مدونة صيدلية الملاك

 ربنا يثبتك ويكرمك وادعي جوزي ربنا يشفيه هو كمان وميرجعش تاني للزفت ده اصله بتعالج دلوقتي عشان انا واهله ضغطنا عليه عشان يتعالج وخايفة اوي يرجع تاني اصله مكنش مقتنع انه يتعالج

بسم الله الرحمن الرحيم 
اكتب تجربتي مع هذا الدواء اللعين الذي اذلني وجعلني لا افكر في شي الي فيه ابعده الله عني وعن جميع الملسلمين انشاء الله  
قصتي 
كان عمري 35سنه متزوج لي من الاولاد اربعه  اثنين من الذكور واثنين من الاناث 
صعيدي اعمل معلم بمدرسه ثانويه كان كل مافي عقلي فقط العمل
 ولدي ورشه صغيره لصيانه الالكترونيات
تدري علي دخل ليس بالبسيط
وفي احدي السنوات تم نقلي من المدرسه التي كنت فيها الي مدرسه ثانويه صناعيه وطبعا كنت ترقيت مدرس اول 
وهناك قابلتني الشله السؤ ادعو الله ان يبعدها عن الجميع
 وبدا معي صديقي الذي كان في الاساس تلميذي لاني درست له في الاعدادي في اول سنه تخرج
وهو كان حاصل علي دبلوم صنايع
ودبلوم تكميلي فكان مدرس عملي بالمدرسه
لا اخفيكم كان دائم العلاقات النسائيه
مع من بالمدرسه وغيرها وكنت دائما الومه وهو متزوج
 ولديه  اولاد احاول ان ابعده عن هذه السكه الحرام 
وفي احي الايام قال لي انته جربت حاجه للجنس قلت له لا فقال جرب دي واعطاني حبايه اخرجها من برطمان صغير
وقلي دي ممتازه وليس لها اضرار وللاسف كانت في شهر رمضان وبعد الافطار طار
 فضولي الي التجريب فاخذتها وكانت150ملي
وفعلي اعطت مفعول السحر في هذا المجال
ومن هذا التاريخ اي عشرسنوات وانا لم ابطله لدرجت انني اصبحت بلا اي اراده بلا اي تفكير سوا فيه اهملت كل شئ الورشه انتهت المدرسه اذهب اليها  مرغما لا انام  اصبحت داخل المدرسه بدون احترام حتي لتلاميذي
اقترضت من البنوك
حالتي سائت الي اعد الحدود لاسيما ان والدي اخذ كمان تحويشه العمر التي كانت معي من عملي بالسعوديه وكانت كبيره وليست بسيطه
   وفي عام الثوره المجيده حدث ما ارجعني الي صوابي فسبحان الله لدي ابني الاكبر
كان بالصف الثاني الثانويواثناء النتيجه الكل منتظر النتيجه وانا ذاهب ابحث عن شريط تامول حيث كانت جرعتي6 حبات في اليوم واحيانا 8
يعني1600ملي وانا راجع بعد حصولي علي ضالتي وجدت الناس تباركلي بنجاح ابني وتفوقه وحصوله علي202 في الصف الثاني الثانوي
وابنتي في الصف الثالث الاعدادي حصلت علي290
وانا وكانهم ليس اولادي واللهي في هذه الحاله وقفت مع نفسي لحظه وجائني اصغر ابنائي وهومن كنت ارسله لشراء هذا الداء من الصيدلي معدوم الضمير يقول لي بابا انامش هروح للصيدلي ده تاني قلت له ليه قال لي مش بيحترمني
واللهي هز وجداني فقررت التخلص من هذا الداء اللعين وبدائت اقرا في النت كيفيه الخلاص منه وبداتاتدرج من6الي5 الي ان وصلت الي ربع في اليوم لا اخفيكم عانيت كثير  من انسحاب الدواء الملعون من جسمي تعبت تعب لايوصف لم اخذاي ادويه تساعدني نهائياكنت لا انام اتالم ولا ايجعل اي احد يشاركني لاني انا السبب في ما فعلته بنفسي
واذكر نفسي دائما بانني كنت حافظ للقران والان لا اصلي حتي فرض الله وفجئه وبعد الانتهاء من هذا الداء الاعين
يجدني اولادي وانا اصلي الفجر في المسجد
والظهر والعصر والمغرب والعشاء واقراء القران  الذي حفظته صغيرا عن ظهر قلب ورجع البيت الي المحبه والوائام
وتغيرت الي النقيض وبدات الناس تتسائل وتسالني ما الذي حدث في المدرسه التي اصبحت مواضبا فيها ومادتي العلميه  التي وماذلت قوي جدا فيهالاكني ارفض الدروس
وبدائت مره اخري الي ورشتي الصغيره لكن العمل اقل بكتير مما كان عليه في السابق لكن انا احمد الله وانشاء الله يارك لي في اولادي وزوجتي ويعد عني السؤ 
انا قصيت قصتي لكم كي تكون عبره لكم وعبره لكل من يتناول هذا الدواء القاتل اللعين الذ يبعدك حتي عن ذكر الله سبحانه وتعالي واقول بالعزيمه والصبر والجلد الحياه بدون التامول والالتردول ومسمياته وانا اسميه ابلس افضل ابي اخي والدي من يقرا قصتي ابتعدوا عن هذا الداء اللعين تكسبون صحتكم ودينكم واولادكم (المسلم اقوي خيرمن المسلم الضعيف)———–
اخوكم  خ  -ا -ش
مدرس اول الف

 عزيزي Mohamed:
أشكرك علي مشاركتك و علي صدقك في التعبير عن حالتك.
أتمني أن يجد كثيرون الألهام و المساندة فيما كتبت و تكون سبب خير لغيرك بحيث تعود إليهم الحياة الطبيعية مرة أخري.
د/ ممدوح

بصراحة يا شباب انا لسه في مرحلة ا/2 حباية من التامول الابيض او الاحمر في في اليوم
بس ده سم من السموم ابجد
انا كنت بدخن حشيش بس وده من 4 شهور بس الكمية بتزيد يوميا والبرشام بردو بدأت كميته تزيد عايز ابطل بجد

انا بشرب تقريبا كل يوم سيجارتين حشيش و1/2 تامول 225 الكلام ده بقة بصورة يومية من شهر تقريبا ممكن حد يقولي اعمل ايه

كنت فى سنه من السنين الى بضرب فيها جاتلى حاله غريبه حالة خنقه رهيبه بقيت لما اضرب اتخنق ومضربش برضو اتخنق كنت تعباان اوى نفسيا ابتديت اصلى انا ساجد يقيت ادعى واترجى ربنا خرجنى من الى انا فيه بقيت اضرب واصلى بس اؤل ما الدماغ تهب وتشتغل جامد مصليش فضلت تقريبا شهر على كدا كنت بروح المعهد كنت فى معهد شيراتون تقريبا كنتب بروح علشان اسكور وفى الفتره بتاعة الصلاه بقو اصحابى يضحكو عليا لما اسمع الظهر اذن واؤهم انا رايح الجامع اصلى كانو يضحكووو ويقوللى انت بتشتغل نفسك لسه مسكور ورايح تصلى بقيت اقولهم اااه هصلى انا حر وزى العاده ونا ساجد ادعى واتوسل من كل قلبى واقول لربنا مفيش غيرك هيساعدنى ياااااارب ساعدنى وفعلا يا جماعه حصلى الى مكنتش متوقعو جيت فى يوم سهران للفجر وسمعت الاذان قومت اخدت شاور وصليت الفجر واؤلت انا مش هضرب تانى ولاحظو انى مكنتش بقلل يعنى قطعت فجئه وكان دوسى تقريبا شريط 100 والله يا جماعه لما اؤلت مش هاخد نمت وقمت وانا عادى مش تعبان من اعراض االاسحاب الى كلنا بنخاف منها وهيا تافهه المهم عدى اليوم وانا طبيعى والغريب كنت مبسوط وبضحك اؤلت يمكن بكره هتعب وجيه بكره انا برضو عادى وكويس اوى تالت يوم جيه وبرضو كويس الله دا مفيش اعراض انسحاب ومفيش اكتئاب والله يا جماعه خرجت منو ومحستش بئاى حاجه نهااائى نهائى ولاحظو انى وقفت فجئه وكان بقالى سنتين يوميا بضرب .شكرت ربنا وبطلت كل حاجه بس كنت بدخن واشيش وبقى معايا فلوس وصحتى ردت ووشى نور وقريت فاتحه على وحده قريبتى ودخلت شريك مع تلاته معرفه فى محل كمبيوتر عشر شهور انا زى الفل واصحابى قدامى بيقضو وبيحششو ويقولو هااا لسه عايش دور المحترم كنت اضحك واؤلهم اقسم الله ان دلؤتى دماغى اجمد من اى حد فيكو ونشيط وبضحك وبخرج وبتكلم وبنام فى اى وقت احبو لغاية ما ربنا حطنى فى اختبار خرجت مع اصحابى وعارف انهم مترملين روحت قايل لواحد منهم معاك تراما قالى اساااااسى اخدت منو حبايه وحده كانت الترادول وكانت دى بدايتى تاااانى فى الحياه الضلمه الحبايه عملتلى دماغ رهيييييبه اؤلت اانا هاخد بس مش كل يوم بس فين الكلام دا كلو اتمسح ورجعت زى زمان وفركشت الخطوبه وخرجت من المحل ورجعت حياتى الضلمه تانى وفضلت اضرب تقريبا لمدة اربع سنين متواصلين وللقصه بقيه ااانا قصتى طويله بس فيها حكم مش حكمه وحده والى حصلى كان كتير اووى 12 سنه مدمن ومازلت للاسف هبقى احكيلكو باقى قصتى لو حبيتو وقولتو كمل

انا بقا مصيبتي اكبر من اي حد انا مدمن نفسيا قبل ما يكون كيمائيا بدليل اني بعرض نفسي ع الخطر كل 6 شهور انزل مخصوص من السعوديه اجيب الملعون الترامدول بكميات كبيره تكفيني 6 شهور وارجع بيها وطبعا بنزل مخصوص ليه وع حسابي الشخصي ومش كده وبس لا ده انا وهو معايا منه كميات بشيل هم ازاي هعيش تاني من غيره لما يخلص ومعقول هعرض نفسي للخطر تاني وهنزل اجيبه مخصوص رغم ان فيه تشديدات مؤخرا عملتها السلطات السعوديه عشانه بالزات تصل للاعدام وباي كميه ان شالله كانت شريط مع العلم ان بيكون معايا مراتي وابني الرضيع وبقالي 7 سنين مدمن عليه وعرفته عن طريق صاحبتي مع العلم اني صيدلي وادرى الناس بمخاطره ابتديت ب 100 مجم دلوفتي المعدل 900 مللجم اغمى عليا السنه اللي فاتت 3 مرات ومسببلي كوارث في بيتي وانعدام الرغبه الجنسيه الا لما بجي ع نفسي كل 3 اسابيع وطبعا لسه متجوز من سنتين ده معدل قليل جدا ده غير الكسل وطول النهار نايم ع الكنبه وبقوم بالعافيه بعد ما استخير ربنا وعشان الشديد القوي اتطردت من 14 شركه وشغال في ال 15 وربنا موفرلي كل سبل الحياه الرغده وبرضه مش بفكر حتى ابطله مع اني اتمنى وعارف ان كل مشاكل حياتي منه بس اضعف من اني افكر اني ابطله ووقت ما خلص مني قبل ميعاد نزولي كنت بصراحه زي المجنون وعملت خطط جهنميه عشان اعرف اجيبه من هنا
وده من سابع المستحيلات بس نجحت اني اجيبه بس كانت كميه ومش هتعود يعني مش دايمه وانا الان نفسيتي وحشه جدا جدا وانا باخده سبع سنين ع ده الحال اسناني ضعفت زاكرتي تلاشت معاملتي لمراتي بحس اني ظالمها مع اني طيب وكريم مش عارف اعمل ايه عاوز حد يشجعني ويمشي معايا يوم بيوم وهنا صعب اني التحق باي مصحه عشان هسيب مراتي وابني لوحدهم في الغربه ازاي ده غير ان مفيش وقت المفروض اني بشتغل بس طبعا مبنزلش الشغل من السهر ومن جسمي الكسلان وعدم الرغبه والغيبان اللي دماغي فيه انا كاره نفسي وحاسس اني لو استمريت ع كده هموت وقريب جدا جدا

ana akbr modmn shofto fel bashar………..istor ya rab