Sep 29 2009
نهاية أسطورة اسمها الترامادول
لمن لا يعرفه فهو أحد المسكنات القوية التي يتم وصفها بعد الكثير من العمليات الجراحية أو الحوادث و الإصابات الشديدة. و هذا شئ طبيعي و مقبول.
أما الترامادول الذي أقصده فهو ذلك الدواء الذي يتم تداوله بين الناس بشكل كبير بدون أن يكون هناك إحتياج طبي حقيقي له و معظم من يلجأ لهذا الأستخدام ظناً منه أن الدواء يزيد القدرة الجنسية( و هو أمر غير صحيح بالمرة) و قد قمت بنفسي بالبحث في كل المصادر العلمية التي استطعت الوصول إليها و لم أجد كلمة واحدة عن هذا التأثير!
و من هنا أستطيع أن أفترض أن ما يتصوره و يردده الكثيرون هو من باب التأثير الوهمي للدواء placebo effect .
و سبب نهاية الأسطورة أن وزارة الصحة المصرية أصدرت قرار بأعتبار الترامادول و كل مشتقاته ضمن أدوية الجدول الأول للسموم و هي أدوية يمنع تداولها تماماً إلا بموجب روشتات خاصة و قيود مشددة للغاية و بالتالي فسيقتصر تداوله علي المستشفيات و هي المكان الذي يحتاج إليه بحق.
قرار حكيم و جرئ و إن جاء متأخراً كثيراً من وجهة نظري.
ممدوح
تحديث في 18-10-2010:
ملحوظة هامة:
أقدر كثيراً كل من اختار أن يشاركنا تجربته مع الترامادول و خاصة من استطاعوا التوقف عنه و لكني لاحظت أن البعض يذكر أسماء الأدوية التي استعملها و ينصح غيره بها و هو ما أرفضه تماماً لأنه لا يجب استعمال هذه الأدوية أو غيرها بدون أشراف طبيب متخصص و خاصة أن بعض الأدوية المنومة قد تسبب التعود. لذا لزم التحذير حيث أنني أقوم بنشر المشاركات علي مسئولية أصحابها و لا تعني نشرها موافقتي عليها أو أعتماد ما جاء فيها من نصائح.
loading...
السلام وعليكم ورحمة الله وبركتة انا ماندو من الزقازيق وبخد تموال وترمادول وبهدل في الجسم يا جماعة انا كنت مفكر ان البتع دة في الاول حلو طلع هبب يارتني مكنت ختو اساس يا جماعة انا بموت انا عندي16 سنة وبتمن منكم ان حد يشوف لي حل ابوس ايدكم انا اخوكم الصغير بس انا دخلت في سكة طويلة ومش لية اخر وانا قدامي الف فرصة حلوة بس مش قادر مستني الرد yoyo.200817@yahoo.com دة اميلي
loading...
loading...
كنت فى سنه من السنين الى بضرب فيها جاتلى حاله غريبه حالة خنقه رهيبه بقيت لما اضرب اتخنق ومضربش برضو اتخنق كنت تعباان اوى نفسيا ابتديت اصلى انا ساجد يقيت ادعى واترجى ربنا خرجنى من الى انا فيه بقيت اضرب واصلى بس اؤل ما الدماغ تهب وتشتغل جامد مصليش فضلت تقريبا شهر على كدا كنت بروح المعهد كنت فى معهد شيراتون تقريبا كنتب بروح علشان اسكور وفى الفتره بتاعة الصلاه بقو اصحابى يضحكو عليا لما اسمع الظهر اذن واؤهم انا رايح الجامع اصلى كانو يضحكووو ويقوللى انت بتشتغل نفسك لسه مسكور ورايح تصلى بقيت اقولهم اااه هصلى انا حر وزى العاده ونا ساجد ادعى واتوسل من كل قلبى واقول لربنا مفيش غيرك هيساعدنى ياااااارب ساعدنى وفعلا يا جماعه حصلى الى مكنتش متوقعو جيت فى يوم سهران للفجر وسمعت الاذان قومت اخدت شاور وصليت الفجر واؤلت انا مش هضرب تانى ولاحظو انى مكنتش بقلل يعنى قطعت فجئه وكان دوسى تقريبا شريط 100 والله يا جماعه لما اؤلت مش هاخد نمت وقمت وانا عادى مش تعبان من اعراض االاسحاب الى كلنا بنخاف منها وهيا تافهه المهم عدى اليوم وانا طبيعى والغريب كنت مبسوط وبضحك اؤلت يمكن بكره هتعب وجيه بكره انا برضو عادى وكويس اوى تالت يوم جيه وبرضو كويس الله دا مفيش اعراض انسحاب ومفيش اكتئاب والله يا جماعه خرجت منو ومحستش بئاى حاجه نهااائى نهائى ولاحظو انى وقفت فجئه وكان بقالى سنتين يوميا بضرب .شكرت ربنا وبطلت كل حاجه بس كنت بدخن واشيش وبقى معايا فلوس وصحتى ردت ووشى نور وقريت فاتحه على وحده قريبتى ودخلت شريك مع تلاته معرفه فى محل كمبيوتر عشر شهور انا زى الفل واصحابى قدامى بيقضو وبيحششو ويقولو هااا لسه عايش دور المحترم كنت اضحك واؤلهم اقسم الله ان دلؤتى دماغى اجمد من اى حد فيكو ونشيط وبضحك وبخرج وبتكلم وبنام فى اى وقت احبو لغاية ما ربنا حطنى فى اختبار خرجت مع اصحابى وعارف انهم مترملين روحت قايل لواحد منهم معاك تراما قالى اساااااسى اخدت منو حبايه وحده كانت الترادول وكانت دى بدايتى تاااانى فى الحياه الضلمه الحبايه عملتلى دماغ رهيييييبه اؤلت اانا هاخد بس مش كل يوم بس فين الكلام دا كلو اتمسح ورجعت زى زمان وفركشت الخطوبه وخرجت من المحل ورجعت حياتى الضلمه تانى وفضلت اضرب تقريبا لمدة اربع سنين متواصلين وللقصه بقيه ااانا قصتى طويله بس فيها حكم مش حكمه وحده والى حصلى كان كتير اووى 12 سنه مدمن ومازلت للاسف هبقى احكيلكو باقى قصتى لو حبيتو وقولتو كمل
loading...
loading...
ااااااااخ من اللعنه الى اسمها ترامادل ادمنتو من تقريبا 12 سنه قبلها كنت بشرب خمره بانجو وحشيش والبرشام الوحيد الى كن باخدو كان الكرو او الصليبه وبعدها عرفت التراما او بمعنى اصح جربتو لانى كنت عارفو وكنت بتريق عالى بياخدو واقولهم تراما ايه المعفنه دى حاجه بتخلينى جربان اهرش ارجع لحد ما جيه اليوم الملعون وجربناه انا واتنين اصحابى وبدأت قصتى الطويييله الى ما زالت مستمره . طبعا انا ادمنت وبطلت مليون مره علشان اخد قرار التبطيل ممكن تعدى سنتين وانا بحاول اقرر بس بينى وبيكو لوفعلا كنت عايزابطل كنت هبطل التراما مش صعبه فى تبطلها لو عزمت من جواك بكل جديه واقنعت نفسك ان عندك دور برد قوووى والله تلات ايام وبعدها هتبقى سهله جداا ومن ناحية النفسيه فا برضو انت المتحكم فيها لانك لو فعلا عزمت بجديه هتلاقى نفسك فرحان انك بترجع للحياه والنور بس المهم العزيمه وكمان فى حاجه تانيه وهيا القرب الجاااد لربنا ودعواتك المستمره ان ربنا ينقذك منو وانا هحكيلكو قصتى الى كانت اختبار من ربنا بعد ما هدانى سقط فى اؤل اختبار ورجعتنى حبااايه وحده بس الى حصلى ياا جماعه حكمه وعظه هحكيلكو ويارب تستفيدو وانا كمان استفيد من التجربه الى مش عارف اكررها تاانى ..
loading...
loading...
انا بقا مصيبتي اكبر من اي حد انا مدمن نفسيا قبل ما يكون كيمائيا بدليل اني بعرض نفسي ع الخطر كل 6 شهور انزل مخصوص من السعوديه اجيب الملعون الترامدول بكميات كبيره تكفيني 6 شهور وارجع بيها وطبعا بنزل مخصوص ليه وع حسابي الشخصي ومش كده وبس لا ده انا وهو معايا منه كميات بشيل هم ازاي هعيش تاني من غيره لما يخلص ومعقول هعرض نفسي للخطر تاني وهنزل اجيبه مخصوص رغم ان فيه تشديدات مؤخرا عملتها السلطات السعوديه عشانه بالزات تصل للاعدام وباي كميه ان شالله كانت شريط مع العلم ان بيكون معايا مراتي وابني الرضيع وبقالي 7 سنين مدمن عليه وعرفته عن طريق صاحبتي مع العلم اني صيدلي وادرى الناس بمخاطره ابتديت ب 100 مجم دلوفتي المعدل 900 مللجم اغمى عليا السنه اللي فاتت 3 مرات ومسببلي كوارث في بيتي وانعدام الرغبه الجنسيه الا لما بجي ع نفسي كل 3 اسابيع وطبعا لسه متجوز من سنتين ده معدل قليل جدا ده غير الكسل وطول النهار نايم ع الكنبه وبقوم بالعافيه بعد ما استخير ربنا وعشان الشديد القوي اتطردت من 14 شركه وشغال في ال 15 وربنا موفرلي كل سبل الحياه الرغده وبرضه مش بفكر حتى ابطله مع اني اتمنى وعارف ان كل مشاكل حياتي منه بس اضعف من اني افكر اني ابطله ووقت ما خلص مني قبل ميعاد نزولي كنت بصراحه زي المجنون وعملت خطط جهنميه عشان اعرف اجيبه من هنا
وده من سابع المستحيلات بس نجحت اني اجيبه بس كانت كميه ومش هتعود يعني مش دايمه وانا الان نفسيتي وحشه جدا جدا وانا باخده سبع سنين ع ده الحال اسناني ضعفت زاكرتي تلاشت معاملتي لمراتي بحس اني ظالمها مع اني طيب وكريم مش عارف اعمل ايه عاوز حد يشجعني ويمشي معايا يوم بيوم وهنا صعب اني التحق باي مصحه عشان هسيب مراتي وابني لوحدهم في الغربه ازاي ده غير ان مفيش وقت المفروض اني بشتغل بس طبعا مبنزلش الشغل من السهر ومن جسمي الكسلان وعدم الرغبه والغيبان اللي دماغي فيه انا كاره نفسي وحاسس اني لو استمريت ع كده هموت وقريب جدا جدا
loading...
loading...
عزيزي ahmed gemy:
بالطبع الأمور صعبة جداً كما وصفت و أري أن الحل الوحيد هو أن تأخذ أجازة لمدة أسبوعين و تنزل إلي مصر و تلجأ إلي أحد المراكز المتخصصة في علاج إدمان الترامادول و بالتأكيد ستجد المعونة و المساعدة المتخصصة التي تجعلك تستطيع التخلص منه نهائياً و في نفس الوقت تكون مطمئن علي زوجتك و أولادك في مصر مع الأهل حتي تمام الشفاء.
و هنا بعض المراكز التي أرشحها لك.
http://www.elmalakrx.com/blog/2010/05/tramadol-treatment-centers-egypt/
د/ ممدوح
loading...
loading...
د/ ممدوح اتمنى حضرتك تكون فى تمام الصحه و العافيــه
انا طالب فى بكالريوس هندسه السنه دى ان شاء الله و للاسف نتيجــه للضغط اللى عليا فى الدراســه كنت بضطر اخد السم ده
وبصراحه كنت مبسوط جداا من نتيجته فى الدراسـه انجاز الكثيــر فى اقل وقت ممكن و لكن بعد سنه من استخدامه
اصبحت حياتى كالجحيــم فحالتى النفسيه اقل من السيئه معاملتى مع اصدقائى اختلفت للاسوء خسرت معظم اصدقائى
اسلوب كــلامى اصبح سـوقى لدرجه انا نفسى لا اتخيلها و بجد ندمان جداا على كل قرص اخدته من اقراص الموت دى
ودلوقت حابب اتخلص من السم ده يا دكتـور لكن بجد مش قادر .. اجى اذاكر او اعمل اى حاجه فى مشروع التخرج حالتى
النفسيه تكون فى الارض ما اقدرش انجز اى حاجه الا بى الترامادول
وفى نفس الوقت الامتحانات فاضلها 4 ايام و ما اقدرش ابطله خلالها
فاارجو حضــرتك يا دكتور انك تــوصفلى افضل جدول زمنى يخلينى ابطل الحبـوب دى بجيث تتزامن مع دراستى
بحيث انى ما اخلش بالدراســه و فى نفس الوقت بعد انتهاء الامتحانات اكون رجعت طبيعى تانى علما
بان امتحاناتى يومين فى الاسبوع ابتداءا من 9/1 الى 26/1
اتمنى تكون فكرتى وصلت لحضرتك يا دكتــور وشاكر جدا لمجهودات حضــرتك فى الموقع
loading...
loading...
عزيزي eng / mahmoud helmi:
أشكرك علي صراحتك و مشاركتك.
بالطبع وقت الإمتحانات ليس الوقت المناسب للتوقف عن الترامادول حتي لا تحدث لك أعراض الإنسحاب و تمنعك من مواصلة الإمتحانات.
نصيحتي لك بما أن الأمور وصلت بك لهذه الدرجة أنك بمجرد أن تنتهي من الإمتحانات تذهب إلي مركز متخصص في علاج الترامادول و ستجد معلومات هنا
http://www.elmalakrx.com/blog/2010/05/tramadol-treatment-centers-egypt/
و ستجد لديهم المساعدة و النصيحة و الخبرة ليساعدوك علي التخلص من المشكلة تماماً مع مراعاة السرية التامة.
تمنياتي لك بالنجاح و الصحة.
د/ ممدوح
loading...
loading...
ana akbr modmn shofto fel bashar………..istor ya rab
loading...
loading...
ارجو الرد من حضرتك يا دكتور ممدوح انا اسف انى بكتب تعليقى هنا بس انا فعلا عايز رد سريع على موضوعى
انا بقدم فى شغل فى شركه ومطلوب منى تحاليل كمان يومين وانا مش مدمن ولا ترامادول ولا حشيش بس ساعات اصحابى بيعزموا عليا والمشكله انى شربت معاهم امبارح ومش عارف اعمل ايه فى موضوع التحليل ده ازاى امنع ظهور الحاجات دى فى التحليل وانا عشان الورطه دى مش هقرب من الحاجات دى تانى بس اعمل ايه دلوقتى ارجو الرد لو سمحت؟؟؟؟؟؟؟؟
وشكرااااااااااااااااااااااااااااااااااااااااااا
loading...
loading...
عزيزي صاحب تعليق أنا في ورطة:
شكراً علي ثقتك فينا و أعتذر لك عن تأخري في الرد.
أن كان الأمر عارض و لا تفعله بشكل منتظم فهو لن يظهر في التحليل لأن الجسم سيتخلص منه بسرعة و لن يتراكم فيه.
و للأطمئنان يمكن عمل تحليل بنفسك قبل تحليل الشركة للتأكد.
د/ ممدوح
loading...
loading...