Sep 29 2009
نهاية أسطورة اسمها الترامادول
لمن لا يعرفه فهو أحد المسكنات القوية التي يتم وصفها بعد الكثير من العمليات الجراحية أو الحوادث و الإصابات الشديدة. و هذا شئ طبيعي و مقبول.
أما الترامادول الذي أقصده فهو ذلك الدواء الذي يتم تداوله بين الناس بشكل كبير بدون أن يكون هناك إحتياج طبي حقيقي له و معظم من يلجأ لهذا الأستخدام ظناً منه أن الدواء يزيد القدرة الجنسية( و هو أمر غير صحيح بالمرة) و قد قمت بنفسي بالبحث في كل المصادر العلمية التي استطعت الوصول إليها و لم أجد كلمة واحدة عن هذا التأثير!
و من هنا أستطيع أن أفترض أن ما يتصوره و يردده الكثيرون هو من باب التأثير الوهمي للدواء placebo effect .
و سبب نهاية الأسطورة أن وزارة الصحة المصرية أصدرت قرار بأعتبار الترامادول و كل مشتقاته ضمن أدوية الجدول الأول للسموم و هي أدوية يمنع تداولها تماماً إلا بموجب روشتات خاصة و قيود مشددة للغاية و بالتالي فسيقتصر تداوله علي المستشفيات و هي المكان الذي يحتاج إليه بحق.
قرار حكيم و جرئ و إن جاء متأخراً كثيراً من وجهة نظري.
ممدوح
تحديث في 18-10-2010:
ملحوظة هامة:
أقدر كثيراً كل من اختار أن يشاركنا تجربته مع الترامادول و خاصة من استطاعوا التوقف عنه و لكني لاحظت أن البعض يذكر أسماء الأدوية التي استعملها و ينصح غيره بها و هو ما أرفضه تماماً لأنه لا يجب استعمال هذه الأدوية أو غيرها بدون أشراف طبيب متخصص و خاصة أن بعض الأدوية المنومة قد تسبب التعود. لذا لزم التحذير حيث أنني أقوم بنشر المشاركات علي مسئولية أصحابها و لا تعني نشرها موافقتي عليها أو أعتماد ما جاء فيها من نصائح.
loading...
الف الف مبروك بقايا الم وحس بالفرق بنفسك
loading...
loading...
انا بطلت يا ناس انا بطلت السم دة انا فرحان جدا جدا بقالي 20 يوم ما اخذت لا شي وكمان مش نفسي في اي حبة لعينة
معلش حكتب عن تجربتي الاليمة بعد ما استعيد عافية نهائيا لان انا الان في مرحلة الاكتئاب وسوف اسافر العين السخنة لمدة اسبوع لوحدي وارجع احسن ما كنت انا صاحب تعليق باعلي باسم بقايا الم
الرجاء من الاخواء الاعزاء الدعاء لي
وشكرا
loading...
loading...
عزيزي بقايا الم:
ألف مبروك لك و أتمني لك تمام الشفاء و استعادة حياتك و نشاطك و عافيتك في أقرب وقت.
و ننتظر سماع تجربتك و كيف استطعت التغلب علي أدمان الترامادول عند عودتك.
د/ ممدوح
loading...
loading...
شكرا دكتور ممدوح اوعد الله ثم اوعدك بعدم العودة اليه نهائيا انا دلوقتى بخاف من الريفو اصل الى اتلسع من الشوربة ينفخ فى الزبادى يارب اشفى كل من ابتلى بهذا البلاء يادكتور ممدوح انا نفسى اساعد اى حد انه يتخلص من الترمادول مش عارف ينفع اكتب تليفونى هنا ولا لا
loading...
loading...
عزيزي أمير:
أشكرك و أهنئك مرة أخري.
بالنسبة لترك تليفونك فأنا لا مشكلة لدي في هذا الأمر و لكن البعض ممن فعلوا ذلك قبلك اشتكوا من بعض الأزعاج و كثرة الأتصالات و لكن لك حرية فعل ذلك أن كنت تريد.
يمكنك قراءة تعليقات الآخرين و تقديم المساعدة لهم من خلال التعليقات علي الموضوع و هي ستكون مفيدة لصاحب السؤال و لغيره ممن يقرأ الموضوع بعد ذلك.
د/ ممدوح
loading...
loading...
والانسحاب هو عملية تفريغ الجسم من السموم بعد التوقف عن التعاطي، وتصاحب هذه العملية آلام حادة وتغيرات سلوكية ونفسية متنوعة. والأعراض الانسحابية هي عبارة عن مجموعة التغيرات السلوكية والنفسية والمعرفية والجسدية التي تحدث عندما تقل كمية المخدر التي يتعاطاها المدمن والتي تعود عليها لفترة طويلة.
ويبدأ علاج تلك الأعراض أولا بتغيير القناعة النفسية العقلية والقناعة الجسدية مصاحبا لخطة علاجية متكاملة بحيث يخضع المريض لبرنامج علاجي طبي، ونفسي، واجتماعي، وديني، وارشادي متكامل لعدة أسابيع وذلك لصياغة واعداد المريض لمواجهة الحياة من جديد بصورة طبيعية من دون اللجوء الى المخدر مرة أخرى مع الاستمرار في المتابعة مع مراكز التأهيل لمدة كافية قد تزيد على سنة حسب حالة كل مريض، وهذا هو صمام الأمان الرئيسي للحد من الانتكاسة.
والقناعة النفسية أو العقلية هي أن قناعة المدمن أنه لا يمكن له التخلص من المخدرات وتعاطيها وأن جسده قد اعتمد اعتمادا كليا على وجودها وباختصار ما يسمى بالاعتمادية النفسية. وعن طريق العديد من الطرق يمكن تغيير تلك القناعة ومقابلة الأعراض المصاحبة لها. وهي تحتاج الى تغيير سلوكي واجتماعي كامل ومتابعة مستمرة للابتعاد عما يثير تلك القناعة مرة أخرى فيبرزها للقمة فلا يعود اليها المدمن بصورة أكبر وأشد.
والقناعة الجسدية أو ما يسمى بالاعتمادية الجسدية أيضا مهمة جدا بحيث يصاحب الانسحاب من التعاطي آلاما حادة في جميع أنحاء الجسد، وتبدأ غالبا بعد 3 الى 4 ساعات من التوقف عن التعاطي وتبلغ ذروتها بعد 3 الى 4 أيام وتستمر الى أن يتم التعافي. وهذه الآلام تنتج عن توقف الجسم من انتاج مواد تخفف الآلام بالشكل الطبيعي بسبب اعتماد الجسد على المخدر.
والاسترخاء مع تمارين التنفس العميق المصاحب للتأكيدات العقلية يحث الجسم والأجهزة الداخلية لزيادة القوة المناعية للجسم، مع حث وتحفيز المورفينات الداخلية (نظائر المورفين الداخلية) للظهور والعمل لتعويض الجسم عن المخدر الصناعي وتخفيف الآلام. وهي ثلاثة أنواع (مجموعة الانكفالين ومجموعة الاندورفين ومجموعة داي نورفين ). وهي ما اصطلح على تسميته ‘مراكز المتعة’ أو الدوبامين في منطقة من الدماغ تسمى الجهاز الحوفي.
والتنفس العميق في الاسترخاء يحرك الاندورفينات وهي عبارة عن مواد كيماوية شبيهة بالأفيونات موجودة في الجملة العصبية المركزية، بحيث تخفف الاندورفينات من الاحساس بالألم، وتعزز الشعور بالمتعة الجسدية والنفسية من دون أعراض سلبية.
وتكون طريقة التنفس العميق بأخذ النفس من الأنف ببطء بحيث تضغط الرئتان على الحجاب الحاجز الذي يفصل البطن عن الصدر فتتمدد منطقة البطن للخارج، ثم الزفير ببطء أكبر من الفم مع ضم الشفتين. وبتكرار تلك العملية مع تأكيدات عقلية ايجابية بالشعور بالسعادة والقوة والثقة بالنفس والراحة وتأكيد المقدرة على التعافي، يمكن تقليل تلك الآلام والتخفيف من حدتها بالاضافة الى تعديل المزاج والسلوك السلبي الناتج عن عملية الانسحاب من الادمان وتحويله الى ايجابي، مما يدعم عملية التعافي.
كما ان عملية الاسترخاء يمكن تطبيقها بعدة طرق تنفس متنوعة مع استخدام العديد من الامور المساعدة على الاسترخاء مثل سماع القرآن او اصوات طبيعية او موسيقى هادئة جدا. بالاضافة الى العديد من طرق العلاج البديلة مثل الوخز بالابر والمساج والحمامات المائية وغيرها.
للعلم انه منقول
loading...
loading...
عزيزي أمير:
مبروك نجاحك في التوقف عن الترامادول و أنا سعيد أن أسمعك منك عن دور المدونة في هذا الأمر.
أتمني لك استمرار النجاح و عدم العودة إليه نهائياً و أقدر مشاركتك بالموضوع عن أعراض الأنسحاب و كيفية العلاج لمرضي الترامادول فهي بالفعل مفيدة للغاية.
أتمني لك حياة سعيدة.
د/ ممدوح عز
loading...
loading...
لا احد يستطيع ان يعبر عن مدى الفرحة التى بداخلى الان انا الان معافى من الترمادول ومشتقاته بفضل الله اجتزت فترة الانسحاب باقل الم مع فترة تعاطى تجاوزت الاربع سنوات من عنده ارادة للتوقف عنة الحبة اللعنة لايتراجع فى سؤالى فقد تنقذ القشة الغريق
loading...
loading...
اخي العزيز مدمن اي نوع من انواع المخدرات علي العلم اني جربتها جميعا اهم من الاقلاع هو النية علي عدم العودة وتوافر هذه النية يحتاج الي الكثير من المقومات فصدقني قبل ان اقلع بطريقة نهائية لم اكن اجد معاناه في الاقلاع لمدة يوم واثنين ثم العودة لاسباب نفسية يجب انت تنظر لحياتك نظرة عامه لتعرف مكان الخلل وتصلحه ولو انك صغير وتخاف ان يعرف اهلك فكل ما عليك الا الاعتراف سيلومونك قليلا افضل من ان تخسر نفسك فولهي لقد كنت حاصل علي مدليات وجوائز في رياضية العدو مسافات طويله حتي الان وبعد سنه من الاقلاع عن الزفت الترامداول والحشيش احس بتعب شديد عند العدو خلف الباص وعندما ابذل مجهود كبير قد يصل بي الامر للقيء واخذت الكثير من الادوية المهدئة وحقن الاعصاب للتغلب علي اعراض الانسحاب الاولية وصدقني هي غير مكلفة وحتي لو كانت مكلفة فهذا الثمن الذي يجب ان تدفع لتنقذ ما تبقي منك انني لا ارغب في ان اجعلك خائف اخي المدمن فتقول مهي خربانه خربانه فهذه هي وسوسة الشيطان
واول خطوة هي الصلاة الصلاة الصلاة ولتعلم انك عندما تتعاطي اي ماده مخدرة لا تكون صلاتك مقبولة ولا تصدق من يقول الخمر فقط وعلي العموم انني لست كميائي بس الترامادول تقريبا ومش عاوز افتي احد مشتقات الكحول الخمره يعني وغير انك غائب العقل فكما قال القراءن ولا تقربواالصلاة وانتم سكاري حتي تعلموا ما تقولون وان الحد علي شارب الخمر كان اربعون جلدة تخيل انك بما تفعله تغضب -الرحمن- لدرجة تجعلك عرضه لتطبيق حد اربعون جلدة انا اسف علي اسولوبي ولكن عدم مقدرتي علي الصلاة هوا الذي جعلني اقلع عن المخدرات فلذلك احاول ان اجعلك تتذكر ذلك فولهي لم اكن اهتم لامر صحتي كنت اريد ان اموت والمال كان متوافر معي بكثرة والحمد لله بل كنت اعمل مع رجل اتعاطي معه المخدرات بجميع واجود انواعها مجانا بجانب راتبي واليوم انا حزين لاجله فهوا اكبر مني ب12 عام ولازال يتعاطي المخدرات ولا يستطيع معاشرة زوجته بسبب هذه المادة اللعينة المسماه ترامادول وكان يجعلني اذهب لابتاع له حبوب جنسية تساعده علي المعاشرة لا اتذكر اسمها ولكن لونها ازرق مائل للبنفسجي اسف لانني اطلت عليكم مازال هناك الكثير لاقوله تمنياتي للجميع بالشفاء
loading...
loading...
دعائي للجميع بالشفاء 000
loading...
loading...
انا عن نفسى انا بشوف انواع كتيره اوى الشباب مضروبه بيه مش الترمادول بس لا انما انواع كتير مثلا التداول والتامول الابترل الكنتر بس المهم نفكر لو لحظه ليه الشباب بيعمل كده فى نفسه اقول انا كل شاب فاكر انه هيشرب الحاجه دى هتخى دماغه رايقه وهتخرجه من ال هو فيه بس يلريت مكنش حد منع المخدرات حتى لو مضاره بالعكس هى بتخنق تفكير الانسان مبيباش عارف يفكر المخ بيقى بطى جدا ويزيد التنميل فى جسم الانسان ويسبب الهرش المستمر وادمانه صعب انك تبعد عنه لانك لو مخدتهوش مش هتعرف تتحرك
والمشكله ان الحريم والبنات بقو يادمنو البرشام وبلاخص العضم والفرواله اتمنى ان كل الناس تبعد عنه وحسبى الله ونعمه الوكيل فى حكومه مصر …………..انا من السويس
احمد 22
شكرا
loading...
loading...
انا بقى اتجوزت جوزي وانا بحبه جدا ومكنتش اعرف انه مدمن لكل انواع المخدرات بعد الجواز بكام يوم اكتشفت انه بيدفع كل الفلوس المعاه عشان يشتري الترامادول بحجة القدرة الجنسية وكل فترة يبطل ويرجع يبطل ويرجع وكانت النتيجة النهائية البينا الطلاق بعد اقل من 6 شهور جواز وكل ده بسبب الترامادول والمخدرات
loading...
loading...
السلام عليكم
أنا مدمن أحب أن أشارككم تجربتى اللعينة
و لكن بداية لى ملاحظة هامة الترامادول ينفرد بأنه يدمنه أشخاص عادييون لا علاقة لهم بالمخدرات أو الفساد على عكس كل المخدرات الأخرى فمثلا لن تجد مدمن هرويين لا يدخن السجائر و لا يتعاطى الحشيش إلا فى أحوال نادرة
المهم أنا اليوم عندى 36 عاما أدمنت الخمور من سن 15 عام ثم الحسيش من سن 17 ثم البانجو من سن 20 ثم النالوفين من سن 25 ثم الترامادول من سن 26 أتعاطى يوميا 8 حبيات 200 أقلعت سابقا لمدة عام عن كل شئ حتى السجائر و الشاى ثم عدت ثم أقلعت لمدة أسبوع ثم عدت ثم أسبوع ثم عدت و تكرر هذا كثيرا من المرات صرفت مبالغ طائلة على المخدرات عموما و على الترامادول خصوصا لا أعرف ما النهاية أستطيع أن أقلع عنه فى أى وقت بتقليل تدريجى للجرعة مع التثبيت عدة أيام بين كل تقليل و آخر و الإنشغال فى العمل و الألعاب على الكمبيوتر هذه طريقة إستخدمتها مرتين أو ثلاث بنجاح و هناك طريقة جربتها مرة و هى الإمتناع المفاجئ و هذا عذاب مقيم من إكتئاب و ألم بالبطن و إسهال و قئ و كحة و عطس و رشح و عدم تركيز و عصبية رهيبة و الإحساس بسخونة قوية تليها مباشرة برودة قوية بتتالى مريع و طنين بالأذن و عدم القدرة على العمل او الحركة أو النوم و ألم لا يصدقه عقل فى المفاصل لدرجة أنى كنت أتمنى أن أقطع كوعى من الألم الموجود به عموما هناك عدة طرق لكن هناك عدة مشاكل تمنعنى عن الإقلاع و هى :ـ
الحاجة عن البعد عن المثيرات التى تدفعنى للتعاطى من نرفزة فى العمل او احتكاك بالناس او مرافقة الأصدقاء
الإنسان العامل لا يستطيع ان يترك عملة اسبوع او اسابيع
و لكن هذه العقبات بالمزيد من الجهد يمكن تجنبها و تذليلها المشكلة الأساسية لدى كما رأيتم ليست الإقلاع لكن الإستمرار فيه فهل لديكم اى حل أنا بعد الإقلاع ابتعد بالفعل عن اصدقاء السوء و لكن لا استطيع التركيز فى العمل مما يدفعنى للتعاطى مرة أخرى فما الحل مع العلم اننى اعانى من اكتئاب مزمن اعالج منه بكورس مستمر عاما كاملا ليزول فيزول لعام آخر أو عامين ثم يعود مرة أخرى
أتمنى النصيحة العلمية لان حياتى على كف عفريت و انظر لإبنى الصغير فيصعب على و مش قادر أعمله حاجة و حاسس انى مذنب فى حق الجميع
loading...
loading...
عاوز اقول حاجة ان الترامادول دة وهم بجد تاخدة فى صداع يزود الصداع تاخدة مسكن شوية و يزيد الام تاخدة عشان الجنس تبقى زى الفل و لما ماتليقهوش تتفضح يبقى لية من اصلة
loading...
loading...
والله والله الموضوع بسيط جدا
انا كنت باخد الزفت ده بنسبه عاليه كمان ولمده طويله
جيت فى يوم اخد البرشام ده
سألت نفسى سؤال لو الترمادول ده اتمنع هعمل ايه (هموت ) يعنى
لا انا اتغلب عليه وابطلو بمزاجى بدل ما ابطلو غصب عنى والحمد لله من اللحظه دى بطلتو
مش مشكله اننا نغلط المشكله لو وقعنا فى نفس الغلط
وعلى فكره محدش بيغصب حد على حاجه انت الى اختو بمزاجك محدش غصبو عليك
علشان كده اعترف بغلطك وقول انا غلطان متقولش الحكومه والناس الى بتبيع
وفى النهايه ادعوا الله ان يزيح عنا هذا البلاء
loading...
loading...
انا للاسف الشديد مدمن هذا المخدر اللعين ونفسي ابطل مش قادر علية ابدا وصلت الجرعة الان 7 حبات في اليوم 200 مللي وبهذا المخدر اللعين اصبحت انسان انطوائي احب العزلة نفسيتي تدمرت جدا بفكر في كل لحظة في الموت والانتحار والله لو حد يعرف يساعدني يقول احنا في هذا الشهر الكريم ومش عارف ابطل شوف انا كنت انسان ملتزم ديني وناجح جدا في عملي اصبحت الان بدون عمل واخذ المخدر في نهار رمضان حسبنا الله ونعم الوكيل في الانسان اللي اعطني اول حبة رغم اني طول حياتي لم ادخن سيجارة ولا اشرب حاجة خالص ولكن معرفش عقلي كان فين لما اخذت الحبة دة يارب ساعدني اتغلب علي نفسي وربنا يشفني جمعيا من ذلك المخدر اللعينولو حد عندة مركز علاج متخصص في هذا المخدر اللعين يقول بس مركز اروح في الصباح وارجع انام في بيتي او اصرف علاج يساعد علي تقليل الجرعة وتركة نهائيا مع العلم انا ساكن في منطقة جسر السويس قريب من الف مسكن
alatshin@yahoo.com
0141882201
loading...
loading...
السلام عليكم ورحمه الله وبركاته انا هقولكم حكايتى يمكن تستفيدوا منها وبعون الله عندى العلاج انا عملت حادثه وانا ف الجامعه حصلى كسر ف فقرتين ف ضهرى وركبت شرايح ومساميروحصلى بعدها تلوث ف العمود الفقرى مرتين ودخلت اوضه العمليات 3 مرات ف شهر واحد وكنت عايشه ف المستشفى على الترامادول وربنا كرمنى واراد انى اقوم على رجلى تانى مش على كرسى متحرك زى ما توقعوا الدكاتره خرجت من المستشفى لابسه حزام حديد لمده6 شهور وطبعا كل يوم باخد المسكن اللى كان وقتها بالنسبه لى مش اكتر من كده لحد ما جيت اوقفه حسيت باعراض واوجاع لا تحتمل وحاولت كتير محاولات فاشله والشهور امتدت لسنين لحد ما اتجوزت وبقيت حامل وانا لسه باخد اللعنه دى وطلعت على دكتور مشهور دخلنى مصحه 3 ايام بس كنت اروح الصبح وامشى بالليل علشان محدش يعرف حاجه لا قادره اسوق ولا اتكلم ولا حتى اتنفس واختى ربنا يخلهالى مش سابتنى بس اكتشفت انى روحت لجزار مش دكتور خد منى مبلغ وقدره بدون اى نتيجه والحمل نزل لاسباب اخرى ورجعت تانى لحد ما بالصدفه شفت يافتة دكتور قولت اجرب ادانى اربع ادويه وخطه لتخيف الجرعه مع الادويه رجعتنى تانى الانسانه اللى كنت اعرفها يا جماعه نصيحه محدش يتعافى على نفسه انا لما عملت كده مش طلعت بحاجه غير الم ومحاوله فاشله نزلوا الجرعات بالتدريخ واثبتوا عليها مش اكتر من يومين هتلاقوا الالم ممكن احتماله ولما تقربوا لاخر جرعه استعملوا الادويه دى دوا اسمه سيتالو مره واحده صباحا وجابتين ربعميه تلت مرات وديتوكسيدين صباح ومساءنص حبه ليبونكس منوم وده حاول مش يبقى كل يوم وربنا يشفى كل الناس اللى دخلت اللعنه دى حياتهم وادعولى بعد ما ربنا يكرمكم ويشفيكم ويبقى الهباب ده صفحه وانطوت ف حياتكم
loading...
loading...
عزيزتي أنسانه:
أشكرك علي مشاركتك لنا بتجربتك و يسعدني معرفة أنك استطعت التغلب علي ادمان الترامادول و العودة لحياتك الطبيعية.
فقط أريد توضيح أنني لا أنصح أي أحد بأخذ هذه الأدوية من نفسه بل يجب أن يتم ذلك بمشورة طبيب متخصص لأن هذه أدوية قوية و يجب ضبط جرعاتها و تفاصيل الأستعمال و المدة علي حسب الحالة بمساعدة الطبيب.
فكما استعملتيها أنتي بمعرفة الطبيب يجب أن من يريد استعمالها يذهب للطبيب أولاً.
تمنياتي للجميع بالشفاء والحياة السعيدة.
د/ ممدوح
loading...
loading...
الله ينور عليك على هذه الردود القيمة واريد علاج لسرعة القذف ضروري
وشكرا جزيلا
loading...
loading...
انا باخد الترامادول بقالى 6سنين يوميا وصلت 1000مل مش قادر ابطلو وبقى مشكلة ليا ونفسى ابطلو واعيش حياتى عادى
loading...
loading...
اولا شغل مراكز خروج السموم في الجسم واهم مركز هوه الجلد في افراز العرق عن طريق الجري البطيئ
ثانيه تناول من كوب لثلاثه اكواب لبن يوميا
ثالثا خفض جرات الترامادول بمعدل ربع قرص كل ثلاث 8 ايام
رابعا لا يخلو فم المدمن من اللبان او المستيكه لانها العامل الاول لتشغيل الغده العابيه الي تعمل ماده الترامادول على تقلقل افارزها لذا يشعر المدمن بعطش مستمر
خامسا تناول الجرجير في وجبتين على الاقل ويفضل الغداء والعشاء
سادسا عند الاحساس بحتياج الجسم لماده الترامادول يرجى عدم بذل مجهود على الاقل لمده ثلاث ارباع الساعه معا محاوله تناول اي عصير فريش
سابعا محاوله التقليل من الادخنه مثل السجائر والشيشه لانها تساهم بشكل بير في زوال ماده الترامادول من الدم
ثامنا الذين يعانون من سرعه القذف يراسلوني على اميلي وباذن الله لهم عندي حل فعال خلال شهر
تاسعا تناول معلقه عسل يفضل عسل حبه البركه صباحا على الريق ولمده ساعتين دون اكل لكن تناول الماء شئ اساسي في اول ثلاث مرات المدمن سيشعر بتقلصات في البطن معا خروج غازات
عاشرا في فصل الشتاء الاكثار من تناول البرتقال وفي فصل الصيف الاكثار من تناول العنب بانواعه والبعدفي فترته العلاج هذه عن الالياف مثل البطيخ وماشابهه
loading...
loading...
شوفوا بقي انا زهقت من البرشام ده خلاص بجد انا كنت مدمن عليه لدرجه كبيره قوي بس ما بطلطوش الا لما سافرت انا كنت في مصر بقوم من النوم اخد 3 حبيات 200 وبعد كده علي المغرب اخد زيهم وباليل اخدلي 2 اعلي بيهم وكانت الحياه ايه زبادي في الخلاط بس مكنتش بعمل حاجه غير اني ابرشم وبس ودلوقتي الحمد لله بقيت 10/10 بس لما سافرت
يا خوفي محدش يبطلوا الا لما يسافر وبس ووالله دلوقتي بيتعرض عليا هنا ومش برضي حتي امسكه لاني بجد ززززززززززززهقت منه
loading...
loading...
ya ostaza “may ahmed”, fe fel saydaleyat gehaz keda so3′ayar le kashf el mokhadarat “el tramadol belzat”, tamano ta2reban 50 l.e “geneh”, ashtereh aw atmili test le bentek, dah byb2a 3al tare2 el fam “total privacy” and shofe eh mawdo3 bentek dah, we ya shabab batalo darb ba2a.
loading...
loading...
انا عانيت منه بعدما كتبه لى الطبيب المعالج وكان عندى شرخ شرجى حتى تعودت عليه وانا انصحكم بعدم تناوله هذه رساله من معانى اثار الترامادول وحسبى الله
loading...
loading...
اسمى زيزو ..مصمم جرافيك
امس فقط اعطانى احد اصدقائى قرص من الرتامادول..وبحب الاستطلاع عملت بحث عن الاعراض الجانبيه لهذا الدواء..فوجدت ان الكل مجمع انه كارثه…حاليا القرص فى جيب البنطلون الجينز الصغير..يقبع فى حسره ..لأن مصيره سله الزباله…
شكرا لك من ساهم فى فضح هذه الحبه الساحره…
loading...
loading...
عزيزي زيزو:
شكراً علي تعليقك و يسعدني أنك اتخذت هذه الخطوة قبل تناول القرص فهذا هو السلوك السليم لأن الدواء لا تصلح معه سياسة جرب و لن تخسر. فيجب أن تعرف جيداً ابعاد اي دواء قبل استعماله و لا يجب استعمال أي أدوية بدون أن يصفها لك طبيب متخصص.
أتمني لك الصحة و السعادة.
د/ ممدوح
loading...
loading...
السلام عليكم ورحمه الله
انا محمد من المحله الكبري وانا كنت مدمن ترامادول بس الحمد لله انا عرفت اسيبه ازاي
طبعا العزيمه اهم حاجه
انا كنت اعد يوم من غير ماخده احس ان انا تعبااان جدا وزهقان وجسمي متكسر اوي وعندس سخونيه ورشح وبكح ومش بعرف انام ربع ساعه علي بعض عرفت بمشيئه الله ابطله ازاي انا كنت باخد في اليووم مش اقل من 400
اعدت كل يوم اقلل نص خدت 300 وبعدين اخد 200 وبعدين اقلل نص اخد 100 وفضلت اخد 100 لمده 3 او اربع ايام بعد كده لقيت نفسي عرف اسيبه عادي جدا وبسهوله ومش بالصعوبه اللي انت متخيلها بس اهم حاجه العزيمه
ويارب اكون فيدتكم بحاجه وربنا يحمينا من الضرر ومن الادمان
loading...
loading...
السلام عليكم ورحمة الله وبركاتة
موضوع الترمادول دا مشكلة فعلا لانة اصبح متواجد كثير في الصيدليات و في الشوارع دلوقتى الشاب الي مش لاقي شغلانة بيجبلو شريطان يتعامل بيهم يبعهم وكدا دى بردوا مشكلة الحكومة لانها مش موفره فرص عمل للشباب انا كنت بتعاطى الترمادول بس الحمد لله خفيت الجرعه يعنى كنت الاول باخد6 اقراص 200 حاليا بفضل ربي بقيت نصف قرص وبقول للشباب الي عايزة تتعالج بامانة من التردادول من غير ما تروح المصحة ولا تروح لي دكتور طريقة حلوة انا طلعت بيها من الترمادول لو انتا متعود تاخد 5 اقراص مثلا بتاخد الظهر لا تعالي علي نفسك وخد المغرب بس قلل الجرعه هتلاقي العملية معاك بقت في النازل وبردوا معنى كلامى مش اول متصحى من النوم تتعاطة لا حاول تقعد فترة لغاية متحس انك متعطش له خد بس قلل الجرعة وكل يوم علي كدا وان شاء الله خير والمهم تدعيلي انى ابطل النصف قرص بردو هوة مش حاجة بس مفيش احلا من الطبيعي
الترمادول دولة لايعيش فيها الا الدموع
loading...
loading...
ياريت بدل ما نعمل الترمادول اسطورة نعمل له مضاد علشان اللى عايز يبطل لان فيه شباب وقع فيه وخايفين ان اهلهم يعرفوا
لذك لايستطعون الابتعاد عنه خوفا من اهلهم والناس المحيطه بهم
اصل موضوع العلاج تحت اشراف طبيب او مصحه للعلاج مشكله لمن وقع فيه
ولا الحكومه عايزة تشغل الدكترة تصنع المرضى علشان يبقى العيدات مفتوحه
ارجو ان اكون وفقت ولست مسئول ان لم يفهمنى الاخرين
loading...
loading...
Hello Mamdouh, im 3ahed, we went to college together, love your website
im writing in english because i dont have arabic on my laptop
I would just like to explain the importance of medical treatment of tramadol addiction
My feelings go out to all of those affected by tramadol addiction.
I will try to be as breif as possible:
1- There are several methods of treating tramadol addition
2- Most non-medical methods have a success rate of <20% in the first year
[ for patients with over 2 years addiction]
3- Medical treatment is preferrable done at ahospital, or treatment facility, and not at an individual doctors clinic
4- Tramadol is an opiode derivative, so when it is taken continuously the bosy stops producing something called "endorphins", natural morphin elike chemicals.
5- In order to stop tramadol, one of the best ways is through substitution. In a hospital environment, an injection (naloxone) is given to the patient, which cleans all of the opiate receptors in his body, (antagonist), this is can be done gradually , or under anaesthesia (Waismann Method) either way this must be under specialised medical supervision of withdrawal symptoms and respiration.
6- After the initial detoxification (in step 5)
the patient is given a medicine called (Subutex) which is buprenorphine:naloxone 4:1 preparation, under the tongue (sublingual) as maintanence therapy. [im not sure if this is available in egypt, but similar drugs should be available]
7- The maintanence therapy will replave the need of the patient to take tramadol, and Subutex is much easier to stop later on.
8- This has a high success rate
Other advice would be, drink strong coffee in the morning, take ibuprofen at night (painkiller) , and most importantly EXCERCISE,
Good luck to you all
loading...
loading...
عزيزي عاهد:
لا استطيع أن أصف لك سعادتي بمشاركتك و المعلومات القيمة التي قدمتها في تعليقك علي موضوع الترامادول, فكما تري من التعليقات فهو يسبب مأساة حقيقية للكثيرين.
و لتعم الفائدة قمت بترجمة رسالتك للعربي هنا
http://www.elmalakrx.com/blog/2010/05/tramadol-treatment-centers-egypt/comment-page-1/#comment-3337
أتمني أن نظل علي أتصال دائم و تشاركنا بآرائك الرائعة دائماً.
ممدوح
loading...
loading...
السلام وعليكم جميعا ورحمة الله وبركاته:
طبعا انا بشكركم كلكم على التعليقات الممتازة-سواء الايجابية أو السلبية- على الموضوع اللى فعلا مناهم واخطر المواضيع المطروحة فى ساحة المجتمع.
انا دخلت المنتدى هنا بالصدفة وانا بعمل سيرش على نوع ادوية معين (مش ترامادول طبعا هههههه)
وحبيت اضيف تعليق متواضع لكل الاخوة اللى بيسألو عن طريقة للتخلص من الادمان بصفة عامة ؛ مش هنقول ان التخلص من الادمان شىء سهل وبسيط ؛لان طبعا اللى ايده فى المياه مش زى اللى ايده فى النار – ربنا يعافينا جميعا.
بس فى امور لازم تتوفر للتخلص من الدمان ولازم تتوفر كلها ؛ منها اجتماعية ودينية ونفسية:
1- اخلاص النية لله سبحانه وتعالى فى الاقلاع عن الادمان باعتباره من الذنوب العظيمة
2-الارادة والعزيمة الصادقة لدى المدمن للاقلاع عن الادمان .
3-الاستعانة بالعلاج الطبى طبعا مصداقا لقول النبى صلى الله عليه وسلم”تداوو عباد الله فما انزل من داء الا وله دواء”"او كما قال
4-تغيير الصحبة ؛وده عامل اساسى فى التغيير
5- تغييرالبيئة لأن طبعاليها تأثير كبيييييير فى حياة الانسان
وأفضل بيئة يمكن الاستعانة بيها بيئة المسجد زى ما قال اخونا الفاضل بسام.
مع خالص تمنياتى بالشفاء العاجل لكل اخ مدمن -نسأل الله العفو والعافية.
طبعا انتم ملاحظين كلمة “طبعا” اللى بتكرر كتييير فى كلامى ؛ هههههههه
loading...
loading...
صباح الفل على احلى دكترة
loading...
loading...
ايه يا جدعان هيا رخامه وخلاص هوا كل واحد قاعد على مكتب يتكلم وهوا مش حاسس بينا احنا عملنا حاجه غلط
طيب حد يقولنا نبطلو ازاى
طب انا عصبى جدا والدكتور وصفهولى علشان اهدى
بعد ما عملت الحادثه بقالى سنه تعبان وعمال اخدو
طب اعمل ايه ابطلو وارجع طبيعى ازاى
بطلتو مرتين ومقدرتش طب الحل ايه بدل ما دكتور يتكلم وهوا مش حاسس يجى يعالج وانا على اتم استعداد اروحلو والايميل بتاعى اهو
fullpinpin@yahoo.com
يارب الاقى حل عشان انا زهقت من الدنيا ومن الناس ومن نفسى
هوا انا بعمل سرش عشان ازاى ابطل الاقى الناس والحكومه عايزه تمنعو
طب عالجونا الاول دا ايه المصايب دى ياربى
حسو بينا بقى ياعالم الناس بتعامل اللى بياخدو كانو مجرم رد سجون
طب ما اكيد حد من اللى بيقرا ابو واخو او اختو او امو اى حد بياخد
كفايه بقى حرام انا هلاقيها من الترمادول ولا من الناس ولا من المشاكل
loading...
loading...
السلام عليكم ارجو من كل مدمن ان يرجع لعقله
loading...
loading...
الترامادول دمر حياتى حسبى الله ونعم الوكيل فى اللى عرف زوجى عليه
loading...
loading...
للا سف الشديد اسطورت الترمادول لم تنتهى بعد فبعد ان دخل ومشتقاته الجدوال ظهر كثيرا البرشيام المخدره مثل التى دول والزى يطلقون عليه اسم الفرواله وهناك ايضاء الترمادول 200 ويطلقون عليه تفاحه وترمادول 100 ويطلقون عليه موزه وترمال وترما الخ الخ الخ وكل هذاه الانواع مجهولت الهويه والمصدر حسبى الله ونعم الوكيل
loading...
loading...
انا شاب اسكن مدينة غزة وانتم تعرفون الوضع المأساوي في غزة وتعرفون انتشار > عقار الترمال(ترامادول)> انا اصبحت مدمن ترمال انا أأخد كل يوم جرعة ما بين (400ملي جرام – 600ملي > جرام)> وفي حال اني لم اخد الترمال لا استطيع النوم بتاتا واشعر بالتعب الشديد > والاكتأب والقلق الشديد والبرد الشديد واتحرك بصعوبة بالغة> حاولت اكتر من مرة اني اتخلص منه الي اني مش قادر>> ارجو منكم مساعدتي بأسرع وقت
loading...
loading...
طب إل عنده سرعة قذف العلاج العملى والفعال إليه هل من علاج وعاوز من الاخر
loading...
loading...
اقولك انا على حل بسيط جدا وجميل جدا ونتيجتو مضمونة وانا مجربو وربنا كرمنى اخر كرم مش بس بطلت الترامدول والحشيش وا وا وا لا وكما ربنا هدانى وكرمنى وحياتى كلها بقت سعادة ونعيم
الحل اخرج فى سبيل فى الله ارجع لربنا فى ناس كدا بتخرج فى سبيل الله بيخرجو 3 ايام واربعين يوم واربع شهور اخرج انت معاهم 40 يوم اربيعين يوم فى بيئة الايمان فى المسجد هيخرج من جسمك كل انواع المخدارات
loading...
loading...
عزيزي بسام:
شكراً لك علي التعليق و أحترم وجهة نظرك و دور الدين و التقرب إلي الله في حياة الأنسان و لكن هذا لا يمنع أن الأدمان يحتاج إلي علاج طبي و رعاية من طبيب متخصص ليتخلص الأنسان من الأدمان سواء كان الترامادول أو غيره من المواد التي قد تسبب الأدمان.
د/ ممدوح
loading...
loading...
مع احترامى للجميع انا اخدت كل انواع المخدرات وبقالى 15 سنة بتعاطى ودلوقتى باخد الهباب اللى اسمة ترامادول والله اعراضة اشد من اعراض البودرة وامنية حياتى قبل ما اموت ابطل الترامادول بس بصراحة مش قادر وعضم جسمى كلة بيوجعنى وهى دى مشكلتى الوحيدة انا بطلت البودرة والبانجو والحشيش والخمور بس مش قادر ابطل الزبالة دة ارجوكم لو فية دواء يخلصنى منة وحد يعرفة ياريت يقولهولى ها يكسب ثواب كبير بس للعلم انا مش عايز اروح مصحة ولا لدكتور عشان الطب دلوقتى بقى تجارة اسف على الاطالة ولكم جزيل الشكر
loading...
loading...
يا جماعه انتو نازلين سلخ على الحكومه والحكومه هيا الى سيبانا والحكومه هيا وهيا ليه بنرمى الغلط كولو من علينا وبنلزقو لحد غيرنا ان كانت الحكومه هيا السبب فى ادمن الشعب المصرى للترامدول بقراط واحد فان الانسان المدمن على الترامدول هو السبب الرئيسى فى ادمانه على الترامدول او غيرو يا اخوانى احنا اتلهينا بالافلام والاعلام وبقينا بنقلد تقليد اعمى وبس.يقولك ده البطل بياخد برشام ده البطل بيضرب بسنجه ده البطل معلق 10 بنات فى وقت واحد ده البطل بياخد رشوه ده ده وحاجه تانيه اهم وكان المفروض تتكتب الاول الا وهيا البعد عن دينا البعد عن القيم الانسانيه والاخلاقيه ويقولك يا عم هنعمل ايه مكل الناس بتعمل كده انا شم هدخل واتعمق فى موضوع الدين لان كلنا عارفين ايه المطلوب مننا نعملو فى دينا بس انا ليا تعقيب صغير على الاستاذ اليبيقول لو عاوز تبطل ترامدول نزل كل يوم ربع قرص ولمده كام وارجع تانى نزل ربع وهكذا طيب هوا نسى ان اصلا اراده المدمن ضعيفه نسى ان المدمن لو حصلو اى هزه نفسيه صغيره لدرجه انو لو سمع اغنيه ممكن تاثر فيه وترجعو تانى اقل كلمه بتغيرو نسى ان المدمن كثير النسيان نسى ان المدمن عندو لا مبالاه من نحيه صحتو مستقبلو اهلو (ايكش تولع) انا مكنشى يوم بيعدى الا لما اخد التراما دول بجميع انواعه وطبعا ملوش لازمه زكرها لدرجه انى كنت بقرقش الحبايه ولى اخدو عارف اد ايه مرارتو ومكنشى بيعمل اى حاجه ازود وازود لدرجه انى بحس انى عادى ولا عمل اى حاجه حتى بعد شريط ونص 15 حبايه كنت اخد كمان معاه حجات تساعد على تشغيله زى الابتريل نيوبان وصلت لمرحله انى لما مش الاقى ترامدول حبوب اخد حقن واه من الشكه شكه الابره دى فى حد زاتها ادمان لكن تعرفو فى الاخر ربنا من عليا بفضله وبطلتو فجأه واللهى من مره واحده ولا تنزيل ولا تقليل بس طبعا قبل كل شىء ربنا وضعنى فى مشكله المشكله دى الى فوقتنى قولت لنفسى كده ايه الى انا بعملو فى نفسى ده انته بتضرب حقن زنب اهلك ايه الى انته باليهم بيك انته انسان مقرف والحمد لله انا بقالى سنتين مبطل وبفضل الله ربنا رزقنا بدماغ احسن من الدماغ الى كنت بعملها بالترامدول الا وهى حب النفس الثقه بالنفس حب الخير للناس حب ان تكون محترم حتى لو الناس مش محترمه هتبقى عامل زى الشجره الى فى وسط صحرا الناس كولها هتيجى هتيجى عندك .وانا صغير كان نفسى اطلع صايع زى عادل امام فى افلامه دلوقتى انا بكره عادل امام كره العمى لانو من احد اسباب تشكيل شخصيتى وانا صغير يا جماعه واللهى الى عاوز يبطل يغير البيئه الى عايش فيها يبعد يشوف ناس جداد واهم حاجه ميصاحبشى الناس بتوع الدماغ والناس ضعيفه الشخصيه ويصاحب ناس ملتزمين دينيا ناس بتحب العلم ناس بتحب الخير لاجل الله مش من اجل يتقال عليهم ناس كويسه يحب ان يكون عظيما فى نفسه عظيما فى عطائه عظيما فى اختياره انا لما غيرت المكان الى عايش فيه استريحت روحت البلد ولقيت ناس تانيه مش بدور على ازاى تقضى يومها ازاى تعمل دماغ دى تفاهه انما بيدورو ازاى يشتغلو ازاى يجيبو فلوس النهارده علشان ابنهم عاوز يرضع عاوز يروح المستشفى علشان عاوز يعيش مش عايش وعاوز يعمل دماغ فضلت اسبوع دماغى مصدعه وقرفان وبشرب سجاير كتير اوى وبزعق والله يباركلها امى هيا الى استحملتنى واه على نوبات العياط الى كانت بتجيلى نفسيتى وحشه وبحس ان الناس كلها بتتكلم عليا وبيبصولى وماشى مكسوف مفيش ثقه واى كلمه افهما غلط وانطوائى والحمد لله كلها شهر والموضوع راح تدريجيا بس انا مش رجعت لاصاحب السؤ الى فى المدينه لا قولت كمل 3 شهور ابعد خالص والحمد لله انا تمام ومزاجى بيبقى احلى مليون مره دلوقتى عن ما اكون رافع ترامادول او مشتقاتو او او واللهى انا نفسى نبدا بنفسنا ومعلشى انا طولت عليكو
loading...
loading...
دكتور ممدوح ارجو ان تنصحنى اعمل ايه بنتى جالها حاله اغماء وتشنج شديد انا توقعت ان ابنتى بطلع فى الروح وعندما فاقت قالت زميله لها اعطتها حبيتين ترامادول وقالت لها هذا مسكن وابنتى قالت لى هذه اول مرة مع انها كثيرا تجلس بمفردها وتنام كثيرا ارجو من سيادتك النصيحة للام معذبه
loading...
loading...
أنا للاسف تعودت على هذا السم منذ 5 سنوات الجرعة الحالية 300 مللى يوميا وبانتظام أقول انة فعلا مؤثر فى الجنس لأنة يطيل من مدة العملية أنا الأن أتمنى من اللة الشفاء لأن حياتى تغيرت أصبحت خاملا كسولا مكتئبا أحب العزلة والانطواء وعدم مخالطة الناس انة يدخل الجسم عن طريق التجربة ثم بعد ذلك لا تستطيع الاستغناء عنة أرجوكم ساعدونى
loading...
loading...
الى الاخ محمد يمكنك ترك الترامادول بتقليل الجرعات ببط شديد يعنى انزل بربع قرص لغاية اربع نزلات ثم اوقف تنزيل الربع لمدة خمس ايام ثم ابدء تانى فى انزال ربع كل يوم حتى حبة كاملة ثم اوقف التنزيل لمدة خمس ايام تانى وعيد الكرة حتى توقف الدواء تماما
loading...
loading...
حسبي الله ونعم الوكيل في حكومة مصر
loading...
loading...
شباب انا بالفعل مدمن ترمادول ودلوقتي بدور علي علاج حقيقي منه لاني مش قادر اكمل كده ومش قارد بردو مخدوش لاني بتعب بجد
تعب حقيقي يعني مبقدرش استحمله
حولت اني اروح لدكتور قبل كده بس كان عباره عن تجاره بالنسباله اخد مني فلوس كتير ده غير الروشتات اللي كان بيكتبهالي الواحده كانت معديه ال200 جنيه
انا شايف ان اكتركو داكتره مشاء الله
لو حد منكم يعرف علاج حقيقي وفعال من الترمادول يقولي الطريقه وانا هتبعها مع العلم اني لما بسيبه مبعرفش انام نهائي وحالتي النفسيه بتكون وحشه اوى مش بطيق حد يكلمني وبكون مكتأب جدا وضهري بيبقي واجعني اوى وببقي تعبان مش قارد ابزل اي مجهود ولا حتي امشي
انا عايز اتابع علاج خلال الفتره اللي بتعالج فيها مصحاش من النوم مش عايز اصحي من النوم غير بعد ما اخف لو امكن او تقل الاعراض دي بدرجه كبيره لاني مش بقدر استحملها
سؤال اخير وارجو الاجابه
الترمادول ممكن انه يصيب المعدي بالسرطان وبنسبه كام في الميه
شكرا واسف علي الاطاله
loading...
loading...
د-ممدوح
أعجبني جرأتك في قبول صراحة مدمن الترامدول و أحب ان أضيف أن هذا الدواء او هذه اللعنة كثيرا ما رأيت لها مأساه فهذا العقار عبارة عن هرويين في كبسوله و بالفعل فأن متعاطيه لا يستطيع البعد عنه ألا بأرادة قويه و لكنه ليس بمستحيل و هذا عن طريق تقليل الجرعات و تقليل فترة تعاطيه مع الغذاء و قبل ذلك الأستعانة بالله و هذه تجربة شخصية لي فأنا و لله الحمد كنت مدمن و تعافيت و كنت مدمن هروين و بعد وذلك تعالجت من الهروين بتأخذ مخدر الترامدول أو اي من مشتقاته و هي أكثر من نوع و يجب أن تصدقني أني كنت لا أشعر بتعب أو ألم في أنسحاب مخدر الهروين من الدم و لكن أنسحاب مخدر الترامدول أقوي ألم بمعني أن الترامدول يفوق الهروين في تأثيره , أما بالنسبة لمتعاطي الترامدول للجنس فهذه كارثة لأن ذلك يمنع الرجل أن يمارس ذلك بدونه مما يؤدي في حالة عدم وجود العقار الي عدم القدرة الجنسية و شكرا مدمن متعافي
loading...
loading...
انا مدمن ترامادول ومشتقاته مده 8 اعوام تقريبا لما تحبوا تسالوا على حاجه اسالوا مجرب متابع الموضع عايز اافهمكم انى مفيش شاب من عمر 16 عام تقريبا الى رجل عمره 55عام تقريبا مجربش الترامادول ومشتقاته ان مكنش بيدمنه عشان اعرفكم الترمادول بيتباع دلواتى فى اى مكان تتخيله صعب انك تجيب الحشيش والبانجو وسهل جدا انك تجيب الترامادول سعر الشريط من عشرين جنيه لتلاتين جنيه الى عايز اقوله انى الحكومه عرفه ده والان بيجى من الخارج تهريب بس الشريط المستورد من براه معروف وبتاع الموسسه معروف والاكثر فى السوق بتاع الموسسه يبقا ازاى بقى جدول وعليه حظر حررررررررررام شباب كتير اوووووووووووووى مدروبه بيه احنا فى كرثه والرجاله الى مبتتعاطش عشان الدماغ بيطعطا عشان الجنس لانه فعلا ليه مفعول السحر فى الجنس و ليه مفعول السحر فى الشغل بس ياولك لو اتعود عليه استر يارب ومعلومه الى معهوش يجيب شريط ممكن يجيب قرص اواتنين اووو وبعدين حرام كان الاول مفيش منه القرص 50بعد جد
ه نزلو منه 100 الناس سابت 50 وبقيت تجيب 100 راحوا نزلوا منه جراعات200الناس خدات200ودلاواتى نزلوا225ومستنين الجديد ايه والله حرام يعنى القرص باربع حبيبت تقريبا من 50 المفاجاه انى انا واحد وصلت ل8 و9 اقراص يوميا فا جاتنى حالات اغمق ورعشه وعض على لسانى اثناء الاغماض وهى مثل حالات الصرع ققلت الجرعه الى 6 حبيات والمشكله انك بتخد قرص فى الاول او نص بعده غصب عنك بزود الجرعه لانه مبياثرش ومتقدرش تبطله ابدا حتى لو بعد عنه فتره بردوا بترجع تانى ه و نفس تاثير البودره تقريبا وانا لسه مخلستش حكايه عليه ليه بقيه عايز اقول حاجه ياااااااااااااااااااااااااابلد احنا تعبنا يا حكومه انتوا فين الخرب حل على الشباب وانتوا ببتفرجوا وعارفين وسكتين لصالح مين الجيل الدمر ده مش هتلقوه عشان يحميكوا الشباب مبتمشيش الا بلبرشام احنا تعبناااااااااااااااااا دموع مدمن ترامادول
loading...
loading...
عزيزي المدمن المجهول:
قبل كل شئ أشكرك علي صراحتك و أمانتك في نقل الواقع بصراحة و بدون تجميل أو تخفيف.
و للحق فقد رأيت ضرورة نشر هذه الرسالة لعلها تكون أبلغ من كل المقالات التي يمكن أن تكتب في هذا الموضوع فالكثيرون لا يصدقون درجة الضرر التي يمكن أن يسببها الاستعمال الخاطئ للأدوية و من أبرزها الترامادول فالكثيرون يعتقدون أن الأدوية هي مجرد أداة للهو يمكنهم استعمالها و التوقف عنها وقتما يشاءون و هو غير صحيح تماماً و كما واضح في الرسالة فأن المدمن لهذه الأدوية يحتاج إلي زيادة الجرعة باستمرار للحصول علي نفس التأثير الأول الذي يبحث عنه مما يدمره صحياً و مادياً في نفس الوقت! و هو ما يعرف علمياً باسم Tolerance
و إليك عزيزي المدمن المجهول أقول أنه لا يزال هناك أمل في الشفاء, فقد أتصل بي منذ فترة شخص لا أعرفه مدمن علي الترامادول و له نفس حالتك و قد نصحته بالذهاب إلي مركز متخصص في علاج الأدمان و استجاب للنصيحة و كتب إلي بعد فترة ليخبرني بأنه تم علاجه و هو الآن بصحة جيدة و أتمني أن تأخذ أنت نفس هذه الخطوة من أجل حياتك و مستقبلك.
و يمكنك قراءة الموضوع بالكامل هنا
http://www.elmalakrx.com/blog/?p=147
و للأمانة فقد نقلت رسالتك كاملة كما هي باستثناء عبارة واحد حذفتها لأني رأيت أنها لا يصح أن تنشر هنا.
اشكرك مرة أخري و أتمني لك الشفاء و الصحة.
د/ ممدوح
loading...
loading...
هو جدول كده بالاسم لكنه مازال موجود وبكثره عن الاول كمان واتحداكم ان كانت هناك اي مدينه او قريه او ميدان حتي الا يباع فيه الترمادول يباع في الصيدليات وكمان الديلرات ودول بالذات اكتر ياريت بجد البلوه دي تتشال خالص من مصر كلها ووالله كل واحد مسؤل عن دخوله وصناعته ايضا وهو يعلم ضرره علي الانسان لابد ان يحاكم ويعاقب علي هذه الجريمه البشعه التي حلت في وسط مجتمعنا منذ حوالي 10 سنوات تقريبا واسال الله الشفاء لنا جميعا
loading...
loading...
يـــاااه ..
يعنــى لحد دلوفتى الترامادول مكنـش فى الجول ؟؟؟
طب أزاى دى !!
عمومـا مش القــرار ده اللى هيحد من اسنعمـاله الغيـر شـرعى ..
الترامادول بقى بيتباع عـادى جدا , وبقـى منتشر أكتـر من الحشيش كمـان
أنا واحد من النـاس شفت التـرامادول أكتــر من مـرة , ولا مـرة فيهم كان جاى من طريقه الصح
loading...
loading...
للتوضيح:
الترامادول كان مصنف تحت ما يعرف بالجدول الثاني و هي أدوية لا تصرف إلا بروشتة طبيب و لكن الصيدلي غير ملزم بالأحتفاظ بالروشتة بل فقط رؤيتها.
أما الجدول الأول الذي أصبح فيه الآن فهي أصناف لا تصرف إلا بموجب روشتة خاصة و الصيدلي ملزم بالأحتفاظ بها و تسجيلها مما يسهل محاسبته و مراجعة الكميات المصروفة و لمن صرفت.
و الجدول الأول يضع علي الصيدلي مسئولية أكبر و بالتالي يحد من تداول الترامادول في غير محله.
د/ ممدوح
loading...
loading...
انا كمان سعيد بالقرار ده
ع فكره الترامادول بياثر على العمليه الجمسيه عم طريق الناثير على
“pelvic nerve”
مش فاكر السمبثاوى و لا البارا
المهم انه بياثر على العصب المسئول عن ال
ejaculation
و بالتالى بيعمل
prolong for the sexual intercource
loading...
loading...
انا صيدلانية جديده لا اعرف هذا الدواء لكن من الواضح انه له ثاتير سئ لهذا اجد هذه الخطوه ممتازه
loading...
loading...
هل ترمل نفس المفعول الترامادول
loading...
loading...
فعلا الترامادول بالنسبه لناس كتيره هو اسطوره
بس قرار دخوله فى الجدول هيحد من تداوله بس معتقده انه
هيديلوا الشهره الاكبر كمان
السؤال بالنسبه لمتشابهاته ودى شفتها من قبل فى الصيدليه
وايدى الندوبين لسه ما فى قرار من احد
على العموم انا شايفاه ايضا قرار ممتاز جاء متأخر
مدونه ممتازه
يا ريت تكتب ان امكن ملخصات عن الفارما كولوجى او لمحات نستعيد بيها
ذاكرتنا من الدراسه
دمت طيب
loading...
loading...
أخيرًا انتبهت وزارة الصحة لشيء من مليون شيء، عقبال ما تنتبه الوزارة لدجالين الأعشاب المشهورين الذين يتربحون على حساب آلام الناس؛ بل على حساب آجالهم
loading...
loading...