مدونة صيدلية الملاك

بسم الله . جزا الله خيرا كل من ساهم بكتابة شى عن هذا المرض لانه فعلا فعلا فعلا مدمر شباب مصر حتى تتم محاربته تماما من مصر وحتى جميع الصيدليات او تتم مراقبه شديده عليه وانا كنت مدمن ترامادول لمدة 3ثلاث سنوات لدرجة انى وصلت لمرحلة انى اكون انسان طبيعى بخمس حبيات او اكثر وانى بحسد كل انسان ما بيخدش هذا العقار وانا الان ليه اربع ايام مبطله باعجوبه كبيره وده اللى وصلنى للمنتدى ده لانى كنت بكتب عنوان فى جوجل اسمه بديل الترامادول فوجدت المنتدى ده ولو هقول انا بكتب دلوقتى وانا عندى كمية الم فى المخ فى الجزء الخلفى من الراس ما حدش هيصدقنى ولكن انا مصمم جدا جدا جدا جدا انى اسيب هذا العقار بعد كا الساعات اللى قرات فيها كلامكم وللعلم ان كل اصدقائى اللى انا عارفهم 90 % منهم بياخدوه يعنى ما يزيد عن 60 ودول اصدقائى بس وسبحان الله كلهم نفسهم يبطلوه لكن مش قادرين ومش عارفين ازاى وبجد المرض ده هو موضوع مهم جدا ولازم الدنيا كلها تتكلم عن اخطاره لانه اثاره عليه ممكن الخصها منها الكسل _عدم القدره على اى شىء بدونه_الصداع_الانطواء _مضاعفة التدخين_الاكثار من تناوله مره بعد مره _ ضعف الذاكره_ الضعف فى الجسد _فقدان الشهيه _والكثير اللى انا مش فاكره بجد بسبب الا لم فى المخ الذى ينتابنى الان بجد واللى بسببه فى ضعف وكسل فى الذاكره ونفسى فى علاج لانى مستحيل ارجعله تانى .وانا عندى كلام يملأ كتب عن تجربتى معاه وعلى فكره انا بطلته كتير وكانت اسعد ايام حياتى لانى افتكرت انى مش هارجعله تانى وانا بجد خايف من كده اوى . ونفسى فى رد .شكراه

ربنا يبارك فيكوا

انا بقى باخد الترمادول بقالى 6 سنين وجميع مشتاقاته باخد شرطين فى اليوم لدرجة ان بقت تجيلى نوبة صرع فى اى وقت وفى اى مكان ومش قادر ورحت لدكاترة كتير وارجع تانى بشراهة وحاليا بحاول اقلل بس جسمى كانى فى مفرمة بتكسر عضمى ونفسى ابطل

السلام عليكم جميعا

قرات بعض المواضيع وبعض المشاركات واحب ان اقول ان الحل لترك اي مخدر في العالم وللتخلص من اي شيء مهما كان يكمن في الوعي نعم الوعي حتقولولي كيف ؟؟؟؟؟ دا مو كلام كتب ولا عبارات فارغه

الاتسان خلقه الله وكرمه بنعمة العقل والقدرة على الاختيار

الحل ببساطة يكون عندك هدف في الحياة
الحل نقرأ يا أمة اقرأ
الحل نشغل حياتنا بهوايات مفيدة ونرجع نلم شمل عوايلنا واصحابنا
الحل نترك اسطورة الجنس المسيطرة على عقولنا سرعة القذف علاجها الوعي والحب وتمارين كيجل والوصفات الشعبية والحل 100% مضمون مو اي كلام بس يحتاج مداومة وصبر وتطبيق تمارين كيجل للرجل موجودة في جوجل حتلاقوها ووصفات العطارين الشعبية اللي بتعتد على الاكل النظيف كمان بتجيب نتيجة فتاكة
البيض البلدي والسمن البلدي والعسل وحبة البركة وحب الرشاد كل دي حاجات طبيعية وتدي مفعول قوي وفتاك مع الاستمرار طبعا ومزاولة الرياضة

حياتنا سارت كلها غلط في غلط الاكل كله سار جنك فود يعني اكل مطاعم سريع ماله اي فايدة لازم نرجع ناكل اكل اجدادنا اللي لحد الان نسمع انه الواحد منهم عنده 70 سنة وبيمارس ممارسة جنسية لشاب في ال20 بدون فياجرا ولا ترامادول ولا اي حاجة

القراءة والوعي لمايكون عندك هدف وحياتك لها معنى حتقدر تتخلى عن اي ادمان لانه اولوياتك حتبقى مختلفه وحياتك حتكون لها معنى تاني

اي استفسار انا تحت امركم بس تذكروا قول الله ان الله لايغير مابقوم حتى يغيروا مابأنفسهم غير نفسك عشان حياتك تتغير وربنا يوفقنا جميعا

بسم الله الرحمن الرحيم
اولا انا ممتنع عن العقار و في كامل الوعي وانا اتكلم الان
وكل ما اريد قولة ولعل اللة يعفيني ويعفيكم من هذا السم الذي لة نهاية انشاءالله علي عكس ما يقول الكثيرون بأن الخروج من ادمانة شئ مستحيل ولكن علي مدار 7 اعوام اتعاطي هذا العقار ومن واقع تجربتي اقول لكم بأن هناك ما يسمي بالقوانين التي يجب أتباعها وبعض السلوكيات والعادات التي يجب التخلص منها و لذلك فأن عدم اتباع القوانين الصحيحة او الاستمرار في العادات الغير صحيحة يؤدي الي أبقاء الامر كما هو علية : ويستمر المدمن في ادمانة
هحاول اقول ملخص عن القوانين التي يجت اتباعها
اولا ابعد عن كل اصحابك المددنين
ثانيا اغلق تليفونك و اعزل نفسك شوية عن العالم الخارجي
ثالثا فكر كل يوم في حاجة تشغل وقتك لأن الفراغ سبب اساسي من اسباب الرجوع للادمان
رابعا لا تحاول الاستماع لما يسمي بالكلام السلبي الذي بدورة يشعرك بالحنين لما كنت تشعر بة اثناء تناول العقار
خامسا حاول تغير الاماكن الي كنت بتتردد عليها عشان تقدر تتخلص مما يسمي بكتر التفكير او افكار الضرب بلغة المصحات
يعني بالعربي كدة ابعد عن الاماكن و الاشخاص الي بتفكرك بالحال الي كنت عايش فية
سادسا تغير اشياء: يعني ما تدكش السيجارة فبل ما تشربها عشان متجبلكش افكار سلبية و ما تحاولش تحتفظ بمخدرات في بيتك و تضحك علي نفسك وتقول طول ما هيا قدامي و موجودة هعرف ابطل عشان هيجي وقت وهتغير كلامك و تستخدمها
سابعا الامتناع تماماااا عن استخدام الانترنت او بالاخص الفيسبوك علي الاقل لمدة اسبوع من التبطيل ودي للاسف شرحها صعب بس هتحس اد اية انت مرتاح وانت بعيد عنة اثناء التبطيل
ثامنا واخيرا التقرب الي الله وهو نعم الوكيل والذي بيدة كل شئ : هناك مقولة جميلة قراءتها تقول اذا كنت لا تستطيع النظر الي الوراء لان ماضيك مؤلم ولا تستطيع النظر للامام لان مستقبلك مظلم فانظر الي السماء تجد من لا يظلم
علي فكرة كل الي انا قولتو دي هوا نفس نظام العلاج في المصحات بس الزيادة عندهم انهم بيدوك منومات و ادوية قوية عشان الارق و بيعملولك ما يسمي بأعادة التأهيل وهي اعادة تأهيلك انك تعيش مرتاح بس من غير ما يكون للمخدرات مكان في حياتك معلش طولت عليكو بس والله مش عايز اكتم حاجة ممكن تفيد شاب انة يرجع زي ما كان

انا بالصراحه مدمن حبوب ترمادول لدرجه انى سرت اتاجر فيه وابيعوواا لشباب غزة مع العلم انو بينباع فى غزةة بمبالغ باهضه وبدر ارباح كتير بس للاسف امول حرام وثمنه عنا 3 اضعاف ثمنه عندكووو بمصررر
المهم انا ببيعووو حتى احصل ثمن جرعتى التى تعادل 8
-9 حبات عيار 225 ونفسى ومنى عينى ابطلوو مع انى دخلت على دكتوور حتى اتخلص منووو ولكن للاسف لم استطع
وانانا كنت ابحث على النت على اى طريقه للتخلص منه حتى اجربها وانقل تجربتى لشبابنا فى قطاع غزةة الضايعين الى بدورووو على طريق سليم وخالى من العقار ده ومش ملاقينووو
انا قراءت فى ردود الشباب هان كثير طرق وووصفات للعلاج منووو والقيت اغلبها بتقولل انى ابطلووو بالتدريج وانشاء اللله من يوم السبت بتاريخ 10_9 حجرب اول طريقه ونشالله بتوفق وراح ابلغها لكل شباب غزة الى مثلى
واى حد عندوو اى وصفه او طريقه بتمنى انوو يجوود عليها بينا حتى نسأل الله لهوو الاجر وادخارها فى ميزاتن حسناته

وشكرآ لكم على طرحكم ذلك الموضوع الهادف

اولا بجد انا اول مره اقعد اقرى مواضيع وتعجبنى وخاصه انه فى ناس كتير كاتبه انها بالفعل قدرت انها تشفى وتتغلب على اللعنه انا حاولت كتير انى ابتعد عنه ولكن مقدرتش لاسباب الشغل وانه مفيش وقت عندى لحد ما الحمد لله خسرت شغلى حياتى بدئت بالانهيار التام وبدئيت مرحله اكتاب وعزله عن الناس وتقلبات مزاجيه واشتريت كرتونه تامول 12 علبه فى 10 شرايط مره واحده علشان يكون عندى متوفر لما فلوسى تخلص لكن لو هوه خلص مش عارف انا ممكن اعمل ايه مع العلم انى اقصى جرعه اخدتها فى يوم كانوا حبيتين 225 تامول لمدة 6 سنوات والاول بدات زى كل الناس ب 50 مللى ولما لقيتانه بالفعل بيدى بور عالى جدا انا عمرى ما اخدته علشاناعمل دماغ ولا انه بيغير المود لاء انا اخدته علشان انا مركب شرايح ومسامير فى كتفى وايدى ورفخدى والاماكن دى مع التعب والارعهاق فى العمل بتتعبنى وكانت بتخلينى اقل حركه وبعرج ومش قادر امشى لحد ما لقيت الحل فى الزفت ده وحاليا انا قاعد ومفيش شغل فقلت انى ابطل حاولت وقدرت انى استحمل يومين ولكن بدون ولا نوم ولا اكل فلقيت حد من اصحابى قالى خد زولام هتنام ومش هيحسسك بالمرحله بتاعت التعب دى وبصراحه انا مصدقت انه يكون فى حل اخدت الزولام فى اول يوم لاقيت نفسيتى اتعدلت ونمت بس وانا نايم احلام غريبه جدا من كتر التفكير وبعمل حركات غريبه بتصحينى من النوم وكنت بطر انى اخد تانى علشان اكمل النوم لحد ما دلوقتى اتنيلت اكتر وبقيت مدمن الزولام والتامول باخد الاتنين ووصلت فى الزولام لجرعه اكبر من التامول اللى باخده بقالى 6 سنوات والنصيبه الكبرى بقا انى نفسيتى ابتديت تبقا فى الارض وكاره كل الناس وببعد عن الكل حتا اهلى وابتدت عندى افكار شيطانيه استغفر الله العطيم حاجات كفر وطبعا اكيد الكل عارف انا بتكلم على ا يه ….. وعلى الحال ده بقالى شهرين واول مره فى حياتى ما اصومش رمضان ومش علشان انا عايز اكل لاء علشان استغفر الله العظيم عند … ولقيت نفسى تفكير بيقف ومفيش مزاج والاكتر عذاب انى مس حاسس بالزنب اللى انا عملته وانى بفطر عادى فى رمضان اكنه حق ليا وانا ربنا اللى وصلنى للى انا فيه انا اسف على اللى انا بقوله بس انا بقول اللى بجد حسيته انه معنديش ولا مشاعر ولا احاسيس ولا انى انسان طبيعى خالص والترامادول دلوقتى بيوصلنى انى اكون طبيعى مش اكتر يعنى مبيدنيش الاحساس الاولى لاء مجرد انى ابقا على شبه طبيعتى فقررت انى اوقف الزولام نهائى وانا دلوقتى بقالى 4 ايام موقف الزولام وبحاول اقلل من اللعنه اللى صابتنا كلنا بجد تعبت اوى وبقالى 4 ايام بدون نوم وبحاول اكل بالعافيه علشان اقدر اخد الزفت وطبعا هوه بيدينى نشاط ومن غير الزلام مفيش نوم وجسمى مش قادر يستحمل كل ده وحاله الاكتاب اللى وصلتلها والا مبالاه فى كل حاجه والعزله وامبارح وانا لقيت نفسى اتكلمت شويه مع نفسى وفضلت ادعى لربنا انه يخفف عنى وانه يسامحنى للحصل منى واول مره من مده كبيره اوى احس بالذنب بجد ودموعى بدئت تنزل وشغلت قراءن وقلت انا لازم اقوم اتوضاء واصلى واستغفر ربنا على اللى عملته وبالفعل عملت كده وكنت ببكى وانا بصلى من قلبى وانا بدعى واقسم بالله الذى لا اله الا هوه انى بعد ما خلصت ركعتين لله وريحت شويه على السرير انى حسيت انى مبسوط اوى ومرتاح جدا واذن الفجر وقومت وانا جسمى تعبنى جداااااااااا واتوضأت وانا بتوضىء اقسم بالله كنت بضحك وفرحان جدا ومبسوط اوى وحاسس بالراحله النفسيه جدا …بس ياريت تدعولى ا نى اقدر استمر فى البعد عنالزولام وانى اقدر اكمل فى تقليل اللعنه وارجع تانى طبيعى زى البنى ادمين لانى تعبت اوىىىىىىىى بجد اوى وحاسس انى زباله وحقير وكل حاجه حلوه فى حياتى انا اللى ببوظها من تاثير الهباب ده انا بقدر الامكان بحاول انصح كل اللى اشوفه علشان محدش يقع ضحيه ليه ويكون عد لحبايه هيه اللى بتتحكم فىحياته كلها
وشكرا بجد للموقع وللدكتور ممدوح وعلى الموضوع اللى بجد خلا ناس كتير تتكلم

انا للاسف عندي 16 سنة وبدات اتعاطي الترمادول لحد ما اتعوت علية ودلوقتي ما قدرش اقعد يوم من ترامادول مع العلم اني اتعاطي في اليوم 500 مجم أي حبيتان ونص وعندي امل اني اتغير بس مش الي يساعدني لاني لا يوجد لدي اصقاء خالص ولا اقدر اكلم حد في الموضوع دا

الناس كلها دخلت في حيط إرجعو لربنا

السيد الدكتور الفاضل

لقد أتممت أسبوعان دون أى تعاطى ولكى أكون صريحا معك تناولت فى اجازة هذا الاسبوع 200 مل تم عرضهم عليا من احد زملاء عمل وندمت بعدها أشد الندم وعانيت بعدها لمدة ثلاثه ايام الاما شديدة…

ارجوا منكم النصيحه ماذا أفعل كى أكمل ما بدأته ولا أفسده فأنا لا أريد العودة الى ما كنت عليه من ضياع للمال والصحة والاسرة ةفى نفس الوقت مع كل استيقاظ فى الصباح تهفو نفسى وتتمنى ان أجد قرص واحد فقط وخاصه عندما اذهب للعمل واجد الضغوط الكبيرة التى لا تحتمل وخاصه عندما اعود للمنزل واواجه صداع اطفالى وكان ملجاى الوحيد لطول البال والصبر والابتسام فى وجه زوجتى واطفالى الثلاثه….

لقد عانيت الكثير طوال هذين الاسبوعين من عصبية وتقلب مزاجى ونرفزة شديدة جدا جدا ولا أطيق كلمه من احد ومنعزل بغرفتى الخاصه امام كمبيوترى وكتبى مع العلم ان هذا هو وضعى الطبيعى منذ نعومة اظافرى .. العصبية الشديدة وتقلب المزاج ولم تهدأ حياتى الزوجيه ولم أداعب أطفالى الا فى الفترة الاخيرة عندما اتجهت لهذا الدواء اللعين..

الشيطان لايترك اذنى ابدا ولا يفارقنى لدرجه اننى افكر فى اعود مره اخرى وان احافظ على جرعه صغيرة يوميه صباحا 200 مل مثلا ولكننى اعرف نفسى جيدا فقد بدأت ب 50 مل فى اليوم وانتهيت بـ 2250 مل فى اليوم

أرجو المساعدة مع مراعاة ظروفى النفسية والشخصية والاجتماعية فأنا أكره كلمة الانتكاس كما أكره العودة الى طبيعتى العصبية المتقلبة زكما أكره عبوديتى لهذا العقار..

فى إنتظار ردك الكريم الوافى

السلام عليكم ورحمة الله وبركاته
الحمد لله انعم الله عليا بزوجه صالحه وثلاثه بنات أقر بهن عينى وايضا وظيفه مرموقه براتب يكفينى ويزيد ولكننى للأسف غفوت وأصبحت كفيفا وأصما وإن لم أكن كافرا بنعم الله عليا بسبب ما فعلته بنفسى مه هدا الدواء اللعين …. بدأ الامر مع زميل سوء بالعمل عندما علم اننى مصاب بالغضروف وعرق النساء وهو ما اعانى منه فعلا من اثنى عشر عاما واخشى الحل الجراحى وللاسف طاوعته وجربت تلك الحبه اللعينه التى كانت عبارة عن كبسوله 50 مل انستنى الالم تماما…الان وبعد ثلاثه اعوام أقسم بالله انه لم يمر يوما الا والدواء اللعين فى دمى ووصلت الجرعه التى اتناولها يوميا فى السته اشهر الاخيرة الى شريط كامل 225 مللجم اى 2.25 جم يوميا على ثلاثه مرات…..

حتى لا اطيل عليكم .. حاولت الاقلاع عنه كثيرا وفشلت وكنت دائما اتبع طريقه التقليل التدريجى لكنى كنت افشل وانتكس فى اول الطريق ولم اكمل يوما واحدا بدون الحبوب اللعينة….

مؤخرا هدانى الله ورايت وتدكرت فجاة كم النعم التى من الله بها عليا .. كم انا محظوظ وكم انا غنى بزوجتى وببناتى الثلاثه وبما املك من وغيره وغيره والاهم صحتى ….. هل هزا هو الشكر الى الله ؟ هل هدا هو الامتنان ؟ مادا لو أصبت بفشل كلوى أو تليف كبدى بسبب هدا اللعين ؟ مادا لو توفيت من جرعه زائدة ؟ من سيربى بناتى وسيرعى زوجتى ؟ وكيف ستكون سيرتى بعد الممات ؟ كيف وكيف وكيف ؟ لقد كنت متفوقا فى عمليه لدرجه لا استطيع ان اصفها وكنت امتلك داكرة حديدية ولاانسى شىء ابدا ابدا مهما طال الوقت وكنت أكولا ولا أفوت وجبه وكان عيبى الوحيد هو التدخين أما الان فحدث ولا حرج وبإختصار فقدت فى عام ونصف 15 كيلوجرام من وزنى وتدهورت حالتى الجسدية والنفسية وبالكاد استطيع ان اتدكر مافعليته فى يوم من نفس الاسبوع…..لقد نسيت كل شىء نسيت بيتى وزوجتى وبناتى وعملى …ولدلك نويت والنيه لله تعالى وقررت والقرار قرار رجل حر أن أفيق مما انا فيه وأن اعود لرشدى وبالفعل كررت المحاولة ولكن الاختلاف فى هدة المرة انها ليست محاولة او تجربه بل قرار له هدف لابد من تنفيده مهما كانت العواقب او الخسائر او الالام وبالفعل قللت الجرعه تدريجا سريعا مضاعفا اى انتقلت الى ربع الجرعه مقسومة الى جرعتين فى اليوم لمدة يومان ثم نصفها لمدة يومان اخران ثم نصف قرص ليوم واحد ثم الاقلاع تماما وها انا الان فى مرحلة اليوم الثالث بدون اى تعاطى وادعو الله ان يثبت قدمى وان يزيد عزمى ولا ينقصنى الا تشجيع كل بطل استطاع ان يتغلب على سوء نفسه وارجو منكم النصيحه لان كل ما يقلقنى حاليا هو الالم الرهيب بسبب الغضروف عندى بالاضافة الى انعدام النوم تماما لدرجة انى لم استطع النوم الا بتناول كاميبام بجرعه مضاعفه بالاضافة الى شعور سىء جدا فى الراس بمعدل كل ربع ساعه عبارة عن سحبه كانك ستدخل فى غيبويه ان سيغى عليك ولكن لمدة ثانيه واحدة فقط ثم تتكرر كل ربع ساعة ..

أرجو النصيحه من اهل الخبرة وممن حاول ونجح بالفعل .. كيف اتغلب على اعراض الانسحاب والى كم يوم ستدوم تلك الاعراض ؟ مع العلم بأننى قمت بعمل اجازة خاصه لهدا الموضوع لاننى قررت ولن أرجع الى الوراء ابدا ابدا ابدا

انا بقالى 11 سنه بشرب جميع انواع المكيفات حشيش بانجو ترامدول دخلت مصحه مرتين وكل مخرج ارجع اشرب تانى لانى مدخلتش المصحه بمزاجى علشان ابطل دخلت قهرى من الاهل انا 28 سنه وصلت جرعه الترامدول الى 1500 يويما وحاليا مبطل كل انواع المخدرات بقالى 4 ايام وبعانى من الاكتئاب والالم وباخد اكنيتول وزولام واستابلون وهما مخرجنى من الاكتئاب السؤال هل ممكن ادمن ع الادويه دى واخدها مع بعض كيس وعاوز اخد كالميبام علشان مش بعرف انام ارجوو الرد والاهتمام وادعى لكل من ادمن الترامدول اللعين ربا يشفيه انا كنت فى منتهى الجمال بقيت الان مومياء

السلام عليكم انا انسانه مريضه بمرض الرعاش ويصيبني اوجاع عديده في المفاصل والعضلات وانا اخذ هذا الدواء فقط ليريحني من الامي وليس لسبب اخر ولم الحظ انني مدمنه عليه اخذ 100 مجم في اليوم فقط وهو ممنوع الا بوصفه طيب ما ذنبي اذا كان هنالك اناس استغلو الدواء لاغراض الادمان فهو صعب الحصول عليه في البلد الذي اسكن فيه

أنا رايح أعمل تحليل دم وبول وأنا باخد هذا الدوء أريد حل عند التحليل الدوكتور ما يلاقى هذة المادة بداخل جسمى وأنا باخد من الجرعة 2(200) أريد الرض وبسرعة وأسف على الأزعاج

طيب انا باخده بقالى مدة طويله وعمرى ما بازود عن نص قرص 200 والعيشه هنيه وعال العال وبيقضى تماماعلى سرعة القذف وعل القولون العصبى اللى معايا بقاله 18 سنه وبيخلينى مرتاح نفسيا جدا على فكره ان عند 42 سنه وموظف فى مكان مرموق وكمان بيساعدنى فى الشغل جدا حد من حضراتكم يقولى ابطله ليه