أشكر علي تعليقك و أتمني لك الشفاء الكامل و الصحة.
د/ ممدوح
loading...
loading...
دكتوووووووووووور ممدوووح بعد ازن حضرك نزل تعليقاات بتاعتى لانها بجد هتريح ناااااس كتير اوى وبجد انا معجب اوى بلفكره دى ربنا يكرمك
loading...
loading...
عزيزي modydooool:
أشكر علي تعليقاتك و نصائحك للآخرين و حماسك للمساعدة و رغبتك الصادقة في إفادة الآخرين.
أعتذر لك عن التأخر في نشر التعليقات فأنا أحتاج لمراجعة كل التعليقات قبل نشرها و أحياناً لا أجد الوقت الكافي.
أتمني لك تمام الشفاء و أن تكون سبب خير لغيرك.
د/ ممدوح
loading...
loading...
وبلنسبه للاخ اللى هو الظااابط ده ابداا دلوقتى ومش تفكر فى اى حاجه ولا تفكر فى وجع ولا الكلام ده يعنى هو انا اقوى منك يعنى ده انا عشرين سنه بس وقطعته مره واحده ايه يعنى يومين وجع فى جسمك اعتبر نفسك تعبت ياعم و على فكره الوجع مش لا يطااااق زى مهما بيقولو اوى كده لو هو لا يطاااق هو عدى منه ازاى وانا عديت منه ازاااى سيبك من الزفت ده وعيش حياااتك عااادى ولما تحس بوجع افتكر انك بكره فى نفس الوقت هتكوون احسن انك كماان يوومين هتبقا احسن منى وانت اللى هتفضل تقول على تجربتك و اتاكد انك والله هتقول نفس الكلام اللى انا بقوله ده وهتقولهم متخافووووش وانه مش صعب والكلام ده زى مكل واحد بيحكى تجربته ويفضل يقووول وجع صعب اوى ولا يطاااق وكنت هنتحر ههههه طب ايه اللى منعك يا عم ههههههههههههههه ورغم الصعوبات اللى بيقولها عن الوجع والكلام ده ويقوللك خد القرار وبطل انت بزمتك بعد ما واحد يفضل يقولك ده انت هتموووت وهتبقا عايز تموت نفسك والله ده انت لو اخدت القرار هترجع فيه تانى بعد الكلام ده بوووووووص والله والله والله انا مش بقول كده علشان اسهل عليك ولا الكلام ده انا بس بقولك واقسم بلله العظيم كل كلمه من قلبى خد القرار حالا ولو معاك حاجه ارميها ودلوقتى متقولش من اول بكره ولا لما اخلص اللى معايا ومش هشترى تانى والكلام ده انت عايز تبطل يبقاا ححااااااااااااااااااااالالالالا والله الموضووووووووووووووع سههل واوى ولو اخدت على كلامى بعد بكره او بكره زى دلوقتى هتدعيلى وهتقول انى فعلا بتكلم من قلبى وهتعرف انه اسهل مما كنت انت متخيل ده كل اللى هقولهولك ابدا دلوقتى محدش اقوى او احسن منك ابدأأأأأأأأأأأ
وانا ده رقم موبايلى ومش فارق معايا اى حاجه ولا اى حد يعرف عنى اى حاجه انا كل اللى يفرق معاااياانى مخليش حد يناام وهو خايف ياخد القرار ده بعد ما يدخل هنا واى حد يكلمنى فى اى وقت انا صاحى 24 ساعه ومش هسيب اى واحد محتاااج معالجه نفسيه مش هقفل معااه غير لما يضحك وعلى فكره انا هعرف ازاى ارجع لكل واحد حيااته 0192811126 مستنى اى حد يكلمنى
loading...
loading...
انا اولا كده اسمى محمد مبطل الزفت ده لليوم السادس على التوالى انا فضلت اخده لمده ست اشهر كل يوم حبيتين من الاحمر ده وجيت من حوالى سبع اياان بلظبط تعبت جدااا وجالى حاله اغماء وان كنت فى الشارع ومعايا بنت اختى عمرها سنه تقريبااااا وانا عندى عشرين سنه تجاره انجلش ومن ساعه انا مفوقت ولاقيت نفسى مرمى على الارض وبنت اختى قاعده فوقى وعماله تعيط ومن زهول الناس من موقفها معايا سابونى انا وركزو معاها لانها مكنتش عايزه اى حد يقرب منى وعياااط وكده والمهم اول اما فوقت لنفسى وكده رميت البقيت الشريط اللى كان معايا وهو حوالى ست حبيات وكانو فى جيبى والله وقدام الناس كلها واقسم بلله من ساعاتها مفكرت حتى فيه لحد دلوقتى مع ان فى وجع رهيب اوى فى ظهرى وحالتى النفسيه زى الزفت ومش بنزل الجامعه وكده بس والله رغم كل الوجع ده اللى فضل معايا اكتر من اربع ايااام وجع لا يطاااااااااااااااق انا كنت بفكر فى ان بكره هيكون احسن من النهارده واقسم بلله لم اخز اى نوع من الادويه مسكنه لكى تساعدنى على تحمل الالم فقد كنت اتزكر لحظه مرجعت لوعى وشكل بنت اختى كنت بنسى اى الم فى الدنيا كلها وصدقووون اقسم بلله اقسم بللله اقسم بلله انا دلوقتى فى اللحظه اللى انا بكلمكم فيها دى انا دلوقتى احسن بكتييييير اوى من اى لحظه عدت عليا فى عمرى كلهوانا فرحااااااااااااان اوى انى دلوقتى بتكلم عاااادى ومن اول مره معاااكم فى اجمل موقع دخلته فى عمرى كله بتكلم وانا بقوووووووووووووووول لكل اللى خايفين من الالم صدقنى كل يووم هيعدى هتحس بفرحه عمرك متخيلتهااااااااااا انى مش واخد الزفت ده وعايش بشويه الم فى جسمى وصدقنى مفيش حاجه اسمها الم لا يطاااااق انت اصلا اللى مخوفك كلمه لا يطاااق وكل واااحد هنا يجى يحكى حكايته دى يقولك انا شووووفت ايااام سوده اوحش اياام فى حيااتى كلهاااا هههههههههه لازم تضحك على كلامه لان هو بيقوول كده من فرحته حاسس انه عمل حاجه نفسه فيها من زماان وان هو ايااام الالم اللى هو بيحكى عنها دى كان برده بيقوول على اليووم اللى قبله ده كاان الم لا يطاااق ويجى اليوم اللى بعده يقووول عليه عليه ده انا كنت بستحمل الم لا يطاااق ويجى بعد اليوم ده يقولك ده كان الم لا يطااق والحقبقه انها حاله نفسيه وش بلدرجه اللى هما بيكبروها دى بوووووووووووووووووووووص سيبك من الكلام اللى يخوف دههو مش احسن منك ولا انا احسن منك ولا هو بطل يعنى سوووبر ماان عمل اللى محدش عمله ولا انا سووبر ماان ده انا عندى عشرين سنه طالب فى كليه تجااره يعنى اكيد انا مش اقوى منك واكيد انا اصغر منك وبقوووووووووووولك والله مفيش حاجه اسمها لا يطاااااق ومتنساااش …….لا يكلف الله نفس الا وسعهاااااااا ,,,,,, صدق الله العظيم… انت تقدر وتقدر واحسن منى ومتقولش انت فتره صغيره ومش طولت والكلام ده انا عايزك تعرف انى بدات الزفت ده بحبيتين مره واحده والله ووصلت لتلاته وساعات اربعه واخر يووم كنت واخد اربعه وقطعته مره واحده ومتنساااش انى فى كليه تجاااره يعنى اكيد برده انا جربت كل حاااجه واه على فكره انا برده لليوم السادس مش حطيط سيجاره واحده فى ايدى حتى رغم انى بشرب علبيتين فى اليوم ومن تانيه ثانوى لحد يوم الاربع اللى فات انت بس متخافش من كلام اى حد ومش تحط فى دماغك ان اليوم ده هيبقا صعب عليااا وهيبقا وجع وكده اى حد لو عمل كده حتى لو عايز يعد يووم من غير كوبايه شااى وقال انه هيتعب من غيرهاا هيحس بوتانى يوم هيقووول الم لا مثيل له هههههه انت عارف انا والله والله والله والله الموضوع سهلللل اوى انسى بس متحطش فى دمااغك ومش تاااخد اى ادويه تاااانى ولا مهدئاات ولا الكلام ده خليك ربااانى كده واهم حاجه صلى مهما كانت ديااانتك خلى نفسك وروووحك مشبعه بلهدوووء وكده ومش تحطفى دماااغك انك مش هتعرف تنام وكده بوووص انا عايز تاخد الزفت ده وتجيب كوبايه ميه وتقول انك لو شربت الميه دى مش هتنام ولا هتعرف تنام ولا ترتاح وكده رغم انك واخد الزفت ده وشوف وابقى قابلنى ازا نمت اصلا الحا جااااااااات دى كلها اوهاااااااام واهم حاجه ودى اهم حاجه بجد متخااااااااااااااااااافش محدش احسن منك ولا حد عنده اراده اقوى منك بوووص كل اللى علقوو واللى انا منهم قبل مياخدو القرار كانو خايفين بس هما لما حسو ان الموضوع مش مستحيل وان اى انسان يقدر يستحمل اى الم مهما كان اهم حاجه مش يوهم نفسه من قبل ميجيله الالم اصلا متوهمش نفسك انك لازم هتتعب وانك هتبقى زى الاخ اللى بيقولك انا كنت عايز اقلع دماغى من جسمى من كتر الوجع كل الحاجااااااااات دى مباااااااااااااااااااالغه صدقنى والله العظيم اقولك على حاجه تخيل انك بعد مقريت التعليق بتاعى ده كمااان يومين او بعد بكره مثلا هيكووون ردك علياااا ايه لو كنت فضلت اليومين دول ماخدش شوف هيكوون تعليئك ايه ولو كنت اخدت ومش قادر وخايف وكده هتفضل برده خااايف والله والله والله والله هتبقااا سهله اوى اهم حاجه مش تستنى وتوهم نفسك عيش حياتك عااادى ايه ياعنى ياعم شويه وجع فى ظهرك اعتبر نفسك وقعت من على السلم وانت جاى الشغل وشوف تانى يووم والله انا مش عارف اوصفلك مدى سهولته ياعم ده انت ممكن وانت بتقرى التعليق بتاعى ده دلوقتى الكرسى يقع بيك ويجيلك وجع اكتر من الوجع اللى بيقولو عليه ده هههههههههه فكك بقاااا كده ومش نباااالغ فى كل ححااااااااااااجه خليها على ربنا ومش تحط فى دماغك انك هتبقى ميت الايام دى سيبك من الكلام ده ولو فى يووم حسيت فيه انك تعبااان فعلا افتكر وشوف بكره زى دلوقتى هتكون عامل ازاى والله هتبقى ايام جميله اوووووى وسيبها على ربنا يلا ابدا دلوقتى ومستنيك ترد عليااا بعد بكره او بكره وهتشووووف وهتعرف انه مش زى ما انت متخيل كده وشكراااااا اوووووووووى للدكتووور ممدوووووووووووح بجد انت ربنااا يكرمك وياريت تنزل تعليقه مش تشيله علششاان هزعل لانه والله كل كلمه طااالعه من قلبى فيه ربنا يكرمك واسف على الاخطاء املائيه ……
loading...
loading...
انا شاب عندى 25 سنة اعمل ضابت شرطة وبقالى حوالى 6 سنين باستعمل التاماول الابيض والتادول الاحمر <الفراولة ..
ومِِِِِِـــــــــــــــــــــش عـــــــــــــــــــــارف ابــــــــــــــــــــــــــــــــــــطـــــــــــــــل اعــــــــــــــــــــــــمــــــــــــــــل ايـــــــــــــــــــــــــــــــــــــــه
loading...
loading...
نرجو منكم طرق علاج ادمان هذا البرشام والطرق التخلص منه زطريقه رفع سمومه من الجسم ومعرفه عناوين وارقام هواتف معالجى هذا الادمان فى جميع محافظات مصر ونرجو عمل حمله تكون اولها باعلانات التليفزيونيه بتحذير من آخذ هذا البرشام مع استضافه بعض الاطباء لشرح التخلص منه نرجو عمل ذالك وقريبا ستكون صفحه فى الفيس بوك تدعو وزير الاعلامى المصرى والحكومه المصريه بعمل توعيه للشباب وتحذير المتاجرين بارواح شبابنا وربنا يشفى الجميع
الله *الوطن *
انا كنت بتعاطى الترامدول فتره كبيرة لان ليه صاحب عنده شركه ادويه عشان كده كان متوفر معايا باستمرار لحد موصليت لبيتيين فى اليوم وثلاثه وبعد كده جيت ابطله مكنشى فى نوم خالص بخش الحمام كتيير جدا مش ميه الجاير بحسس من نحيتها طعمها وحش ومفيش اعصاب اصلا عشان امسكها ولا امسك اى حاجه ظهرى حاس انه حد بيكسره بس الحمد لله بطلته ورجعتله تانى بس انا دلوقتى باخد كميه قليله بس انا عاوز حاجه لل صداع والظهر واهم حاجه شىء ينيمنى عشان انا مبنمشى خالص عشان عاوز ابطلو عشان انا ظرفى متسمحشى وانا بصرف على البيت وعلى اخواتى وانا قعد من الشغل ارجوك يا دوكتر ساعدنى ارجوكو يا جماعه ساعدونى وبعدين انا جنبى بيبقى بليل وجعنى قوى وجع شديد انا خايف يكون فى حاجه عندى فى الكبديريت مساعده بس المهم تكون بعيد عن اهلى عشان اهلى مش ينفعو خالص وتكون سعرها
nolove_a_20112@yahoo.comكويس وده ايميلى
loading...
loading...
عزيزي ” انسان انكسر بسبب الهباب”
اشكرك علي تعليقك و أعتذر عن تأخري في النشر لأني أحتاج إلي مراجعة التعليقات قبل نشرها و لم أجد الوقت لذلك بالأمس.
بالنسبة لسؤالك:
بالطبع حملة واسعة النطاق هو ما أحلم به و لكني مع الأسف لا أملك وسائل تحقيق ذلك حالياً و أتمني أن يحدث ذلك في المستقبل القريب.
بالطبع أفضل طريقة للتخلص من إدمان الترامادول هي اللجوء إلي المتخصصين و ستجد علي هذه الصفحة قائمة بالأماكن التي نعرفها و تستطيع اللجوء إليها للمساعدة.
تحياتي:
د/ ممدوح
loading...
loading...
النهاردة قسمت القرص غلي اربع اجزاء و اخدت منهم تلاتة علي مدار 24 ساعة يعنى جزء كل 8 ساعات
حاسس بالام في رجلي وشوية سقعان وشوية حران وزهقان ومقريف جدا
ادعولي اقدر اواصل
loading...
loading...
ربنا هيناول كل واحد عاوز يبطل الهباب ده وادعولي انا كمان ابطلو انا بعض يوم ما بخدوش بتعب وبرجع اخدو تاني ومش عارف ابطلو ازاي انا تعبان جدآ ونفسي ارجع لطبعطي ده ايميلي mid_eid@yahoo.comياريت لو حد عندو حل يبعتليوايميلي علي الفيس بوووك AMR GAMAL
loading...
loading...
أولا أشكر د / ممدوح على المجهود الرائع وعلى الوقت الذى قرر هذا الرجل ان يضيعه فى الخير ومساعده الاخرين بدون أى مقابل
ثانيا زيزو باشا أنا زى ما قولت قبل كده على العنوان والمواعيد أنت ممكن متتصلش بيهم روح على المستشفى على طول
اسمها خدمه الخط الساخن الدكاتره والاخصائيين موجودين يوم الاتنين ويوم الاربعاء من الساعه 11 صباحا لحد الساعه 2 ظهرا
لو هتنزل ميدان التحرير أركب من هناك ميكروباص حلوان وقول للسواق انا عايز انزل عند مستشفى القوات المسلحه
أو انزل ميدان الجيزه وأركب برضه ميكروباص حلوان وبرضه خليه ينزلك عند مستشفى القوات المسلحه بكورنيش المعادى بعد محكمه المعادى الدستوريه بجد طريقها سهل جدا هتلاقى عساكر جيش على البوابه قولهم انا عايز أدخل لخدمه الخط الساخن بس والله بجد ده اللى اعرفه انا متصلتش بيهم روحتلهم على طول ///أما بقى المعامله هناك فأنت والناس كلها هتشوفو بنفسكم حاجه اخر أحترام ومبتدفعش ربع جنيه أخصائى نفسى ببلاش وكشف الدكتور ببلاش والعلاج من عندهم فى الصيدليه ببلاش والمتابعه الاسبوعيه ببلاش يعنى ومفيش بجد والله عن ثقه أى بيانات بيخدوها منك خالص مجرد ما تتدخل من البوابه هتكتب أسمك جوه فى الكشف الثناءى وخلاص تدخل بالدور وجوه هيتكلموا معاك شويه وتاخد العلاج وشكرا ولا بيعرفوا عنك حاجه حتى لو مجتش الاسبوع اللى بعده مش هييفرق معاهم ولا هيعرفولك عنوان أنت اللى محتاجهم مش هما وعلى فكره بيعالجو جميع أنواع الادمان مش بس الترامادول /// مش عارف بجد أنتم عايزين أيه أكتر من كده يلا بقى مش هتخسرو حاجه يمكن ربنا يشفيكم زى ما أنا الحمد لله بطلت عن طريقهم والمحاولات لوحد بجد نتيجتها مش مضمونه 100 % لكن دول ناس متخصصين وفى سريه تامه وبدون أى مقابل ربنا يكرمكم ويكرم كل شخص عايز يبطل الهباب ده // أخيرا د/ ممدوح أرجو ان تحاول أن تأتى بأرقام المستشفى وتنشرها ولك جزيل الشكر
loading...
loading...
انا مبسوط جدا انى وجدت حد يشاركنى همي الازلي
نفسسسسسسسسسسسسسسسسسسسسسسسسسسسسى ابطل الهباب ده
انا كنت وصلت لجرعة 4 قرص 255ملل يوميا و ساعات اكتر
انا بقلل الجرعة بقالي 10 ايام
وصلت حاليا الي 200 ملل في اليوم تقريبا
بقسم القرص علي اربع جرعات وباخد جرعة كل 6 ساعات
ادعولي لانى هبتدي انزل تانى بكرة الي 150 ملل علي تلات جرعات
وانا هتابع معاكم كل ما اقدر ادخل
loading...
loading...
عزيزي Hamada:
أحييك و أشجعك علي الخطوات التي أخذتها للتوقف عن الترامادول.
ربنا معاك و شد حيلك.
د/ ممدوح
loading...
loading...
الى كل القائمين على الموقع
بس انا عايز اعرف اجابه واحده لسؤال واحد انا مدمن مخدرات بقالى 15 سنه بالظبط عمرى ما بطلت ولو يوم واحد/ الأيام اللى انا بطلتها كنت فى المصحات
هل هناك اى امل للتبطيل
انا متزوج وعندى بنتين وطول عمرى بشرب ترامادول وبودره وحشيش
loading...
loading...
عزيزي shady:
طبعاً هناك أمل لك في التوقف عن الإدمان.
فقط تحتاج إلي مساعدة طبية متخصصة نظراً لطول الفترة التي استعملت فيها الدواء و لذا لا أنصحك بالمحاولة لوحدك و يمكنك الاستفادة من المزاكز المتخصصة المذكورة في بداية الموضوع.
د/ ممدوح
loading...
loading...
اه والنبي يا مايكي قولي بتتصل بكام وتروح ازاي وايه الاجرائت الي بتم واهم حاجه الرقم والنبي حلفتك بالنبي بالله عليك
loading...
loading...
معلش يادكتور نصيحه برضو لاخواتي هنا يمكن تفيدهم ،،،موضوع التبطيل التدريجي دوت فاشل فانصح لو حد هايبطل ان شاء الله يقطع عنه مره واحدة ويستحمل اول يومين بالظبط وتالت يوم التعب بيقل ورابع يوم بيكون قل خالص ،،،، يعني علي اسبوع بالظبط بيحس انه تمام اوي ،، ويشرب لبن كتير وياكل زبادي عشان يطرد السموم اللي في الجسم
ماأسوأ الحياه مع الترمادول والجو الكئيب الحزين اللي الانسان بيعيش فيه حتي وهوه واخد الترامادول ،، في الاول الطريق احساسه بيكون حلو لاكن بعد كده بتزيد في الجرعه وبتبدأ تحس انك انطوائي وكاره الناس وكاره حياتك وقاعد في البيت مابتخرجش ولا عايز تخرج ولاتشتغل ولاتقابل حد ،،، الترامادول خـــــــــــــــــــــــــــــــــدعة
اشكرك يارب انك نبهتني واديتني انذار
انا بجد يادكتور لما شوفت شكل الدم وانا برجعه انا قولت خلاص انا هاموت واول مارحت للدكتور بيقولي انت بتاخد ترامادول قولتله أيوه وصارحته قالي يابني انت بتقتل نفسك وأهوت الترامادول عملك قرحه في المعدة أكل جدار المعدة
يلا الحمد لله وربنا يوفق الناس كلها وتاخد خطوة ايجابيه وتبطل الزفت الترامادول ده لانه لعنه بكل المقاييس واهدار للصحه والمال والأسره وضياع كل حاجة حلوه
loading...
loading...
السلام عليكم اخواني
ازيك يادكتور ممدوح , حقيقي موضوع أكثر من رائع وهادف وربنا يبارك فيك
انا برضو كنت مدمن ترامادول بالاربع والخمس حبايات في اليوم بس سبحان الله بطلته لما تعبت منه كنت نايم بليل وفجأة قمت من النوم رجعت دم كتير عملي قرحه في المعدة بسبب أخذ الترامادول باستمرار ،،بطلته غصب عني ،،،والحمد لله ربنا ستر
واديني بطلته غصب عني مش بمزاجي ،فايريت كل الناس تبطل الترامادول لان مخاطره كتيره جدا ،،، بيتعب المعدة ويسبب قرحه ، بياثر علي عضلة القلب ،،وكمان ممكن يجيبلك صرع ،و بيبوظ الكبد ،وطبعا بقي ادمان واهدار للمال ودمار لكل الأسرة وصدقني يادكتور ،،الانسان سلوكياته تحت الترمادول غير سلوكياته العاديه من غيره /// مع الترامادول أسوأ في بيته مع أهلي ومع زوجته وكل اصحابه وحتي في شغله ،
انا بطلته اكتر من مره ورجعتلو ومن كتر ماكنت ببطله وارجعله بقيت استحمل اعراض الانسحاب اللي هي اكتر شيء اربع ايام او خمسه بالكتير
لاكن المره دي بما اني كنت هاموت بسببه ورجعت حوالي لتر ونص دم فانا عمري ماهافكر ارجعله تاني ،،، لان الدكاتره منعوني من اي مسكنات عاديه اساسا وانا الحمد لله دلوقتي كويس وبقيت تمام
وصدقوني لازم كل واحد يختار حياتو ويوقفه والموضوع سهل جدا وبسيط
معلش انا طولت عليكم
loading...
loading...
انا اخويا بياخد بقالة3سنوات الزفت دة بس نفسيتة زي الزفت بيخلية عصبي جدا ومشتت بيتكلم كتير جدا يخلط الجد بالهزار حاسة انة وصل لمرحلة الهبل والسبب الرئيسي في كدة مراتة متسلطة عايزة تسيطر علية انا مش عارفة اعملة حاجة ارجوك شفلي اي علاج علما بان شغلتة مرموقة جدا ارجو الرد سريعا
loading...
loading...
قبل كل شىء أريد أن أشكرك جدا جدا د / ممدوح لأانك بالفعل شخصيه نهذبه جدا ولك أجر كبير عند الله على هذه الخدمه المجانيه التى تقدمها فنحن نحتاج لأشخاص كثيره مثلك فى هذا الوقت
أما بخصوص المستشفى فأنا بصراحه ليس معى أى أرقام للمستشفى ولكن هيه مشهوره ومعروفه جدا مستشفى القوات المسلحه بكورنيش المعادى التى مات فيها الرئيس الراحل أنور السادات واى حد يستطيع عن طريق النت أن يأتى بأرقامها وعنوانها بالضبط فهى من أشهر المستشفيات بالمعادى وبجد ياجماعه ناس محترمه جدا وفى أكتر من دكتور وأكتر من أخصائى نفسى
واللى هيسأل ( يتصل بيهم ويسأل على مواعيد خدمه الخط الساخن أو ينزل على طول يوم الاتنين او الاربع من 11 ص إلى 2 ظهرا مش هياخدو منك ولا ربع جنيه كله ببلاش وفى سريه تامه بجد مش عارف انتم ناويين تستنو لحد امتى ياجماعه أنا عارف انكم ممكن تبطلو لوحدكم بس الفتره هتبقى طويله جدا لكن بالعلاج هتنجز نفسك بسرعه وهتتحرك وتنزل شغلك عادى وأهم حاجه بلاش الهلاوس بتاعت انا مدمن والحركات ديه روح كأنك رايح تتعالج من أى مرض تانى أو كأنك رايح تكشف كشف عادى باطنى أو أعصاب مش شرط يبقى فى دماغك الأدمان والكلام الفاضى اللى هيرجعنا لورا ده والله أسهل مما تتخيلو
أما بقى اللى عايز يبطلو لوحدو فده بقى معاه ربنا لازم يستحمل ملهاش حل تانى لأن الالام هيطول شويه بس مش كتير
وملكش دعوه بتجارب حد يعنى خد بس الحاجات المفيده من التجارب اللى قبلك كل شخصيه وليها علاجها
وفىى حاجه غريبه نسيت أقول عليها اول ماروحت المستشفى كان معايا واحد صاحبى بياخد نفس الجرعه بالضبط شوفو بقى اللى حصل
أنا اخدت علاج وهوه أخد علاج تانى خالص والله العظيم زى ما بحكلكم كده معا أننا كنا بناخد نفس الجرعه
ده غير أن الاخصائيه قالتى لو عايز تبطل ملكش دعوه بصاحبك يعنى تعالى لوحدك
وفى معلومه تانيه مهمه الصاحب – ساحب
ياه يسحبك لفوق
ياه يسحبك لتحت
وانا للأسف أعز أصدقائى قصدى اللى كانو أصدقائى كانو على طول بيسحبونى لتحت
ولو حد عايز يسأل انا معاكم على طول وتحت أمركم
وشكرا مره ثانيه لك أخى الفاضل د/ ممدوح
loading...
loading...
عزيزي MIKY:
أشكرك علي التوضيح و المعلومات المفيدة التي وردت في تعليقك الأخير.
تمنياتي لك بالصحة و أدعو كل من يحتاج إلي مكان متميز و يمتاز بالسرية أن يلجأ لمستشفي القوات المسلحة بالمعادي كما نصحت.
د/ ممدوح
loading...
loading...
على فكره لو هتمشو على علاج التعب هيبقى أول أسبوع بس أو ممكن كمان أو أربعه أيام وبجد ياجماعه أهم حاجه النفسيه والله أنا والحمد لله أحسن بكتير من غيره وبشوف شغلى الحمدلله أحسن من الاول بكتير الاول كنت ماكينه بتشغلها بالترامادول لكن دلوقتى مخ وتفكير مش بس عضلات توكل على الله اهم حاجه اللبن والعصاير كتير اوى لأن الانسحاب بيتم عن طريق التبول ودخول الحمام كتير ده شىء كويس ممكن كمان الفاكهه والخضار ومتفكرش فيه خالص ده اهم حاجه
loading...
loading...
ياجماعه أنا كنت زيكم بالضبط باخد حوالى 3 أو 4 حبايات فى اليوم وحاولت كتير انى أبطل لوحدى بصراحه مكنتش بقدر
كنت برضه برجعله تانى بس بجد الموضوع طلع والله أسهل من كده ايه المشكله لما نروح لدكتور ويساعدنا انا كنت مكسوف زيكم كده وخايف للناس تشوفنى ويسمونى مدمن لكن بجد كل ديه هلاوس لو بجد عاوزين تتعالجو من الزفت ده ومن المخدرات كلها توكل على الله وفى مستشفى القوات المسلحه بكورنيش المعادى تابع للخط الساخن لعلاج الادمان يوم الاتنين والاربعاء من كل أسبوع من الساعه 11 صباحا إلى الساعه 2 ظهرا بجد متخفش انزل وروح وكل حاجه هناك ببلاش فى هناك علاج نفسى علشان سلوكك لازم يتغير وفى علاج بالادويه ناس هناك بجد فوق الممتازه ومحدش بياخد منك بيانات ولا حاجه أخرهم أسمك وسنك ووظيفتك ومتزوج ولا لأ لكن ولا عنوانك ولا رقمك ولا اسم الشركه اللى انت شغال فيها يعنى متقلقش من الاخر كله بسريه تامه بجد اللى عاوز بجد ينزل وميخجلش احسن ما تفضل كده مدمن وتحاول تقعد أول أسبوع فى البيت ايه يعنى لما أخسر شغلى أسبوع أوشترى مكانه حياتى وصحتى أحسن ما أخسر كل حاجه وربنا هيكرمك وهيعوضك وعلى فكره انا من تانى يوم كنت فى الشغل يعنى ممكن تنزل عادى بس أنت وقدراتك بقى ياباشا بس عموما هما العلاج بتاعهم من الاخر ولو حد عايز يعرف العلاج اللى انا باخد
1. أركاليون 200 عدد 2 قرص بعد الفطار
تريلبتال 300 قرص صباحا وقرص مسأء
وممكن 2 قرص موتيفال علشان تنام
او 2 قرص سيروكويل 25 مج علشان تنام برضه
بص بصراحه منصحش ان حد ياخد علاج حد الافضل انك تنزل بنفسك وتشخص حالتك وتتعالج وكله على حساب المستشفى يعنى مش تجاره زى باقى المستشفيات
loading...
loading...
عزيزي MIKY:
اشكرك علي تعليقك الرائع و المفيد و هو بالفعل من أفضل التعليقات التي كتبت علي الموضوع لأنه مفيد و مشجع و عملي.
و أضم صوتي لصوتك بألا يحاول أحد أخذ هذه الأدوية من نفسه بل يذهب للطبيب و يأخذ ما يصفه له الطبيب علي حسب حالته.
أرجو منك أن تعطينا وسائل الأتصال بالمستشفي و عنوانها بالضبط لكي تكون مفيدة لكل من يرغب في أخذ هذه الخطوة
أتمني لك دوام الصحة.
د/ ممدوح
loading...
loading...
السلام عليكم
انا مدمن الزفت دة بقالى اقل من سنه بس باخد فى اليوم نص حبايه فقط وبجد نفسى ابطل هل الجرعه دى لو بطلتها هتعب برضوا جامد كدة وايه الفترة اللى بعدها يرجع الانسان طبيعى جدا
ارجو الرد على سؤالى وشكرا ليكم جدا
loading...
loading...
عزيزي احمد رجب:
أنت محظوظ أنك تستعمل جرعة صغيرة و هي سيكون التوقف عنها أسهل بكثير.
المهم الأرادة الحقيقية في الأقلاع و يمكنك اتباع نصائح المدمنين السابقين الموجوة في التعليقات.
تمنياتي لك بالصحة.
د/ ممدوح
loading...
loading...
انا بقول لحضرتك نفسيتي تعبانه جدا دكتور سموم هيعرف يعلجني انا متهيالي المفروض دكتور نفساني
loading...
loading...
يا عزيزي zezo:
المشكلة كلها سببها الترامادول و التخلص منه سيحل مشكلتك من أساسها.
يمكنك استشارة طبيب نفساني أن رأيت أن هذا انسب لك و هو سيساعدك المهم أن تكون صريح معه.
د/ ممدوح
loading...
loading...
طيب حضرتك برضه مقولتليش يا دكتورانا محتاج دكتور سموم ولا نفساني ولا مخ واعصاب
loading...
loading...
دكتور سموم هو الأنسب
loading...
loading...
وانا يا دكتور جنبي الايمين من تحت في الوجه الاماميه وجعني ولما كنت بدوس عليها كنت بحس بالوجع وساعات احس بالوجع وساعات لا بس بعد كده دلوقتي الوجع موجود بس مش دايما بس لما بحط ايدي مش بحس باي يا تري ده سببه ايه الكبد ولا ايه وفي نفس الوقت االجنب الايمين من فوق برضه فيه الم بيروح ويجي ممكن تنصحني تقولي اعمل ايه
loading...
loading...
طيب يا دكتور ممدوح بالنسبه لموضوع الحبايه الي انا اخدتها ده كده ضيع تعب الاسبوع كله ولا عادي وبعدين انا بفكر اروح لدكتور بس هروح لدكتور مخ واعصاب ولا نفسي ولا سموم ولا ايه بالظبط
loading...
loading...
عزيزي zezo:
لا يوجد تعب ضائع و القرص الوحيد الذي أخذته لن يهدم ما فعلته طوال الاسبوع. فقط حاول أن لا تأخذ منه مرة أخري.
للعلاج أنت تحتاج إلي طبيب متخصص في علاج الإدمان و يمكنك الاتصال بمركز الحرية فهم متخصصون في هذا المجال.
http://freedom-maadi.com/
د/ ممدوح
loading...
loading...
د. ممدوح ارجو الرد
انا حياتى كلها بتتهدم وممكن ابدأ بعلاجه من البيت ازاى لأن صعب اوى تكاليف المصحة بجانب انة عنده صرع من الادمان وبيتعالج وبيخد ادويه اعمل اية فيدونى
loading...
loading...
عزيزتي tota:
من الواضح أن حالة زوجك تحتاج إلي طبيب متخصص و أنصحك بمحاولة الاتصال بدكتور أحمد و هو متخصص في هذا المجال و ستجدين بريده الألكتروني في هذا التعليق الذي تركه سابقاً علي نفس الموضوع.
http://www.elmalakrx.com/blog/2010/05/tramadol-treatment-centers-egypt/#comment-18147
و هو سيساعدك علي معالجة زوجك و ينصحك بالتصرف الأمثل لحالته.
د/ ممدوح
loading...
loading...
انا زوجى بيتعاطى الترامادول وانا بشوفه معاة وحاله اتغير خالص انا مش عارفة اعمل اية حياته كلها ادمرت ودلوقتى مبيشتغلش وخس جدا ومبيكلش والسجاير كترت دة بالاضافه ان جاله نوبات صرع بسبب الترامادول اخر مرة جاتلو كان هيموت فيها ولكن ستر ربنا وكل ده وهو بينكر تماما انه بياخدوا وانا مش عارفة اعالجه ازاى لأنة بينكر انه بيخدوا ابدأ منبن ارجوكم فيدونى
loading...
loading...
وانا يا دكتور مبطل بقالي اسبوع واكتر حاجه مخليني خلاص بفكر اني اموت احسن حالتلي النفسيه وحشه قوي قوي زي الاخ سيكو بس انا علي عكسه من كتر خنقتي اضطريت اني اخد حبايه يا تري كده تعب الاسبوع كله راح ولا ايه انا مش عارف اعمل ايه هو فيه علاج للحاله زي كده ولا دي اعراض بتاخد وقت لاني بصراحه مش قادر اعيش بيها نهائي او حتي اني اكمل اليوم والله بيبقي اهون عليه الموت وانا بجد بطلته بقالي بالظبط 8 ايام ومش عايز اخده ولا حتي اسمع سيرته بس الحاله النفسيه اضطرتني لكده يا ريت يا دكتور والنبي قولي اعمل ايه
loading...
loading...
عزيزي zezo..
عزيزي seko:
الحالة النفسية الصعبة في هذا التوقيت أمر طبيعي لكما و ستقل مع الوقت.
الأعراض تستمر نتيجة سحب الدواء من الجسم و مدتها تختلف علي حسب مدة استعمال الترامادول و الجرعة المستخدمة و لكني أعتقد أنكما علي وشك الأنتهاء منها.
بالطبع الخروح لبعض الوقت و تغيير الجو مع أصدقاء تثق فيهم أمر ممتاز و سيساعد علي تحسين المعنويات و خاصة لو في مكان طبيعي هادئ و جو لطيف بعيد عن الزحام و التلوث.
و يجب أن تتأكدوا أن المجهود المبذول من كل منكما لم و لن يضيع هدراً أبداً و أن الضعف البشري أمر عادي و كلنا نمر به و نستطيع تجاوزه.
إذا كنت تشعر أن الاستمرار وحدك صعب فيجب اللجوء إلي طبيب متخصص للمساعدة بشكل علمي في هذه المرحلة.
د/ ممدوح
loading...
loading...
وكمان يا دكتور حالتي النفسيه وحشه بدرجه فظيعه انا عمري ما حسيت الاحساس الي انا حاسه اليومين دول حاسس اني كره كل حاجه في حياتي وماليش نفس اعمل حاجه خالص ولا بتكلم كلمتين علي بعض اليوم كله ولا حتي الكمبيوتر الي كنت بقعد عليه ممكن في اليوم 9 او 10 ساعات يوميا مش بكمل ساعه لعلي بعض في اليوم وعلي طول حاسس اني مفيش اي حاجه هتبسطني وان الدنيا سوده قوي يا تري ده عادي يا دكتور ولا ايه لاني لما بطلت اول مره الي هي المره الي فاتت محصليش كده خالص في ده من ايه يا تري
loading...
loading...
طيب يا دكتور انا بقالي 5 ايام في البيت وزهقت قوي وحالتي النفسيه مش كويسه يا تري ينفع انزل مثلا اني اتمشي شويه واقعد مع اصحابي الكويسين ولا لا عشان انا بحس اني ببقي تعبان قوي ومش قادر انزل بس من كتر ما انا مخنوق ببقي عايز انزل وخلاص ولا ده ممكن ياثر علي صحتي في حاجه
loading...
loading...
طيب يا دكتور انا في حاجه تاني انا حاسس بضعف جامد قوي ومفيش فيه اي طاقه حتي لماجرد اني انزل بتعبت بسرعه وبحس انه مجهود كبير حاسس اني عايزلي شهر علي الاقل عشان يدوب ابتدي بس اني ارجع طبيبعي يا تري ده حاجه عاديه ولو حاجه عاديه هتاخد قد ايه وقت يا ريت تقولي وشكرا ليك
loading...
loading...
عزيزي seko:
ما تشعر به من ضعف و هزال طبيعي جداً و سيخف تدريجياً مع الوقت.
حاول الحصول علي أكبر قدر ممكن من الراحة و النوم كل يوم حتي تتحسن صحتك.
و احرص علي الأكل الجيد المتوازن و الأكثار من الخضر و الفاكهة و شرب الماء .
و بعدما يبدأ التحسن حاول ممارسة الرياضة الخفيفة بأي صورة و ستجد تحسن ملحوظ في صحتك بشكل عام.
د/ ممدوح
loading...
loading...
السلام عليكم ورحمة الله وبركاته انا يا دكتور مبطل الترومادول بقالي اسبوع وانا متزوج حديتا بس المشكله اني لما بطلت لاقيت عندي سرعة قذف غير عاديه يعني ممكن مكملش كام ثانيه تخيل انتي بقي يا دكتور يا تري ده من طبيعي من الترومادول ولا دي عيب من عندي بس المشكله اني كنت باخد ترومادول بقالي سنه وقبلها مكنش عندي اي حاجه خالص من دي تنصحني بايه يا دكتور
loading...
loading...
عزيزي zezo:
شكراً علي اتصالك بنا و تمنياتي لك بتمام الشفاء من الترامادول.
بالنسبة لسرعة القذف فأنا قد بحثت في كل المراجع العلمية التي أعرفها و لم أجد كلمة واحدة عن أن الترامادول له تأثير علي سرعة القذف لذلك أري أن هذا تأثير نفسي فقط لا غير.
اطرد هذا الموضوع من تفكيرك و ستجد أن تأثيره يختفي.
و أرجو أن تقرأ هذا المقال علي موقعنا فهو سيفيدك في التعامل مع هذه المشكلة.
http://www.elmalakrx.com/Arabic/ar_questions/question_1022.htm
د/ ممدوح
loading...
loading...
يعني كده يا دكتور انا مفيش عندي اكتئاب ولا حاجه وبعدين في موضوع تاني مهم انا بحس بن صحتي بقت علي قدي يعني لو نزلت مثلا مش بقدر اقف اكتر من نصف ساعه او اعمل حركه كتير حاسس اني محتاج شهر علي الاقل عشان يدوب ارجع طبيعي تفتكر حضرتك ده عادي ولا دي حاجه طبيعيه وهتاخد قد ايه عشان ارجع زي الاول في صحتي عشان علي الاقل انزل اشتغل لاني حاسس كد لو بالمنظر ده مش هقدر لاني حركتي بتبقي محسوبه عليه قوي عشان بتعب لما بتحرك
loading...
loading...
مع العلم يا دكتور ان يوم الاربعاء كان الساعه 9 الصبح ولغاية اخر النهار مخدتش اي حاجه تاني خاللص لغاية دلوقتي
loading...
loading...
عزيزي SEKO:
نعم يوم الأربعاء يحسب من الأيام الخالية من الدواء.
بالنسبة لما تشعر به من تذبذب في المعنويات و الحالة النفسية فهذا طبيعي و سيقل مع الوقت و تستطيع التعامل مع الناس بشكل أسهل.
تمنياتي لك بتمام الشفاء.
د/ ممدوح
loading...
loading...
السلام عليكم انا النهارده من اول يوم الاربعاء الصبح لغاية يوم السبت مخدتش حاجه خالص الحمد الله بس يوم الاربعاء الصبح علي الساعه 9 كده اخدت حبايه واحده وبعد كده لغاية النهارده مخدتش حاجه تاني خالص وروحت اليوم ده من المستشفي واخدت العلاج ده ونمت مع العلم اني جرعتي بتوصل 4 او 5 في اليوم يا تري اليوم ده يتحسب من الايام الانسحاب ولا لا وبعدين انا مشكله كبيره بتوجهني بحس اني مش عارف اتقالم مع الي حوليه واواقات بحس اني مبسوط ونفسي اعمل كل حاجه وممكن في دقيقه واحده ابقي مخنوق ومضايق قوي وماليش منفس اعمل حاجه يا تري يا دكتور تنصحني اعمل ايه
loading...
loading...
السلام عليكم ورحمة الله وبركاته
انا مخطوبة لشخص والشخص ده شوفت معاه شريط برشام اسمه
tamol-x
ولما سألته ايه ده قالى مسكن
انا شكيت فى الموضوع وجيت اهو اعمل سيرش
وفهمت ان التامول ده هو الترامادول
الكلام ده صح؟
اولا انا مش هعرف اواجهه ففكرت فى حل تانى
اخده و اعمله تحليل و وقتها هيكون باين فى التحليل ومش هيقدر يكدب
فهل فعلا بيبان فى التحليل ولا لا؟
وساعتها اطلب من مركز التحليل تحليل اسمه ايه؟
والتحليل بيفضل باين لحد فترة قد ايه؟ يعنى لو قعد يومين مش يشربو مثلا هيبان كأنه مبيشربش؟؟؟
loading...
loading...
عزيزتي me:
التامول هو نفسه الترامادول و هو بالفعل مسكن قوي و لكن استعماله بدون اشراف طبي قد يسبب الأدمان.
أنا لا أفضل التحايل علي الموضوع فالمواجهة هي أفضل طريق لحسم هذا الأمر و مواجهة خطيبك بهذا الأمر حتي لو كانت صعبة فهي ضرورية و خطوة مهمة تحتاجان إليها قبل الزواج لأن الثقة أساسية بين الزوجين.
أتمني لك التوفيق.
د/ ممدوح
loading...
loading...
اوك يبقي انا الي غلطان انا اسف يا جماعه بس نا كان نفسي اساعد الناس وافتكرت ان حد شاله في اضيقت علي العموم حصل خير وعلي فكره انا كنت في المركز ده النهارده وخدت العلاج وانا حاسس ان انشاء الله خير يا ريت كله يتصل ويروح
loading...
loading...
شكراً علي شعورك الطيب و أهتمامك و أتمني لك تمام الشفاء.
د/ ممدوح
loading...
loading...
ليه شيلتم الرقم يا ريت تفكرو قبل ما تشيلو الحاجه دي هتفيد الناس مش هضر مش نبقي متبرمجين علي حاجه نعملها وخلاص من غير تفكير ده رقم مصحة حكوميه بتفيد الناس وعلاجه بسيط جدا للي عايز يتعالج يعني حاجه كويسه مش حاجه وحشه وده الرقم لتاني مره 16023
loading...
loading...
عزيزي SEKO:
شكراً علي إضافة الرقم مع العلم أنك لم تكتبه في تعليقك الأول فنحن لا نقوم بتعديل أو حذف أي شئ من التعليقات إلا الخارج عن حدود اللياقة فقط.
د/ ممدوح
loading...
loading...
بالنسبه للاخ وليد عن موضوع المصحه النفسيه في مستشفي العباسيه للامراض النفسيه دي برضه بتساعد وبتديك الادويه من عندها وسعر التذكره جنيه بس بالادويه سوده رقم تليفونهم اسمه الخط الساحخن للادمان انا اتصلت وخدت ميعاد وعرفت المكان وبطلت فعلا من عندهم بس انا الي رجعت تعمل ايه بقي في النفس الوسخه علي العموم ده الي اقدر اقولهولك
loading...
loading...
السلام عليكم ….
عزيز دكتور ممدوح….
انا شاب عندى 26سنه انا باخد ترامادول بقالى سنه 5شهور تقريبا وبصل فى اليوم الواحد الى 7حبيبات …ونفسى ابطل بس خايف ان حد يعرف حوليا ويلحظ عليا انا لو امى عرفت ممكن تموت فيها وانا نفسى اساعد نفسى نفسى انتبه اللى مستقبلى والترامادول بياخد منى كل فلوسى ونفسى ابطل عشان اسافر بره اكون نفسى بس اللى مكتفنى هو اللعنه دى ابوس اديك ساعدنى اعمل ايه انا عايز ابطل انا عايز اروح مصحه نفسيه بس الفلوس مش كتيره معاى ممكن مايقبلوش علاجى اعمل ايه انا عايز ابطل عايز ابطل انا نفسى ابنيا مستقبلى نفسى اعمل حاجه فى حياتى …
سعدنى ارجوك سعدنى
loading...
loading...
عزيزي walid:
أشكرك علي رسالتك و أطمئنك أن رغبتك القوية في الشفاء هي أول خطوة قد أخذتها بالفعل و هي الضامن لنجاحك.
بالنسبة للعلاج فالمركز الطبي هو أنسب حل و إن كنت تخشي من تكلفة العلاج فهناك مراكز تقدم هذه الخدمة بأسعار معقولة و تهتم بشفاء المرضي أكثر من الربح.
أرجو أن تحاول الأتصال بمركز الحرية لعلاج الإدمان
http://freedom-maadi.com/
لتعرف منهم كافة التفاصيل و ترتب معهم كيفية دخولك و ما المساعدة التي يمكن أن يقدمونها إليك.
أحب أن أسمع منك و أطمئن عليك.
د/ ممدوح
loading...
loading...
انا يا دكتور قصتي يمكن تكون عجيبه شويه انا كنت بحب واحده ومحصلش نصيب واهلها رفضو وفي الوقت ده انا نزلت شغل جديد وكانو بيضغطو عليه في الشغل قوي وانا اساسا كانت حالتي النفسيه زفت لوحدي لغاية ما في يوم واحد اداني البرشام ده وقالي ده هيديك شويه المهم من ساعتها وانا باخد وفضلت سنه علي ده الحال لغاية ما قبلت واحد تاني واتقدمتلها وصرحتها بالحقيقه ووقفت جنبي وبطلته بس بطلته شهر بالظط ورجعت اخد اكتر من الاول انا يمكن في اليوم باخد 4 حبيات انا دلوقتي بقالي 4 شهور المشكله اني لما ببطل بحس بوجع وطبعا انا عارفه لاني مريت بيه قبل كده وانا روحت مستشفي العباسيه النفسيه اوادوني ديباكين 500 ونيورازين 100 بس انا عشان عارف الوجع عشان مجربه قبل كده خايف ابطل ببالذات ان اول لما ببطل حالتي النفسيه بتبقي زي الزفت وواحد وصفلي طريقه اني اخد برشام كونجيستال و كومتركس 3 مرات مع بعض وبليل اخد برشام اسمه ازروليد ومش هحس باي حاجه خالص وانا خايف ان خطيبتي تعرف وتسبني ومش هيبقي ليه وش اني حتي اقولها او اعرف اهلي تاني اني رجعت اخد تفتكر يا دكتور انا بقالي 4 شهور يا تري ممكن ابطل وتنصحني اخد دواء ايه
loading...
loading...
عزيزي Seko:
أشكرك علي صراحتك و محاولتك التخلص من إدمان الترامادول.
أنا لا أستطيع أن أنصحك بأدوية معينة لأني لست متخصص و لا أعتقد أن الأدوية التي ذكرتها ستكون مفيدة لك بأي شكل فهي لا علاقة لها بالموضوع.
أنصحك بالإتصال بمركز الحرية لعلاج الإدمان فهم متخصصون و يراعون السرية و الجانب الإنساني في العلاج.
موقعهم هنا:
http://freedom-maadi.com/
أتمني أن أسمع منك بعد تمام الشفاء.
د/ ممدوح
loading...
loading...
ايه الخل مع ان جرعتى كانت لا تتعدى الاتنين مع انى كنت ماليش قابلية ليه بس اصدقاء السوء
loading...
loading...
انا بطلت قبل كدة بس رجعت تانى
loading...
loading...
انا باخود من حوالي 4 شهور بس مش كل يوم اقصي معدل لي في اليوم كان حبايه واحدة و ميش هاينفع ارووح لمصحه كل الي انا عاوزة دواء يساعد اني ابطل ؟؟؟
loading...
loading...